About Us

KBCUSA တၢ်စံၣ်စိၤတဲစိၤအတၢ်ပညိၣ်ကွၢ်စိ

KBCUSA တၢ်စံၣ်စိၤတဲစိၤအတၢ်ပညိၣ်တၢ်ကွၢ်စိမ့ၢ်ဒ်သိးပပှၤကလုာ်စိၤခဲအံၤမ့ၢ်ဂ့ၤ,ဒီးခါဆူညါစိၤလၢခံသ့ၣ် တဖၣ်,ဒ်သိးကသ့ၣ်ညါလီၤတံၢ်လီၤဆဲးက့ၤပကရၢမိၢ်ပှၢ်အတၢ်စံၣ်စိၤတဲစိၤလီၤတံၢ်လီၤဆဲးအဂီၢ်န့ၣ်လီၤ.တကတီၢ်ဃီဖိ လံၤသ့ၣ်တဖၣ်ကသ့ၣ်ညါနၢ်ပၢၢ်က့ၤခိၣ်နၢ်သ့ၣ်တဖၣ်အတၢ်ကျဲးစၢၤတ့ၢ်လၢတၢ်ကရၢကရိအံၤကအိၣ် သူၣ်လီၤအသး လၢကီၢ်အမဲရကၤပူၤဒ်ကရၢလၢအဖိးဒီးသဲစးတဖုအသိးန့ၣ်လီၤ.တၢ်ကရၢကရိအတၢ်စံၣ်စိၤတဲစိၤအံၤတမ့ၢ် ကဘၣ်အိၣ် ကတီၢ်အသးလၢ(၁၅)နံၣ်အတီၢ်ပူၤဘၣ်,မ့မ့ၢ်ပှၤဘၣ်မူဘၣ်ဒါလၢခံတစိၤသ့ၣ်တဖၣ်ကဟံးထီၣ်ဖီၣ်ထီၣ် က့ၤအမူအဒါ ဒီးကဆဲးကွဲးက့ၤတၢ်စံၣ်စိၤတဲစိၤတစိၤဘၣ်တစိၤအဂီၢ်န့ၣ်မ့ၢ်ပတၢ်ပညိၣ်ကွၢ်စိအဒိၣ်ကတၢၢ်န့ၣ်လီၤ.

 “ပှၤတကလုာ်အတၢ်စံၣ်စိၤတဲစိၤမ့ၢ်ဂ့ၤ,တၢ်ကရၢကရိတဖုဒီးတဖုအတၢ်စံၣ်စိၤတဲစိၤန့ၣ်တၢ်ကရၢကရိအပှၤ ဘၣ်မူဘၣ်ဒါအိၣ်ဒီးတၢ်ခွဲးတၢ်ယာ်လၢလၢပှဲၤပှဲၤလၢကဘၣ်ကွဲးဝဲဒၣ်န့ၣ်လီၤ.”“ပှၤတကလုာ်လၢတသ့ၣ် ညါ ကွဲးက့ၤအတၢ်စံၣ်စိၤတဲစိၤန့ၣ်,မၤအသးဒ်ထိၣ်ဒ့ၣ်ပီၢ်ထံပီၢ်ယိာ်ကိာ်,တသ့ၣ်ညါထံဒီၣ်ထံယိာ်,တုၤမ့ၢ်အ ဃဲၤ က့ၤအတၢ်စံၣ်စိၤတဲစိၤသနာ်က့ၤ,မၤအသးဒ်ကသူတကပၢၤလၢတၢ်ဖီအီၤတအိၣ်ဒီးအံသၣ်န့ၣ်လီၤ.”

 ပဝဲကညီခိၣ်နၢ်လၢနီၢ်ခိမ့ၢ်ဂ့ၤ,လၢနီၢ်သးမ့ၢ်ဂ့ၤပမၤတၢ်ဆူၣ်,ပမၤတၢ်ဂ့ၤ,ပဟ့ၣ်လီၤပသးလၢာ်ဆၢလၢာ်က တီၢ် န့ၣ်လီၤ.ဘၣ်ဆၣ်တုၤမ့ၢ်,မ့ကွဲးပာ်ဖျါက့ၤလၢလံာ်လၢလဲၢ်သပှၢ်ကတၢၢ်ဟဲထီၣ်က့ၤဒၣ်ထဲတကျိၤခံကျိၤန့ၣ်လီၤ.ဘၣ်ဃး ဒီးတၢ်ကွဲးလံာ်ကွဲးလဲၢ်တကပၤပအိၣ်ဒီးပတၢ်ဂံၢ်စၢ်ဘါစၢ်အါမးန့ၣ်လီၤ. တၢ်န့ၢ် အဃိ ပတၢ်ပညိၣ်ကွၢ်စိအဒိၣ်က တၢၢ်လၢပကကွဲးက့ၤပတၢ်စံၣ်စိၤတဲစိၤဆူၣ်ဆူၣ်, အိၣ်ဒီးတၢ်မၤနီၣ်မၤဃါလီၤ တံၢ်လီၤဆဲးန့ၣ်တက့ၢ်.

  ပတၢ်ကွဲးက့ၤ ပကရၢမိၢ်ပှၢ်အတၢ်စံၣ်စိၤတဲစိၤအံၤ, ပတမ့ၢ် ပှၤကူၣ်ဘၣ်ကူၣ်သ့လၢတၢ်စံၣ်စိၤတဲစိၤတက ပၤဘၣ်.မ့မ့ၢ်တခီပမ့ၢ်တ့ၢ်ပှၤဘၣ်မူဘၣ်အဒါဒီးတၢ်မၤနီၣ်မၤဃါသ့ၣ်တဖၣ်အိၣ်လၢအိၣ်ပှဲၤအဃိပကွဲးက့ၤအီၤသ့,ပကွဲး အီၤဘၣ်,ပအိၣ်ဒီးတၢ်ခွဲးတၢ်ယာ်န့ၣ်လီၤ. တကးဒ်ဘၣ် တၢ်စံၣ်စိၤတဲစိၤတဘ့ၣ်အံၤ, ဘၣ်တဘၣ် ကမ့ၢ်တၢ်ကွဲးလၢ အတ လီၤထုးန့ၢ်သူၣ်ထုးန့ၢ် သး ဘၣ် န့ၣ်ကအိၣ်ဝဲ ဒၣ်န့ၣ် လီၤ. မ့ၢ်အ ဂ့ၢ်ဒ် လဲာ်န့ၣ် မ့ၢ် လၢ ပချုး န့ၢ် ဘၣ်,ဒီးပလဲၤခီဖျိဘၣ်အဃိန့ၣ်လီၤ.တမံၤဂ့ၤတမၠိဂ့ၤတၢ်စံၣ်စိၤတဲစိၤန့ၣ်ပကဘၣ်သ့ပာ်ပနီၣ်သကိးအီၤ,စိၤခဲအံၤမ့တမ့ၢ် လံာ်တဘ့ၣ်လၢအလီၤထုးန့ၢ်သူၣ်ထုးန့ၢ်သးဘၣ်ဆၣ်တသနာ်က့,ပှၤတစိၤဒီးတစိၤ,မ့ၢ်တုၤအိၣ်သၢပျၢၤလံာ်အံၤကဘၣ် တၢ်သူအီၤလၢလံာ်ဃိထံ(Research)အဂီၢ်န့ၣ်ပသမၢအလီၢ်တအိၣ်ဘၣ်.တၢ်စံၣ်စိၤတဲစိၤအမ့ၢ်အတီန့ၣ်ဒိးသန့ၤထီၣ်အ သးလၢပှၤဘၣ်မူ ဘၣ်ဒါသ့ၣ်တဖၣ်ဟ့ၣ် လီၤအသး ဒီး ကွဲးက့ၤ ဝဲဒ်သိးဖိစိၤလံၤစိၤသ့ၣ်တဖၣ်က သ့ၣ်ညါဘၣ်ဒီးက ဖးဘၣ်ဝဲဒၣ်န့ၣ်လီၤ.

  “မ်ယွၤဆိၣ်ဂ့ၤနၤ,ဒီးကွၢ်က့ၤနၤတက့ၢ်. မ်ယွၤဒုးကပီၤထီၣ်နၤလၢအမဲာ်,ဒီးဒုးဘၣ်နၤလၢအဘျုးအဖှိၣ်တက့ၢ်. မ်ယွၤ ပာ်ထီၣ်အမဲာ်လၢနလိၤ,ဒီးဟ့ၣ်လီၤနၤလၢတၢ်ဃူတၢ်ဖိးတက့ၢ်.” ၄မိၤ ၆း၂၄-၆

KBCUSA တၢ်ဒုးအိၣ်ထီၣ်တၢ်စံၣ်စိၤတဲစိၤအဂ့ၢ်

  ပဝဲအပျဲၢ်အဘီၣ်လၢယွၤဃုထၢပှၤ ဒီးဆှၢပှၤဆူကီၢ်အမဲရကၤအပူၤတဖၣ် ပၢ်ယွၤကတဲာ်ကတီၤ ပာ်စၢၤ တၢ် သးခုကစီၣ်အကျဲလၢပကသူၣ်ထီၣ်ဘၣ် အမဲရကၤကီၢ်စၢဖှိၣ်ကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ်အဂီၢ်ပၢ် ယွၤဒုးဘၣ်ထွဲတ့ၢ်လံပှၤဒီးအမဲရကၤပှၤစိာ်တၢ်သးခုကစီၣ်စးထီၣ်လၢသရၣ်ယူဒၤသၣ်ဒီးပိာ်ထွဲထီၣ်အခံသရၣ်ဝံး,သရၣ် စမ့းဒီဒီးကထၢၣ်ချးစဖၢၣ်,ဒီးသရၣ်မုၣ်အဲမလ့ၣ်ဘဲလၣ်လၢပှၤကိးလၢ(မးမးဖိ)ဒီးအဂၤတဖၣ်လၢပကီၢ် ပယီၤ-ကီၢ်လါ အပူၤန့ၣ်လီၤ.လၢကီၢ်ကၠီၣ်တဲၣ်တခီစးထီၣ်လၢဖုကိၣ်သၣ်ဖၠူၣ်ဒီးသရၣ်ယူဒၤသၣ်တဖၣ်ဒီး သရၣ်ရူးဘဲးနဲလ်စၢၣ်ဒီးသ ရၣ်ဒိၣ်ဒွ့ဘ့က်လ့ၣ်ဒီးအဂၤတဖၣ်လၢကီၢ်ကၠီၣ်တဲၣ်ကညီဖိအကျါန့ၣ်လီၤ.လၢကီၢ်ဆၢ ခ့ၣ်ခ့ၣ်ဘံၣ်စံၣ်(KKBC)တၢ်သး ခုကစီၣ်ဟီၣ်ကဝီၤ စ့ၢ်ကီးအမဲရကၤမ့းၡၢၣ်နရံၣ်သ့ၣ်တဖၣ်လဲၤဒီးမၤသကိးတ့ၢ် လံတၢ်န့ၣ်လီၤ.

  လၢကီၢ်အမဲရကၤအပူၤကစၢ်ယွၤဆှၢဆိကညီသရၣ်ဒိၣ်သမါထီတဖၣ်လၢဟဲအိၣ်ဒီးမၤဘၣ်ကစၢ်အတၢ်သးခု ကစီၣ်ဒ်အမ့ၢ်သရၣ်ဒိၣ်လၢၢ်ထူဒီးအဟံၣ်ဖိဃီဖိ,သရၣ်ဒိၣ်စဲမယၢၣ်စီဒီးအတၢ်အိၣ်ဖှိၣ်ဖိတဖၣ်,သရၣ်ဒိၣ်လ့ဘ့စတိဒီး အဒူၣ်ဖိထၢဖိတဖၣ်ပၢ်ယွၤဆှၢဆိအဝဲသ့ၣ်လၢတၢ်သးခုကစီၣ်အဂီၢ်လၢကကဲထီၣ်တၢ်မၤစၢၤ တၢ်သူၣ်ထီၣ်ကညီတၢ် အိၣ်ဖှိၣ်အဂီၢ်န့ၣ်လီၤ.

  ဖဲ၂ဝဝ၆နံၣ်ပဝဲကညီဘၣ်ကီဘၣ်ခဲလၢကီၢ်ကၠီၣ်တဲၣ်ဒဲကဝီၤပူၤတဖၣ်ပန့ၢ်တၢ်ပျဲလၢပကဟးထီၣ်ဆူကီၢ်သၢ ဘ့ၣ်တဘ့ၣ်ဒီးပဝဲတနီၤပဟဲတုၤဘၣ်ဆူကီၢ်အမဲရကၤအပူၤန့ၣ်လီၤ.ပဝဲလၢအဟဲတုၤဆူကီၢ်အမဲရကၤအပူၤသ ရၣ် သမါဒီးတၢ်အိၣ်ဖှိၣ်ခိၣ်နၢ်တဖၣ်ပထံၣ်လၢထံဒိၣ်ကီၢ်လဲၢ်အလုၢ်အလၢ်အသကဲးပဝးဒီးအတၢ်စူၢ်တၢ်နာ်တၢ်ဘူၣ်တၢ်ဘါ အက့ၢ်အဂီၤအကျိၤအကျဲတဖၣ်တၢ်လီၤဆီအိၣ်အါမံၤလၢပဝဲကညီဖိတဖၣ်အဃိပပှၤကလုာ်,အတၢ်ကူၣ်ဘၣ်ကူၣ်သ့စှၤ လၢ ပမ့ၢ်ပှၤခိခိၣ်ပှၢ်လၢ်ကျါဖိတဖၣ်, ပမ့ၢ်ကွၢ်လိမၤဒိး အိၣ်မူမၤထွဲတၢ်အိၣ်မူတဖၣ်အံၤ ပပှၤကလုာ်အတၢ်စူၢ် တၢ် နာ်ဒီး အတၢ်ဆဲးတၢ်လၤတဖၣ် ကကဒံကဒါ ကွံာ်ဝဲန့ၣ်လီၤ.

  ပဝဲလၢအမ့ၢ်ယွၤအပှၤမၤသကိးတ့ၢ်တၢ်တဖၣ်ဒီးပပှၤကလုာ်သရၣ်သမါလၢအဟဲတုၤဆိတဖၣ်ပထု ကဖၣ်လၢ ပပှၤကလုာ်အဂီၢ်လၢတၢ်အိၣ်အသးတဖၣ်အဂ့ၢ်န့ၣ်လီၤ.ပၢ်ယွၤအိးထီၣ်ကတဲာ်ကတီၤန့ၢ်ပကျဲလၢ ပကမၤသကိးဘၣ် တၢ်အဂီၢ်န့ၣ်လီၤ.လၢအမဲရကၤမုၢ်ထီၣ်တကပၤတခီ,သရၣ်ဒိၣ်လၢၢ်ထူဒီးအတၢ်ဘၣ်ထွဲအိၣ်တ့ၢ်လံလၢ(ABC) ခိၣ်နၢ် တဖၣ်, သရၣ်မုၣ်ထူမ့ၣ်ဒီးအ့ၣ်ဘံၣ်စံၣ်ခိၣ်နၢ် တဖၣ်ဂဲၤလိာ် ဆီလီၤပိာ် မုၣ်ကရၢလၢ ကညီဖိတဖၣ်အကျါ, ဒီးလၢမုၢ်နုာ်တကပၤဖုသရၣ်ဒိၣ်သးဂ့ၤဖီၣ်ထီၣ်အစုဒီးအ့ၣ်ဘံၣ်စံၣ်အမဲရကၤတၢ်အိၣ်ဖှိၣ်သရၣ်တဖၣ် ဃုာ်ဒီးမးမးအဲမ လ့ၣ်ဘဲလၣ်အတၢ်ဟ့ၣ်ဂံၢ်ဟ့ၣ်ဘါလၢပကသူၣ်ထီၣ်ဘၣ်အမဲရကၤကီၢ်စၢဖှိၣ်ကညီဘျၢထံခရံာ်ဖိတၢ်အိၣ်ဖှိၣ်သကိးတၢ် အိၣ်ဖှိၣ်န့ၣ်လီၤ.

  အ့ၣ်ဘံၣ်စံၣ်(ABC)ခိၣ်နၢ်အခၢၣ်စး, သရၣ်မုၣ်ဖျီရဲးလံရဲၣ်ကျဲၤဒုးထံၣ်လိာ်ပဝဲကညီဖိသရၣ်သမါတဖၣ်အဆိ ကတၢၢ်တဘျီဖဲဝ့ၢ် Dallas, Texas ဖဲအီးကထိဘၢၣ် ၈ သီ,၂ဝဝ၈နံၣ်လၢပက ဆီလီၤဘၣ်ကညီ တၢ်အိၣ် ဖှိၣ်အဂီၢ် န့ၣ်လီၤ.လၢတၢ်ထံၣ်လိာ်တဘျီအံၤသရၣ်ဒိၣ်လၢၢ်ထူဒီးဖုသရၣ်ဒိၣ်သးဂ့ၤဟ့ၣ်ဂံၢ်ဟ့ၣ်ဘါတဲသကိး ဘၣ် ဃးတၢ်ဆီ လီၤကညီတၢ်သးခုကစီၣ်တၢ်အိၣ်ဖှိၣ်အဂီၢ်န့ၣ်လီၤ.ပတၢ်ထံၣ်လိာ်တဘျီအံၤပဝဲကညီဖိသရၣ်သမါဒီး တၢ် အိၣ်ဖှိၣ် ခိၣ်နၢ်တစှၤန့ၢ်ဘၣ်အဂၤ(၃ဝ)န့ၣ်လီၤ.ဒ်ပမ့ၢ်အပှၤမၤသကိးတၢ်ဒီးပနာ်လၢယွၤဃုထၢပှၤအသိးလၢမုၢ်ထီၣ်တကပၤ သရၣ်ဒိၣ်လၢၢ်ထူ,သရၣ်မုၣ်ထူမ့ၣ်,သရၣ်ဒိၣ်ဆၣ်မူၡံမိၣ်ဒီးအတံၤသကိးသရၣ်သမါတဖၣ်ဂဲၤလိာ်ဝဲ, ဒီးလၢ မုၢ်နုာ်တ ကပၤတခီဖုသရၣ်ဒိၣ်သးဂ့ၤ,သရၣ်မုၣ်အ့အ့သီၣ်,သရၣ်သးဆၢထိဒီးအတံၤသကိးတဖၣ်ဆဲးကျၢလိာ်အသးလၢလီတဲစိ တၢ်အိၣ်ဖှိၣ်တစှၤဘျီဘၣ်န့ၣ်လီၤ. လၢတၢ်ကဲထီၣ်လိၣ်ထီၣ်အဂီၢ်ပဆဲးကျၢဃ့စ့ၢ်ကီးတၢ် ဟ့ၣ်ကူၣ် လၢပခိၣ်ပနၢ်လၢ ပထံပကီၢ် ကီၢ်လါအပူၤ ပခ့ၣ်ဘံၣ်စံၣ် (KBC) သရၣ်သမါတဖၣ်ဟ့ၣ်ဂံၢ်ဟ့ၣ်ဘါဆီၣ်ထွဲပှၤန့ၣ်လီၤ.

  ဖဲလါအ့ဖြ့း ၂၇သီ,၂ဝဝ၉ နံၣ်ပအိၣ်ဒီးလီတဲစိတၢ်အိၣ်ဖှိၣ်လီၤဆီတဘျီပှၤနုာ်လီၤတၢ်အိၣ်ဖှိၣ်တဖၣ် ပှၤပၢၤ လီၢ်ဆ့ၣ်နီၤ-သရၣ်ဒိၣ်လၢၢ်ထူ,ပှၤကွဲးနီၣ်တၢ်-သရၣ်ဒိၣ်ဆၣ်မူၡံမိၣ်,ဒီးပှၤအဂၤတဖၣ်မ့ၢ်ဝဲဖုသရၣ်ဒိၣ်သးဂ့ၤ, သရၣ် မုၣ်အ့အ့သီၣ်,သရၣ်ဝီလ့း,သရၣ်ဒိၣ်ရီကၠၢၣ်,သရၣ်ဒိၣ်ကၠဲဒၢၣ်ခြီ,သရၣ်ဒိၣ်ဆၣ်ထွဲ, သရၣ်ဒိၣ်ထံဂ့ၤ, သရၣ်ဒိၣ်လ့ခၢၣ်, သရၣ်ဒိၣ်ဖိထီၣ်, သရၣ်ဒိၣ်လၢၢ်မူမၢ်တ့ၣ်, သရၣ်ဒိၣ်ကွဲၤထူ, သရၣ်သးဆၢထိဒီး သရၣ်မုၣ်ထူ မ့ၣ်တဖၣ်န့ၣ်လီၤ. တၢ်အိၣ်ဖှိၣ်တဘျီအံၤတၢ်ဃုထၢဆိခိၣ်နၢ်ပှၤပၢၤလီၢ်ဆ့ၣ်နီၤ-ဖုသရၣ်ဒိၣ်သးဂ့ၤ,ပှၤပၢၤလီၢ်ဆ့ၣ်နီ(၂)-သရၣ်ဒိၣ်ဆၣ် မူၡံမိၣ်,နဲၣ်ရွဲၣ်-သရၣ်ဒိၣ်လၢၢ်ထူ,နဲၣ်ရွဲၣ်သဃဲၤ-သရၣ်မုၣ်အ့အ့သီၣ်န့ၣ်လီၤ.ပဝဲပှၤမၤသကိးတၢ်တဖၣ်လၢသးတဖျၢၣ် ဃီ,ထီဘိပဘၣ်ထွဲလိာ်ပသးလၢလီတဲစိတၢ်အိၣ်ဖှိၣ်န့ၣ်လီၤ.အ့ၣ်ဘံၣ်စံၣ်(ABC) ခိၣ်နၢ်လၢအမ့ၢ်သရၣ်မုၣ်ဖျီရဲးလံ,ဒီးသ ရၣ်ဒိၣ်ဒွ့ဘံၣ်လံၣ်ဟ့ၣ်ကူၣ်ဆီၣ်ထွဲပှၤထီဘိန့ၣ်လီၤ.

  တၢ်ထံၣ်လိာ်အိၣ်သကိးမဲာ်သကိးမဲာ်,မုၢ်နံၤဖဲလါယူၤ၂၅သီ,၂ဝဝ၉နံၣ်,တၢ်လီၢ်တၢ်ကျဲ,သရၣ်ဒိၣ်စဲမယၢၣ်စီ အ တၢ်ဘါယွၤသရိာ်,ခဲၣ်လံၣ်ဖိနံယါ,တၢ်အိၣ်ဖှိၣ်တဘျီအံၤပဝဲကညီဖိသရၣ်သမါဒီးတၢ်အိၣ်ဖှိၣ်ခိၣ်နၢ် လၢကီၢ်အမဲရကၤ ပူၤတဖၣ်ဒီးပခ့ၣ်ဘံၣ်စံၣ်ခိၣ်နၢ်လၢကီၢ်လါအပူၤလၢအမ့ၢ်,လံာ်စီဆှံကၠိခိၣ်သရၣ်ဒိၣ်ဆၣ်မုၢ်ထီၣ်,သရၣ်ဒိၣ်ဒီးကထၢၣ်, ဟးလ့ၤလ့လး,ဒီးကထၢၣ်က့ဘြၢၣ်,ခ့ၣ်ဘံၣ်စံၣ်(KBC)ပှၤဟ့ၣ်ကူၣ်တၢ်ဒီးလၢ(KBC) တခီသရၣ်ဒိၣ် ဒဲမၢၣ်ဟဲစ့ၢ်ကီး လီၤ.တၢ်အိၣ်ဖှိၣ်တဘျီအံၤပှၤပၢၤလီၢ်ဆ့ၣ်နီၤ-ဖုသရၣ်ဒိၣ်သးဂ့ၤ,ကရၢခိၣ်(၂)သရၣ်ဒိၣ်ဆၣ်မူၡံမိၣ်,ပှၤကယၢကယဲမူး- သရၣ်ဒိၣ်လၢၢ်ထူ-(နဲၣ်ရွဲၣ်)ပှၤကွဲးနီၣ်တၢ်-သရၣ်မူကပီၤ,တၢ်အိၣ်ဖှိၣ်တဘျီအံၤသရၣ်သမါခိၣ်နၢ်လၢမုၢ် ထီၣ်ကဝီၤ မုၢ်နုာ်ကဝီၤကလံၤထံး,ကလံၤစိးတဖၣ်အခၢၣ်စးပှၤထီၣ်တၢ်အိၣ်ဖှိၣ်တစှၤန့ၢ်ဘၣ်ပှၤအဂၤ (၆ဝ)ဘၣ်န့ၣ်လီၤ. တၢ်အိၣ် ဖှိၣ်ဝံၤတၢ်စံးဘျုးယွၤတၢ်ဘါပှၤပၢၤ လီၢ်ဆ့ၣ်နီၤ-ဖုသရၣ်ဒိၣ်သးဂ့ၤ, ပှၤစံၣ်တဲာ်တဲလီၤတၢ်- သရၣ်ဒိၣ်ဆၣ်မုၢ် ထီၣ် (အ့စ့ၣ်လံာ်စီဆှံကၠိခိၣ်)တၢ်ထုကဖၣ်အလၢအပှဲၤ-သရၣ်ဒိၣ်ဒီးကထၢၣ်,ဟးလ့ၤလ့လးန့ၣ်လီၤ. တၢ်အိၣ်ဖိှၣ်တဘျီ အံၤပှၤလၢအရဲၣ်ကျဲၤတၢ်တူၢ်လိာ်ဟံၣ်ဃီတၢ်အီၣ်တၢ်အီတၢ်မံအိၣ်ဘှံးအလီၢ်ဒီးတၢ်အိၣ်ဖှိၣ်အလီၢ်မ့ၢ် သရၣ်ဒိၣ်စဲမ ယၢၣစီဒီး အတၢ်အိၣ်ဖှိၣ်ဖိတဖၣ်န့ၣ်လီၤ.

KBCUSA တၢ်ပညိၣ်ကွၢ်စိ

လၢတၢ်အိၣ်ဖှိၣ်တဘျီအံၤတၢ်ဆၢတဲာ်လၢတၢ်ကဒုးအိၣ်ထီၣ်အမဲရကၤကီၢ်စၢဖှိၣ်တၢ်အိၣ်ဖှိၣ်သကိးတၢ်အိၣ်ဖှိၣ် အတၢ်ပညိၣ်တၢ်ကွၢ်စိမ့ၢ်ဒ်လာ်အသိးန့ၣ်လီၤ.

• ၁. ကညီဖိတဖၣ်ကဟံးဃာ်ဂၢၢ်ကျၢၤမိၢ်ပၢ်ဖံဖုအတၢ်စူၢ်တၢ်နာ်အတၢ်လီၤစၢၤသုတလီၤမၢ်တဂ့ၤ
• ၂. ဒ်သိးကညီဘျၢထံခရံာ်ဖိတဖၣ်ကဖးမၤလိဘၣ်လံာ်စီဆှံလၢကညီလံာ်လဲၢ်ဒီးသးဝံၣ်စံးထီၣ်ပတြၢၤဘၣ်ယွၤလၢအ ကျိာ်ဒၣ်ဝဲန့ၣ်လီၤ.
• ၃. ဒ်သိးကညီဖိတဖၣ်ကသ့ဟံးဃာ်ပၢၤဃာ်အတၢ်ဆဲးတၢ်လၤလၢအမ့ၢ်လံာ်လဲၢ်,ကျိာ်တၢ်ကတိၤ,တၢ်ကူတၢ်သိးဒီး လုၢ်လၢ်ထူသနူတၢ်ပီးတၢ်လီသ့ၣ်တဖၣ်န့ၣ်လီၤ.
• ၄. ဒ်သိးကညီဖိတဖၣ်ကသ့ထံၣ်လိာ်ပာ်ဖှိၣ်ရ့လိာ်ဘၣ်အသးတဘျီဘၣ်တဘျီလၢတၢ်ဘူၣ်တၢ်ဘါ အဆၢကတီၢ်, ကသ့မၤလၤကပီၤနံၤဒိၣ်နံၤထီတဖၣ်ဒီးကူၣ်ထီၣ်ဖးလီၤသကိးလၢပပှၤကလုာ်အတၢ်ဒိၣ်ထီၣ်ထီထီၣ်လၢနီၢ်ခိဒီးနီၢ်သး အဂီၢ်န့ၣ်လီၤ.

KBCUSA တၢ်မုၢ်လၢ်ကွၢ်စိ (Mission Statement)

အမဲရကၤကီၢ်စၢဖှိၣ်ကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ်အမံးၡၢၣ်တၢ်တိာ်တဖၣ်မ့ၢ်ဝဲ

• ၁. တၢ်ဆီၣ်ထွဲဒီးဟ့ၣ်ဂံၢ်ဟ့ၣ်ဘါကညီဘျၢထံခရံာ်ဖိတၢ်အိၣ်ဖှိၣ်တဖၣ်
• ၂. တၢ်ဒုးအိၣ်ထီၣ်တၢ်အိၣ်ဖှိၣ်ဒီးတၢ်အိၣ်ဖှိၣ်အတၢ်ဖံးသကိးမၤသကိးတၢ်
• ၃. ဆၢထၢၣ်ဂၢၢ်ကျၢၤတိစၢၤမၤစၢၤကညီဘျၢထံခရံာ်ဖိတဖၣ်ကအိၣ်သူၣ်လီၤအသးလၢကီၢ်အမဲရကၤကီၢ်ပူၤ
• ၄. တၢ်မၤသကိးတၢ်ဒီးဘျၢထံခရံာ်ဖိတၢ်အိၣ်ဖှိၣ်ကရၢတဖၣ်ဒီးလၢဟီၣ်ခိၣ်ဒီဖျၢၣ်ဘျၢထံခရံာ်ဖိတၢ်ဘူၣ် တၢ်ဘါတၢ်က ရၢကရိတဖၣ်န့ၣ်လီၤ.

KBCUSA တၢ်သူၣ်ထီၣ်ဆီလီၤသးအက့ၢ်အဂီၤ

ပၢဆှၢတၢ်ကမံးတံာ် -စးထီၣ်၂ဝဝ၉နံၣ်

• ၁. ကရၢခိၣ် ဖုသရၣ်ဒိၣ်သးဂ့ၤ, အရံၣ်စိနါကညီဘျၢထံခရံာ်ဖိတၢ်အိၣ်ဖှိၣ်
• ၂. ကရၢခိၣ်(၂) သရၣ်ဒိၣ်ဆၣ်မူၡံမိၣ်, ဝ့ၢ်စ့ၣ်ဖီလ်
• ၃. နဲၣ်ရွဲၣ်ခိၣ်ကျၢၢ် သရၣ်ဒိၣ်လၢၢ်ထူ D.C.
• ၄. နဲၣ်ရွဲၣ်သဃဲၤ သရၣ်မုၣ်အ့အ့သီၣ်, ခဲၣ်လံၣ်ဖိနံယါ
• ၅. ပှၤပၢၤစ့ သရၣ်ကၠိၣ်စါယၢၣ်, ဝ့ၢ်စ့ၣ်လ်ပီ
• ၆. ကီၢ်ပိာ်မုၣ်ကရၢခိၣ် သရၣ်မုၣ်ထူမ့ၣ်
• ၇. ကီၢ်သးစၢ်ကရၢခိၣ် သရၣ်မုၢ်ကပီၤ

တၢ်ထံၣ်လိာ်အိၣ်ဖှိၣ်သကိးဒီး ABC ခိၣ်နၢ်တဖၣ်

  ဖဲလါယူၤ ၂၆သီ, ၂ဝဝ၉ နံၣ် တၢ်လီၢ်တၢ်ကျဲမ့ၢ်ဝဲ မ့ၢ်ဖဲးစဒံနၣ်, California ကီၢ်စဲၣ်, တၢ် အိၣ် ဖှိၣ် ထံၣ် လိာ်အိၣ် သကိးဒီး ABC သ့ၣ်တဖၣ်န့ၣ်လီၤ.လၢတၢ်အိၣ်ဖှိၣ်တဘျီအံၤပှၤပၢၤလီၢ်ဆ့ၣ်နီၤမ့ၢ် သရၣ်မုၣ် ဒိၣ် ဖီရဲးလံ, ဒီးသရၣ် မုၣ်ဒုးသ့ၣ်ညါပဝဲကညီခိၣ်နၢ်သ့ၣ်တဖၣ်ဆူ ABC ခိၣ်နၢ်သ့ၣ်တဖၣ်န့ၣ်လီၤ. လၢ တၢ်အိၣ် ဖှိၣ် တဘျီအံၤသရၣ်ဒိၣ် Dr.ဟးလ့လ့လး တဲဖျါထီၣ်ကညီဘျၢထံခရံာ်ဖိလၢကီၢ်ပယီၤတၢ်သးခုကစီၣ်အဂ့ၢ်အကျိၤ,သရၣ်ဒိၣ် Dr.ဆၣ်မုၢ်ထီၣ် ပာ်ဖျါထီၣ်ကီၢ်လံာ်စီဆှံကၠိအဂ့ၢ်အကျိၤ, Dr.က့ဘြၢၣ် ဒုးနဲၣ်ပာ်ဖျါထီၣ်ကီၢ်တၢ်သးခုကစီၣ်ဝဲၤကျိၤသ့ၣ် တဖၣ်အဂ့ၢ်န့ၣ်လီၤ.

တၢ်အိၣ်ဖှိၣ်(၂)ဘျီတဘျီ

  ဖဲ လါယူၤလံ၂၁-၂၃သီ, ၂ဝဝ၉နံၣ် တၢ်အိၣ်ဖှိၣ်တဘျီအံၤဘၣ်တၢ်မၤအီၤလၢ ဝ့ၢ်ဖီးဝ့, အ့ဒံယါနါကီၢ်စဲၣ်, တၢ်အိၣ် ဖှိၣ်တဘျီအံၤဘၣ်တၢ်တူၢ်လိာ်ပှၤလၢသရၣ်မုၣ်ထံမုာ်ဒီးအတၢ်အိၣ်ဖှိၣ်ဖိသ့ၣ်တဖၣ်န့ၣ်လီၤ. တၢ်အိၣ်ဖှိၣ် တ ဘျီ အံၤပှၤ ပၢၤလီၢ်ဆ့ၣ်နီၤမ့ၢ်ဝဲ သရၣ်ဒိၣ်သးဂ့ၤ, ပှၤကယၢကယဲမူး မ့ၢ်ဝဲ သရၣ်ဒိၣ်လၢၢ်ထူန့ၣ်လီၤ.

တၢ်ဂ့ၢ်တၢ်ကျိၤလၢတၢ်အိၣ်ဖှိၣ်တဘျီအံၤတၢ်တဲသကိးမ့ၢ်ဒ်လာ်အသိးန့ၣ်လီၤ.

• ၁.သရၣ်မုၢ်ကပီၤတၢ်ဃုထၢတ့ၢ်အီၤဒ်သးစၢ်ကရၢနဲၣ်ရွဲၣ်အသိးမ့ၢ်လၢအနီၢ်ကစၢ်တၢ်ဟ့ၣ်တၢ်ဆၢကတီၢ်တန့ၢ် ဘၣ်အဃိ ဘၣ်တၢ်ဃုထၢထီၣ်က့ၤနဲၣ်ရွဲၣ်အသီလၢအဂီၢ်န့ၣ်လီၤ.
• ၂.ခ.တ.ဝဲၤကျိၤပှၤနဲၣ်တၢ်, ဖုသရၣ်ဒိၣ်သးဂ့ၤဟ့ၣ်ကူၣ်ဝဲလၢပကဃုထၢထီၣ်ဖံဖံကၠဲရံၣ်လ့န့ၣ်လီၤ. ပှၤဆှၢနုာ်- သရၣ် ဟဲနရ့ၣ်, ပှၤမၤစၢၤ-သရၣ်မုၣ်အ့အ့သီၣ်,ဒီးပှၤခဲလၢာ်ဘၣ်အသးဒီးပာ်ဂၢၢ်ပာ်ကျၢၤအီၤန့ၣ်လီၤ.
• ၃.ကီၢ်အမဲရကၤမ့ၢ်ထံကီၢ်ဖးဒိၣ်တဘ့ၣ်အိၣ်ဒီးကီၢ်စဲၣ် (၅ဝ)ဘ့ၣ်အဃိဒ်သိးတၢ်မၤသကိးဖီၣ်လိာ်စုကညီအဂီၢ် ABC ခိၣ်နၢ်ဟ့ၣ်ကူၣ်ဝဲလၢပကနီၤဖးလီၤကဝီၤ (၇)ကဝီၤဒီးဃုထၢထီၣ်ကဝီၤခိၣ်သ့ၣ်တဖၣ်မ့ၢ်ဒ်လာ်အသိးန့ၣ်လီၤ.

ကဝီၤခိၣ်အဆိကတၢၢ်တဖု

• ၁.မုၢ်နုာ်ကဝီၤခိၣ် = သရၣ်သးဆၢထိ
• ၂.မုၢ်နုာ်ကလံၤထံးခၢၣ်သးကဝီၤခိၣ် = သရၣ်ဒိၣ်ဆၣ်ထွဲ
• ၃.မုၢ်နုာ်ကလံၤစိးခၢၣ်သးကဝီၤခိၣ် = သရၣ်ဒိၣ်လၢၢ်မူမၢ်တ့ၣ်
• ၄.ကလံၤထံးလီၢ်ကဝီၤခၢၣ်သးကဝီၤခိၣ် = သရၣ်ဒိၣ်ရိကၠၢၣ်
• ၅.ကလံၤစိးလီၢ်ကဝီၤခၢၣ်သးကဝီၤခိၣ် = သရၣ်ကၠီၣ်ဒူ
• ၆.မုၢ်ထီၣ်ကလံၤထံးကဝီၤခိၣ် = သရၣ်ဒိၣ်ကၠဲဒၢၣ်ခြီ
• ၇.မုၢ်ထီၣ်ကလံၤစိးကဝီၤခိၣ် = သရၣ်ဒိၣ်လ့ခၢၣ်

  မ့ၢ်လၢယွၤအဘျုးအဖှိၣ်အတၢ်ဆိၣ်ဂ့ၤဆိၣ်ဝါပှၤအဃိ,လၢတၢ်အိၣ်ဖှိၣ်တဘျီအံၤပှၤအါဂၤအိၣ်ဒီးတၢ်သူၣ်ဆူၣ် သးဆူၣ်အဃိပဒုးအိၣ်ထီၣ်ဘၣ်ကဝီၤ (၇)ကဝီၤအခိၣ်န့ၢ်ဝဲဒၣ်ဂ့ၤဂ့ၤဘၣ်ဘၣ်, ဒ်သိး KBCUSA အတၢ်ဖံး သကိး မၤသကိးတၢ် ခါဆူညါကဒိၣ်ထီၣ်ထီထီၣ်အဂီၢ်, တၢ်ဘျးစဲလိာ်သးကအါထီၣ်လၢတၢ်ဖံးတၢ်မၤအဂီၢ်န့ၣ်လီၤ.

“ဂဲၤဆၢထၢၣ်ဒီးမၤသကိးတၢ်က့ၢ်. ဒီးပာ်ဆူၣ်ထီၣ်အစုလၢတၢ်ဂ့ၤအဂီၢ်လီၤ.” နဃ့မယၤ ၂း၁၈

KBCUSA ကရၢမိၢ်ပှၢ်နံၣ်ကတၢၢ်တၢ်အိၣ်ဖှိၣ် (၁)တဘျီ

  မ့ၢ်ယွၤအဘျုးအဖှိၣ်အတၢ်ဆိၣ်ဂ့ၤဆိၣ်ဝါအဃိ,ပတၢ်ထံၣ်လိာ်အိၣ်သကိးသ့ၣ်တဖၣ်ခါထီၣ်အသးတပတီၢ်ဘၣ် တပတီၢ်ဒီးပရဲၣ်ကျဲၤဘၣ်နံၣ်ကတၢၢ်တၢ်အိၣ်ဖှိၣ်အဆိကတၢၢ်တဘျီဖဲဝ့ၢ်စ့ၢ်ပီလ်, မဲၣ်နံၤဆိထၣ်, ဖဲ လါယူၤလံ ၂၄ သီ, ၂ဝ၁ဝနံၣ်ဝံၤဝဲဒၣ်ဂ့ၤဂ့ၤဘၣ်ဘၣ်ခီဖျိကစၢ်ယွၤဆှၢပှၤအဃိန့ၣ်လီၤ. လၢတၢ်အိၣ်ဖှိၣ်တဘျီအံၤတၢ်ဃုထၢမၤပှဲၤ က့ၤသးစၢ်ကရၢပှၤနဲၣ်တၢ်သရၣ်မုၢ်ကပီၤအလီၢ်ဒီးတၢ်ဃုထၢထီၣ်ကျဲးစၢးကရၢခိၣ်နၢ်သ့ၣ်တဖၣ်မ့ၢ်ဒ်လာ်အသိးန့ၣ်လီၤ.

ကျဲးစၢးကရၢခိၣ်နၢ်တဖၣ်

• ၁.ကရၢခိၣ် = သရၣ်ဒိၣ်ဆၣ်ထွဲ
• ၂.ကရၢခိၣ်(၂) = သရၣ်အဲၣ်လၢာ်ပျီ
• ၃.နဲၣ်ရွဲၣ် = သရၣ်ဖျိးစိသီ
• ၄.နဲၣ်ရွဲၣ်သဃဲၤ = သရၣ်အ့ၤဘ့ၣ်န့စၤကူၣ်
• ၅.ပှၤပၢၤစ့ = သရၣ်ဒိၣ်ဧိၤသန့လး
• ၆. ပှၤသမံသမိးစ့ = ၁.သရၣ်အ့ဘ့ၤန့စၤဂီၤ, ၂.သရၣ်မုၣ်ထဲရၤ
• ၇.ပှၤဟ့ၣ်ကူၣ်တၢ်တဖၣ် = ၁.သရၣ်ဒိၣ်ဆၣ်မူၡံမိၣ်, ၂.သရၣ်ဒိၣ်လၢၢ်ထူ, ၃.သးပှၢ်သုးသ့ၣ်ခီး

တၢ်ဆီလီၤပိာ်မုၣ်ကရၢကမံးတံာ်

• ၁.ကရၢခိၣ် = သရၣ်မုၣ်ထူမ့ၣ်
• ၂.ကရၢခိၣ်(၂) = သရၣ်မုၣ်ထံမုာ်
• ၃.နဲၣ်ရွဲၣ် = သရၣ်မုၣ်မ့လ်ရံၣ်ထူအပိၣ်လိၣ်
• ၄.နဲၣ်ရွဲၣ်သဃဲၤ = သရၣ်မုၣ်ဖီဝါထိ
• ၅.ပှၤပၢၤစ့ = သရၣ်မုၣ်ဒ့ၤစံၣ်ကၠိၤစါယၢၣ်
• ၆.ပှၤဖီၣ်စ့စရီ = သရၣ်မုၣ်ဖီဂ့ၤလၣ်
• ၇.ပှၤသမံသမိးစ့ = သရၣ်မုၣ်အ့မၠးဖၠူၣ်, သရၣ်မုၣ်ဖဲမလ့ၣ်

တၢ်ဆီလီၤသရၣ်သမါဒီးသရၣ်ဒိၣ်ပာ်စုဝဲၤကျိၤ

ဖဲလါစဲးပတ့ဘၢၣ် ၂၂သီ, ၂ဝ၁၁နံၣ်, တၢ်လီၢ်-ဟးဖီးကညီဘျၢထံခရံာ်ဖိတၢ်အိၣ်ဖှိၣ်, ခီၣ်နဲးထံး ကၢၣ် ကီၢ်စဲၣ်အခါတၢ်အိၣ်ဖှိၣ်သူၣ်ထီၣ်ဆီလီၤသရၣ်သမါဒီးသရၣ်ဒိၣ်ပာ်စုဝဲၤကျိၤခိၣ်နၢ်ကမံးတံာ်သ့ၣ်တဖၣ်ဒီးတၢ်ပာ်ဂၢၢ်ပာ်ကျၢၤ က့ၤခိၣ်နၢ်သ့ၣ်တဖၣ်န့ၣ်လီၤ.

• ၁.ကရၢခိၣ် = သရၣ်ဒိၣ်ကၠီၣ်ဒူ
• ၂.ကရၢခိၣ်(၂) = သရၣ်ဒိၣ်ကၠဲဒၢၣ်ခြီ
• ၃.နဲၣ်ရွဲၣ် = သရၣ်ဒိၣ်လ့ဘ့စတိ (ပှၤနဲၣ်တၢ်)
• ၄.နဲၣ်ရွဲၣ်သဃဲၤ = သရၣ်ကံဒိၣ်
• ၅.ပှၤပၢၤစ့ = သရၣ်ဒိၣ်လ့ကၢၣ်
• ၆.ပှၤသမံသမိးစ့ = ၁.သရၣ်ဒိၣ်စီလူး, ၂.သရၣ်ဒိၣ်ခၠဲလ့ၣ်
• ၇.ကမံးတံာ်ဖိ = ၁.သရၣ်ဒိၣ်ဆၣ်ထွဲ, ၂.သရၣ်ဒိၣ်ဟိၤသန့လး, ၃.သရၣ်ဒိၣ်လၢၢ်ထူ

တၢ်ဆီလီၤက့ၤခရံာ်ဖိတၢ်ကူၣ်သ့ဝဲၤကျိၤ

• ၁.ကရၢခိၣ် = သရၣ်ဒိၣ်ထါရၢၢ်
• ၂.ကရၢခိၣ်(၂) = သရၣ်ဒိၣ်ထံဂ့ၤ
• ၃.နဲၣ်ရွဲၣ် = ဖံဖံကၠဲရံၣ်လ့,
• ၄.နဲၣ်ရွဲၣ်သဃဲၤ = သရၣ်မါဘၢၣ်လၢးလ့
• ၅.ကမံးတံာ်တဖၣ် = ၁.သရၣ်မုၣ်ထံမုာ်, ၂.သရၣ်မုၣ်မးလ့အါမုၣ်ဖိ, ၃.သရၣ်မုၣ်ဖီလၣ်ဝါ, ၄.သရၣ်မုၣ်ဖီလ့လ့ ,၅.သရၣ်မုၣ်ဖဲမလ့ၣ်

• ဖဲ၂ဝ၁၁နံၣ် ခ.တ.ကမံးတံာ်ထုးထီၣ်ရၤလီၤဖိသၣ်အိၣ်ဘှံးနံၤတၢ်မၤလိ အဘ့ၣ် (၁)
• ဖဲ၂ဝ၁၂နံၣ် ခ.တ.ကမံးတံာ်ထုးထီၣ်ရၤလီၤဖိသၣ်အိၣ်ဘှံးနံၤတၢ်မၤလိ အဘ့ၣ် (၂)
• ဖဲ၂ဝ၁၃နံၣ် ခ.တ.ကမံးတံာ် တၢ်ရဲၣ်တၢ်ကျဲၤအိၣ်လၢ ကထုးထီၣ်ရၤလီၤ သးစၢ် ဒီးသးပှၢ်အိၣ်ဘှံးနံၤတ ဆီဘၣ်တ ဆီန့ၣ်လီၤ.

“ဟ့ၣ်တၢ်ကူၣ်သ့လၢပှၤကူၣ်တၢ်သ့တက့ၢ်.ဒီးကကူၣ်တၢ်သ့ဒိၣ်ထီၣ်လီၤ.ဘိးဘၣ်သ့ၣ်ညါပှၤတီပှၤလိၤလၢ တၢ် တက့ၢ်.ဒီးကန့ၢ်တၢ်အါထီၣ်လီၤ.” ကတိၤ ၉း၉

KBCUSA ပၢဆှၢတၢ်ကမံးတံာ် (၂ဝ၁၈-၂ဝ၂၁)နံၣ်

• ၁.ကရၢခိၣ် = သရၣ်ဒိၣ်ဆၣ်မူၡံမိၣ်
• ၂.ကရၢခိၣ်(၂) = သရၣ်ဒိၣ်ထံဂ့ၤ
• ၃.နဲၣ်ရွဲၣ်ခိၣ်ကျၢၢ် = သရၣ်ဒိၣ်ဒီးကထၢၣ်လၢၢ်ထူ
• ၄.နဲၣ်ရွဲၣ်သဃဲၤ = သရၣ်ဒိၣ်လၢၢ်မူမၣ်တ့ၣ်
• ၅.ပှၤပၢၤစ့ = သးပှၢ်ဝ့နၢၣ်
• ၆.ပှၤသမံသမိးစ့ = ၁.သးပှၢ်န့ၢ်ထူ, ၂.သရၣ်မုၣ်အ့အ့သီၣ်
• ၇.ဝဲၤဒၢးခိၣ် = စီၤလီၤအဲၣ်ရိလဲ

ပှၤဟ့ၣ်ကူာ်တၢ်

• ၁.သရၣ်ဒိၣ်သးဂ့ၤ
• ၂.သရၣ်မုၣ်ထူမ့ၣ်

ဝဲၤကျိၤပှၤနဲၣ်တၢ်

• ၁.သးစၢ်ဝဲၤကျိၤပှၤနဲၣ်တၢ် = သရၣ်အ့ၤဘ့ၣ်န့စၤကူၣ်
• ၂.ပိာ်မုၣ်ဝဲၤကျိၤပှၤနဲၣ်တၢ် = သရၣ်မုၣ်မ့ၤလ်ရ့ၣ်ထူအပိၣ်လိၣ်
• ၃.သရၣ်သမါဝဲၤကျိၤပှၤနဲၣ်တၢ် = သရၣ်ဒိၣ်လ့ဘ့စတိ
• ၄.တၢ်သးခုကစီၣ်ဝဲၤကျိၤပှၤနဲၣ်တၢ် = သရၣ်ဒိၣ်ဂ့ၤန့ၢ်ဆၢ
• ၅.ခရံာ်ဖိတၢ်သိၣ်လိဝဲၤကျိၤပှၤနဲၣ်တၢ် = သရၣ်မုၣ်တၢ်ဘျုးထူ

ပၢဆှၢတၢ်ကမံးတံာ် (၂ဝ၂၁-၂ဝ၂၄)နံၣ်

• ၁.သရၣ်ဒိၣ်ဆၣ်မူၡံမိၣ် = ပှၤပၢၤလီၢ်ဆ့ၣ်နီၤ
• ၂.သရၣ်ဒိၣ်ထံဂ့ၤ = ပှၤပၢၤလီၢ်ဆ့ၣ်နီၤစၢၤ
• ၃.သရၣ်ဒိၣ်လၢၢ်ထူ = နဲၣ်ရွဲၣ်
• ၄.သရၣ်ဒိၣ်လၢၢ်မူမၣ်တ့ၣ် = နဲၣ်ရွဲၣ်သဃဲၤ
• ၅.သးပှၢ်ဝ့နၢၣ် = ပှၤပၢၤစ့
• ၆.သးပှၢ်န့ၢ်ထူ = ပှၤသမံသမိးစ့
• ၇.သရၣ်မုၣ်အ့အ့သီၣ် = ပှၤသမံသမိးစ့
• ၈.သရၣ်လီၤအဲၣ်ရိလဲ = ဝဲၤဒၢးခိၣ်

ပှၤဟ့ၣ်ကူၣ်တၢ်

• ၁. သရၣ်ဒိၣ်စီၤကစီဒီ
• ၂. သရၣ်မုၣ်ထူမ့ၣ်

ဝဲၤကျိၤပှၤနဲၣ်တၢ်သ့ၣ်တဖၣ်

• ၁. ပိာ်မုၣ်ဝဲၤကျိၤပှၤနဲၣ်တၢ် = သရၣ်မုၣ်မ့လရ့ၣ်ထူအပိၣ်လိၣ်
• ၂. သးစၢ်ဝဲၤကျိၤပှၤနဲၣ်တၢ် = သရၣ်အ့ၤဘ့ၤန့စၢ်ကူၣ်
• ၃. သရၣ်သမါဝဲၤကျိၤပှၤနဲၣ်တၢ် = သရၣ်ဒိၣ်လ့ဘ့စတိ
• ၄. ခရံၣ်ဖိတၢ်ကူၣ်သ့ဝဲၤကျိၤပှၤနဲၣ်တၢ် = သရၣ်မုၣ်သဘျ့ဖီထူ
• ၅. တၢ်ကဟုကယာ်ဒီးတၢ်ဟ့ၣ်တၢ်သ့ၣ်ညါနၢ်ပၢၢ်ပှၤနဲၣ်တၢ် = သရၣ်မုၣ်ထဲနစံၣ်ကဒိ
• ၆. တၢ်သးခုကစီၣ်ဝဲၤကျိၤပှၤနဲၣ်တၢ် = သရၣ်ဒိၣ်အဲၣ်မှံၤ
• ၇. တၢ်ဆဲးတၢ်လၤဝဲၤကျိၤပှၤနဲၣ်တၢ် = သရၣ်မုၣ်ဘျဲၣ်ထူ
• ၈. KTSC လံာ်စီဆှံကၠိခိၣ်ဒိၣ် = သရၣ်မုၣ်ဒိၣ်ဆံးမုၢ်ၡ့ၣ်
• ၉. ပှာ်ယဲၤဘျးစဲသန့မူဒါခိၣ် = သရၣ်သးဖှံ

KBCUSA ကဝီၤသ့ၣ်တဖၣ်

• ၁. မုၢ်ထီၣ်ကလံၤစိးကဝီၤ KBCUSA-East Coat North Region
• ၂. မုၢ်ထီၣ်ကလံၤထံးကဝီၤ KBCUSA- East Coat South Region
• ၃. ကလံၤစိးလီၢ်ကဝီၤခၢၣ်သး KBCUSA- Central North Region
• ၄. ကလံၤထံးလီၢ်ကဝီၤခၢၣ်သး KBCUSA- Central South Region
• ၅. မုၢ်နုာ်ကလံၤစိးခၢၣ်သးလီၢ်ကဝီၤ KBCUSA- Midwest North Region
• ၆. မုၢ်နုာ်ကလံၤထံးခၢၣ်သးလီၢ်ကဝီၤ KBCUSA- Widwest South Region
• ၇. မုၢ်နုာ်ကဝီၤ KBCUSA-West Coast Region