မုၢ်ထီၣ်ကလံၤထံးကဝီၤ
“ဒီးယွၤစံးဘၣ်စီၤမိၤၡ့ယ နကိးထီၣ်ယွၤဘၣ်မနုၤလဲၣ်.စံးဘၣ်ပှၤ အံၣ်စရ့လးဖိ
ဒ်သိးအကလဲၤဆူညါတက့ၢ်.” ၂မိၤၡ့ ၁၄း၁၅
ကဝီၤသရၣ်/သရၣ်မုၣ် ပာ်စုတဖၣ်
“ဃုယွၤတက့ၢ်,ဒီးသုကမူလီၤ.”
ဧၤမိၣ် ၅း၆

သရၣ်ဒိၣ်ဆၣ်အိၣ်ဖျါ

သရၣ်ဒိၣ်အၤဒံ

သရၣ်ဒိၣ်မါၡၢၣ်

သရၣ်ဒိၣ်ကပီၤထံ

သရၣ်ဒိၣ်ကွဲၤထူခုၣ်

သရၣ်ဒိၣ်ဘုထူ

သရၣ်ဒိၣ်သူလ့မူ

သရၣ်ဒိၣ်စီၤကစီဒီ

သရၣ်မုၣ်ဒိၣ်မးလ့အါမုၣ်ဖိ

သရၣ်ဒိၣ်ဒီးကထၢၣ်လၢၢ်ထူ
ကဝီၤပူၤတၢ်အိၣ်ဖှိၣ်တဖၣ် (၁၃)ဖှိၣ်
နီၣ်ဂံၢ် | တၢ်အိၣ်ဖှိၣ်အမံၤ | တၢ်အိၣ်ဖှိၣ်သရၣ် |
1 | စိးစဲးကညီဘျၢထံခရံာ်ဖိတၢ်အိၣ်ဖှိၣ် (Southside Karen Baptist Church), Jacksonville, FL | သရၣ်ဒိၣ်သူလ့ၤမူ |
2 | မိရ့းကညီဘျၢထံခရံာ်ဖိတၢ်အိၣ်ဖှိၣ် (Morish Karen Baptist Church), Raleigh, NC | သရၣ်ဒိၣ်ကၠဲဒၢၣ်ခြီ (လဲၤပူၤကွံာ်), သရၣ်မူခ့ပၣ်ဒွဲ |
3 | ခရ့ဘိရိၣ်ကညီဘျၢထံခရံာ်ဖိတၢ်အိၣ်ဖှိၣ် (Greensboro Karen Baptist Church), Greensboro, NC | သရၣ်ဒိၣ်ဆၣ်အိၣ်ဖျါ |
4 | ထံမူကညီဘျၢထံခရံာ်ဖိတၢ်အိၣ်ဖှိၣ် (Htee Moo Karen Baptist Church) Carrboro, NC. | သရၣ်အၤဘြၤဟၣ်စ့, သရၣ်လီၤလးမူ |
5 | စံယိၣ်ကညီဘျၢထံခရံာ်ဖိတၢ်အိၣ်ဖှိၣ် (Zion Karen Baptist Church), Chapel Hill, NC. | သရၣ်ဒိၣ်ကပီၤထံ |
6 | ဝ့မံတၣ်ကညီဘျၢထံခရံာ်ဖိတၢ်အိၣ်ဖှိၣ် (Wilmington Karen Baptist Church) Wilmington, NC. | သရၣ်ဒိၣ်စ့ၤ, သရၣ်ဆၣ်လွဲမူ |
7 | လဲၤဆူညါကညီဘျၢထံခရံာ်ဖိတၢ်အိၣ်ဖှိၣ် (Go Forward Karen Baptist Church) Decatur, GA. | သရၣ်ဒ့လူ |
8 | ရးဃ့ဘိၣ်ကညီဘျၢထံခရံာ်ဖိတၢ်အိၣ်ဖှိၣ် (Rehoboth Karen Baptist Church) Atlanta, GA. | သရၣ်ဒိၣ်ကွဲၤထူခုၣ်, သရၣ်အဲၣ်ဖီ |
9 | နယူဘၢန်ကညီဘျၢထံခရံာ်ဖိတၢ်အိၣ်ဖှိၣ် (Karen Baptist Church of New Bern) New Bern, NC. | သရၣ်ဒိၣ်အၤဒံ, သရၣ်ဟါရ့ၣ်မူ |
10 | ကပီၤဆိကညီဘျၢထံခရံာ်ဖိတၢ်အိၣ်ဖှိၣ် (Kpaw Soe Karen Baptist Church) Carlton, GA. | သရၣ်ဒိၣ်သးဂ့ၤ(လဲၤပူၤကွံာ်), သရၣ်ဒူဂ့ၤ |
11 | မးမရ့ကညီဘျၢထံခရံာ်ဖိတၢ်အိၣ်ဖှိၣ် (Mamre Karen Baptist Church), Columbia, SC | သရၣ်ဒိၣ်ဘုထူ, သရၣ်အါစဲး |
12 | အ့ၤဘ့ၤန့စၤကညီဘျၢထံခရံာ်ဖိတၢ်အိၣ်ဖှိၣ် (Ebenezer Karen Baptist Church) Charlotte, NC | သရၣ်သးဖှံ |
13 | ခီမၢၣ်ကညီဘျၢထံခရံာ်ဖိတၢ်အိၣ်ဖှိၣ် (Comer Karen Baptist Church, NC | သရၣ်ရိကိ |
မုၢ်ထီၣ်ကလံၤထံးကဝီၤတၢ်စံၣ်စိၤတဲစိၤ
မ့ၢ်ယွၤအဘျုးအဖှိၣ်အဃိပအိၣ်ဒီးပခိၣ်ပနၢ်လုၢ်ဒိၣ်ပှ့ၤဒိၣ်လၢ K.B.C.U.S.A သရၣ်ဒိၣ်ဒီးကထၢၣ်လၢၢ် ထူဟဲဒီး ဒုးအိၣ်ထီၣ်န့ၢ်ပှၤပကဝီၤကမံးတံာ်တဖုလၢပကမၤသကိးဘၣ်ယွၤအတၢ်သးခုကစီၣ်အတၢ်ဖံးတၢ်မၤအဂီၢ်န့ၣ်လီၤ. ဖဲ၁၂.၂၆.၂ဝဝ၉နံၣ်, Chapel Hill, Carrboro, NC အပူၤန့ၣ်လီၤ.ပှၤဟဲထီၣ်တၢ်အိၣ်ဖှိၣ်တဘျီအံၤ ပှၤ(၃ဝ)ဂၤ န့ၣ်လီၤ.တဘျီအံၤ မ့ၢ်တၢ်အဆိကတၢၢ်တဘျီအဃိ ဘၣ်တၢ်ဃုထၢဆိပာ်စၢၤ ကမံးတံာ်အက့ၢ်အဂီၤအခိၣ်အနၢ် ထဲပှၤတဂၤတဂၤန့ၣ်လီၤ. (၁)ကဝီၤခိၣ် သရၣ်ဒိၣ်ကၠဲဒၢၣ်ခြီ, (၂) ကဝီၤနဲၣ်ရွဲၣ်သရၣ်ဆၣ်အိၣ်ဖျါ,(၃)ကျဲးစၢးက ရၢခိၣ်သရၣ်မူခ့ပၢ်ဒွဲ,(၄)ပိာ်မုၣ်ကရၢခိၣ်သရၣ်မုၣ်မၤသၣ်,(၅)ပှၤပၢၤစ့ သရၣ်လီၤလးမူ,(၆)ပှၤစဲးစ့သရၣ်ဆၣ်ဂ့ၤဒိၣ်ပျဲၢ်ထံသ့ၣ်တဖၣ်န့ၣ်လီၤ.
မုၢ်ထီၣ်ကလံၤထံးကဝီၤပူၤန့ၣ်ကီၢ်စဲၣ်အိၣ်ဝဲဒၣ်(၆)ဘ့ၣ်လၢအမ့ၢ် (1)Maryland,(2)Virginia,(3)North Carolina, (4)South Carolina, (5)Georgia, (6)Florida သ့ၣ်တဖၣ်န့ၣ်လီၤ. ဖဲ၂ဝ၁ဝ နံၣ်အပူၤ မ့ၢ်လၢပစးထီၣ်ဟူးဂဲၤသကိးမၤသကိး ယွၤအတၢ်သးခုကစီၣ်အတၢ်မၤအဃိ အဆိကတၢၢ် တၢ် လၢ ပ တၢၣ်ပီၣ်တၢၣ်ပီသကိးလၢကလံၤကျါခံဘျီ ဖဲလါအီးကထိဘၢၣ်အပူၤပလဲၤရ့လိာ်မုာ်လိာ်ဘါသကိးယွၤဒီးခ ရံာ်တၢ်အိၣ်ဖှိၣ်လၢ Florida န့ၣ်လီၤ.ဖဲနံၣ်ကတၢၢ်တၢ်အိၣ်ဖှိၣ် လါယူၤလံ, ပကဝီၤခိၣ်နၢ်တနီၤပလဲၤသကိးလၢ K.B.C.U.S.A ဖဲမဲၤနံၤ စိထၣ်န့ၣ်လီၤ. မ့ၢ်လၢ ပစးထီၣ်သီသီ ပတၢ်ဖံးတၢ်မၤအဃိ ပကဝီၤခိၣ်နၢ်ယွၤအပှၤမၤသကိးတၢ်တဖၣ် ပမၤသကိး, လဲၤသကိးသ့သ့ဘၣ်ဘၣ်, မူသကိးလၢတၢ်နာ်ဒီးတၢ်ထုကဖၣ်အပူၤန့ၣ်လီၤ.တနံၣ်အံၤလၢပကဝီၤနံၣ် ကတၢၢ် တၢ်အိၣ်ဖှိၣ် အဆိကတၢၢ်တဘျီ ပမၤဖဲ New Bern ခရံာ်တၢ်အိၣ်ဖှိၣ် ဖဲဆၣ်မုၢ်ထီၣ်န့ၣ်လီၤ.
ဖဲ (၂ဝ၁၁) နံၣ် ကဝီၤနံၣ်ကတၢၢ်တၢ်အိၣ်ဖှိၣ်ခံဝီတဝီလီၤဘၣ်လၢ Raleigh တဘျီအံၤ တၢ်ဃုထၢမၤပှဲၤက့ၤကဝီၤကမံးတံာ်ဒီး ပခိၣ်ပနၢ်စးထီၣ်ဟူးဂဲၤမၤသကိးလံလၢ တၢ်သးတဖျၢၣ်လီလၢ တၢ်ဟးအိၣ်သကိးတၢ်အိၣ်ဖှိၣ်တဖုဘၣ်တဖုန့ၣ်လီၤ.(1)Virginia,(2)Georgia, (3)South Carolina. တနံၣ်အံၤ ပိာ်မုၣ်တဖၣ် ဒီးယွၤအပှၤမၤသကိးတၢ်
တဖၣ်ပရူးသတြီၤပြၢဘၣ်လံာ်စီဆှံထါစံးထီၣ်ပတြၢၤအယုၢ်၉၁း၁-၁၆န့ၣ်လီၤ.မုၢ်ထီၣ်ကလံၤထံးကဝီၤအံၤ ပကဝီၤခိၣ်ဒီးယွၤအပှၤမၤသကိးတၢ်တဖၣ်ပာ်လီၤန့ၢ်ပှၤပမီထိၣ်လံာ်စီဆှံအဆၢလၢ အမ့ၢ်ဝဲ ၂မိၤၡ့ ၁၄း၁၅ ဒီးယွၤစံးဘၣ်စီၤမိၤၡ့နကိးထီၣ်ယၤဘၣ်မနုၤလဲၣ်.စံးဘၣ်ပှၤအံၣ်စရ့လးဖိဒ်သိးအကလဲၤတၢ်ဆူညါတက့ၢ်. ဒ်ပမ့ၢ်ခဝ့ၡၢၣ်ဖိလံၤတဖၣ်အသိး
မုၢ်ထီၣ်ကလံၤထံးကဝီၤအံၤပဘၣ်ထွဲသကိးဒီးတၢ်အိၣ်ဖှိၣ်,ကဝီၤတဘျီဃီ ဆူကီၢ်အသိး မူဒါဒီးတၢ်ဖံးတၢ်မၤလၢပဘၣ်မၤဒ်ပခိၣ်ပနၢ်မ့ၢ်သိၣ်လိနဲၣ်လိပှၤ,ပကျဲးစၢးမၤသကိးအဂ့ၤတၢၢ်ကိးဂၤဒဲးကစီဒီန့ၣ်လီၤ. ပကဝီၤအံၤအိၣ်ဒီးခံနံၣ်တဝီတၢ်ဃုထၢထီၣ် ခိၣ်နၢ်အသီတဘျီလီၤ. ခိၣ်နၢ်တနီၤ လၢယွၤအဘျုးအဖှိၣ်အဃိ မၤကဒီးဘၣ်ဒံးယွၤအတၢ်ဖံးတၢ်မၤ
တရဲၣ်ဃီတုၤခဲကနံၣ်အံၤ, တနီၤမၤ ဝဲဒ် မူဒါလၢအလီၤဘၣ်အီၤအဝီအသိးန့ၣ်လီၤ.မုၢ်ထီၣ်ကလံၤထံးကဝီၤအံၤ တၢ်အိၣ်ဖှိၣ်အိၣ်ဝဲ (၉)ဖှိၣ် ဒီးပိာ်မုၣ်ကရၢတၢ်အိၣ်ဖှိၣ်အခီၣ်ထံးအိၣ် (၅)ဖှိၣ်ဟဲအါထီၣ်ကဒီးဖဲ ဝ၅.၁၇.၂ဝ၁၅နံၣ် Jacksonville , Florida ကညီဘျၢထံတၢ်အိၣ်ဖှိၣ်ဒုးအိၣ်ထီၣ် ပိာ်မုၣ်ကရၢသီသီတဖု
အဃိခဲအံၤခဲလၢာ်အိၣ်ဝဲ(၆)ဖုန့ၣ်လီၤ.လူၤကၣ်၁း၃၇“အဂ့ၢ်ဒ်အံၤ,တၢ်လၢယွၤမၤတသ့ဘၣ်န့ၣ် တအိၣ်နီ တမံၤဘၣ်”. ယွၤမၤမူထီၣ်န့ၢ်ပှၤ, မၤဒိၣ်ထီၣ်န့ၢ်ပှၤ တၢ်အိၣ်ဖှိၣ်ဒ်သိးအံၤအဃိ မ့ၢ်တၢ်ဆိၣ်ဂ့ၤဒီးတၢ်သးခုအဒိၣ်အအါန့ၣ်လီၤ.တုၤမ့ၢ် ပအိၣ်ဒီးပက့ၢ်ပဂီၤလၢပှဲၤလံန့ၣ်ဒီး ပခိၣ်ပနၢ်တနီၤသုးကျဲၤန့ၢ်ပှၤ ဒ်သိးကျိၣ်ဖိစ့ဖိကအါထီၣ်အဂီၢ်ပစးထီၣ်
တၢ်အခီၣ်ထံးမ့ၢ်တၢ်ဆံးဆံးဖိလီၤ.ပစးထီၣ်ဟ့ၣ်ဆိစ့(၂ဝဝ)ဒီလၣ်ဖံသရၣ်မုၣ်နံထၣ်မ့ၢ်ဟးအိၣ်သကိးဖိလံၤလၢလီၢ်ယံာ်မ့ၢ်ဂ့ၤလီၢ်ဘူးမ့ၢ်ဂ့ၤ,အဝဲမၤဝဲဒီးအလံာ်ဒၢဟ့ၣ်ဝဲဖိလံၤတဖၣ်ဖိလံၤတဖၣ်ဆီၣ်ထွဲမၤစၢၤဝဲအဃိ, ပတၢ်မၤဘူၣ်ဖိလၢကဝီၤအံၤအါထီၣ်ဝဲဒၣ်တစဲးဘၣ်တစဲး,လၢခံပဟ့ၣ်နီၤလီၤကဒီးလၢတၢ်အိၣ်ဖှိၣ်တဖှိၣ်ဘၣ်တဖှိၣ်ဖဲနံၣ်ကတၢၢ်တၢ်အိၣ်ဖှိၣ် အ
ခါပဟ့ၣ်လီၤစ့တနီၤက့ၤစိာ်ဝဲစ့(၅ဝ)ဒီလၣ်တနီၤက့ၤစိာ်ဝဲစ့တကယၤဒီလၣ်ဝံၤ,က့ၤမၤအါထီၣ်ဝဲအဃိ,စ့တဖၣ်အံၤအါထီၣ် ဝဲတနံၣ်တစဲး တဆီဘၣ်တဆီ တုၤခဲ က နံၣ် အံၤန့ၣ်လီၤ.ပဝဲသ့ၣ်တဖၣ်ပလဲၤမၤကူၣ်မၤကၤတသ့တဘၣ်,ပလဲၤသကိးလၢကစၢ်ယွၤအဂံၢ်အဘါလီၤ.ဝံယၡါယၤ ၄ဝး၃၁ စံးဘၣ်ပှၤအသိးန့ၣ်လီၤ. ဖဲတဘျီပဟးရ့လိာ် ထံၣ်လိာ်အိၣ်ဖှိၣ် တၢၣ်ပီၣ်တၢၣ်ပီသကိးလၢခရံာ်ဘီမုၢ် တၢ်သးခု ကစီၣ်ကဝီၤတၢ်အိၣ်ဖှိၣ်ကဒိၣ်ထီၣ်အဂီၢ်ပမၤချုးမၤဒးပသးဒီးပဝဲလၢအဘါတ့ၢ်တၢ်ဒီးတၢ်အိၣ်ဖှိၣ်သ့တနီၤ ပမၤသကိးဝဲ
တၢ်ထုကဖၣ်တဲာ်နၤခီဖျိသရၣ်မုၣ်ဘဲဘ့ဝါဟ့ၣ်ကူၣ်ရဲၣ်ကျဲၤ,ပမၤသကိးလၢယွၤအလၤကပီၤ အဂီၢ်န့ၣ်လီၤ. ကိးလါဒဲးလါထီၣ်တသီပစးထီၣ်ဘါတၢ်ထုကဖၣ်ဘျးစဲပစးထီၣ်အီၤဖဲလါအ့ဖြ့ၣ်၂ဝ၁၃နံၣ်အပူၤန့ၣ်လီၤ. မုၢ်ထီၣ်ကလံၤထံးကဝီၤ ပအိၣ်ဒီးတၢ်ဟူးတၢ်ဂဲၤဖဲလၢနံၣ်ကတၢၢ်ကိးနံၣ်ဒဲးန့ၣ်ပသတြီၤတၢ်ကိးနံၣ်ဒဲး,ဒ်အမ့ၢ် ပရူးပြၢလံာ်စီဆှံ,ပပြၢတၢ်သးဝံၣ်
ဃံာ်ခံဒီး,စိလိၣ်စ့ၢ်ကီးတနံၣ်အံၤပကပြၢဝဲလံာ်စီဆှံအပူၤသ့ၣ်တဖၣ်န့ၣ်လီၤ.ပိာ်မုၣ်ကရၢပြၢတၢ်ဝံၤကျဲးစၢးကရၢ နုာ်လီၤပြၢတၢ်စ့ၢ်ကီးန့ၣ်လီၤ. ပကွဲမုာ်ဘၣ် ပခိၣ်ပနၢ်လၢ K.B.C.U.S.A ဒ်အမ့ၢ်သရၣ်ဒိၣ်ဆၣ်မူၡံမိၣ်မ့ၢ်ဂ့ၤ,သရၣ်မုၣ်ထူမ့ၣ်မ့ၢ်ဂ့ၤ, တဘျီတခီၣ် ပထံၣ်ဘၣ်လၢ ပခိၣ်ပနၢ် သရၣ် ဒိၣ်သမါထီမ့ၢ်ဟဲဘၣ်အခါပမၢအဝဲသ့ၣ်လၢကမၤစၢၤပှၤကတိၤဟ့ၣ်ဂံၢ်ဟ့ၣ်ဘါပှၤ ဟ့ၣ်ကူၣ်ဟ့ၣ်ဖးပှၤ ဘါထု က ဖၣ်လၢပဂီၢ်ဒီးပမၢအကဲန့ၢ်ပှၤစံၣ်ညီၣ်ကွီၢ်လၢအတီစ့ၢ်ကီးန့ၣ်လီၤ.၂ဝ၁၅နံၣ်တၢ်ဃုထၢအသီဘူးကဘၣ်လီၤန့ၣ်ဖဲပါရီဟဲဒီးဟ့ၣ် ကူၣ်ဟ့ၣ်ဖးသကိးပှၤလၢမၤက့ၤသၢနံၣ်တဝီတက့ၢ်.ဒ်အဝဲဟ့ၣ်ကူၣ်ပှၤအသိးပအၢၣ်လီၤ ဒီးတူၢ် လိာ်ကစီဒီလီၤ. တဘျီအံၤယွၤအပှၤမၤသကိးတၢ်တဖၣ်အိၣ်သကိးဒီးအမူအဒါလၢလၢပှဲၤပှဲၤကိးဂၤဒဲး အခိၣ်တဂၤ ခၢၣ်စးတဂၤစုာ်စုာ်ကစီဒီလီၤ.ပကဝီၤအံၤ,ပခိၣ်ပနၢ်သုးကျဲၤတၢ်သ့သ့ဘၣ်ဘၣ်,တကးဒံးဘၣ်ပပာ်သူၣ်ပာ်သးလၢတၢ်မၤတၢ်သးခုကစီၣ်အတၢ် မၤမ့ၢ်
တၢ်အဒိၣ်ဒီးကီဝဲအဃိပပာ်စီဆှံပသးပကျဲးစၢးဟ့ၣ်လီၤပသးဃ့လၢယွၤအသးစီဆှံကမၤစၢၤပှၤအဃိပပလၢၢ်ဘၣ်လၢ
ယွၤ မၤတၢ်ဂ့ၤဝဲလၢပဂီၢ်အဃိ ဒီးတၢ်မူထီၣ်ဂဲၤထီၣ်ဝဲလၢ ယွၤအလၤကပီၤအဂီၢ် ကစီဒီန့ၣ်လီၤ. ဒ်အလီၢ်အိၣ်ဝဲအသိးမုၢ်ထီၣ်ကလံၤထံးကဝီၤအပူၤအံၤသရၣ်ဒိၣ်အိၣ်စ့ၢ်ကီးဝဲဖဲအကြၢးဒီးတၢ်ပာ်ဂၢၢ်ပာ်ကျၢၤ သရၣ်သမါအိၣ်ထီၣ်ဝဲတနီၤလံန့ၣ်လီၤ.ပကဝီၤအံၤဒ်ပိာ်မုၣ်ကရၢအိၣ်ဝဲအသိးပခိၣ်ပနၢ်လၢ K.B.C.U.S.A နဲၣ်လီၤပှၤပာ်လီၤန့ၢ်ပှၤလၢ ပိာ်မုၣ်ကရၢအမီ
ထိၣ်လံာ်စီဆှံအဆၢကတိၤဒိ၃း၅-၆,ထါသီ၄၄၆န့ၣ်လီၤ. ဒီးပိာ်မုၣ်ကရၢ အိၣ်စ့ၢ်ကီးဒီး အတၢ်ကွၢ်စိလွံၢ်ထံၣ်န့ၣ်လီၤ.ပိာ်မုၣ်ပိာ်မၢၤတဖၣ်ဖဲအမၤဝဲသ့န့ၣ်မၤလံဝဲလံ.ပကဝီၤကျဲးစၢးကရၢမ့ၢ်ဂ့ၤ,ခ.တသ့ၣ်တဖၣ်မ့ၢ်ဂ့ၤ, ဂုာ်ကျဲးစၢးမၤဝဲအ ဂ့ၤကတၢၢ်န့ၣ်လီၤ. မုၢ်ထီၣ် ကလံၤ ထံး ကဝီၤအံၤ တၢ်အိၣ်ဖှိၣ်ကိးဖုဒဲး ဂုာ်ကျဲးစၢးလၢနီၢ်ခိအသိး လၢသူၣ်လၢ သး
အဂီၢ်စ့ၢ်ကီး ဂုာ်ကျဲးစၢးမၤသပှၢ် ခီဖျိ တၢ်ဃုအါ ထီၣ်ကျိၣ်စ့လၢတၢ်အိၣ်ဖှိၣ်အဂီၢ်, ကဝီၤအဂီၢ် ဒီးကီၢ်အဂီၢ် လၢတၢ်ဟ့ၣ်တၢ်မၤဘူၣ်မၤတီၢ်စ့ၢ်ကီးန့ၣ်လီၤ. ပထံၣ်ဘၣ်လၢ တၢ်အိၣ်ဖှိၣ်ကိးဖုဒဲး မၤဝဲအဂ့ၤကတၢၢ်န့ၣ်လီၤ. တနံၣ် တဘျီမ့ၢ်ဘၣ်ဃးဒီး ခိၣ်နၢ်တဖၣ်တၢ်လဲၤနံၣ် ကတၢၢ်မ့ၢ်ဂ့ၤထီၣ်တၢ်မၤ လိမ့ၢ်ဂ့ၤ,ပခိၣ်ပနၢ်ပှၤမၤသ ကိးတၢ် တဖၣ်သုးကျဲၤလီၤန့ၢ်ပှၤထံၣ်လိာ်အိၣ်ဖှိၣ်တဲသကိးဟ့ၣ်ကူၣ်သကိးတၢ်ထံၣ်လၢအဂ့ၤအဃိ တၢ်လဲၤတၢ် က့ၤလၢ က ဘီယူၤမ့ၢ်ဂ့ၤ,လၢသိလ့ၣ်မ့ၢ်ဂ့ၤပှၤထီထီၣ်န့ၢ်ပှၤပဒံးဆ့ဖိအဃိပှၤပၢၤစ့လၢကဝီၤပိာ်မုၣ်ကရၢသရၣ်မုၣ် ဘံဘံၤမ့ၢ်ဂ့ၤ, လၢကဝီၤပှၤပၢၤစ့,သရၣ်မုၣ်နိရၤထံမူမ့ၢ်ဂ့ၤ,ထုးထီၣ်န့ၢ်ပှၤ,ပှၤလဲၤတၢ်ဖိအတၢ်မၤဘူၣ်န့ၣ်လီၤ.လံာ်သးသယုၢ်တၢ်၃း၂၂“မ့ၢ်
ယွၤအဘျုးအဖှိၣ်မ့ၢ်အသးတတူာ်ဘၣ်သတးဒီးပတတုၤဘၣ်လၢတၢ်ဟးဂူာ်ဟးဂီၤဘၣ်လီၤ.”ပနာ်လၢမိၢ်ပၢ်ခိၣ်နၢ်သရၣ်ဒိၣ်သမါထီတဖၣ်လၢ သုသ့ၣ်နီၣ်ပကဝီၤပှၤမၤသကိးတၢ် တဖၣ်လၢတၢ်ထုကဖၣ်အဃိပ စံးဘျုးသုလၢပ သးဒီဖျၢၣ်ညါလီၤ.
ဖဲ၂ဝ၁၅နံၣ်ဘၣ်တၢ်ဆီတလဲက့ၤကဝီၤအမီထိၣ်လံာ်စီဆှံအဆၢ၂တံၤမသ့း၄း၅“တၢ်အခ့အပှၤအတၢ်လၢနမၤအီၤန့ၣ် မၤလၢလၢပှဲၤပှဲၤတက့ၢ်.” ဒီးဖဲ ၂ဝ၁၅-၂ဝ၁၇နံၣ် တၢ်ဃုထၢထီၣ်ကဒီးခိၣ်နၢ်အသီတဝီ က မံး တံာ်တဖၣ်ဒ်လာ်အံၤအသိးလီၤ. ကဝီၤခိၣ်သရၣ်ဒိၣ်ကၠဲထၢၣ်ခြီတီ,ကဝီၤခိၣ်(၂)သရၣ်ဒိၣ်ကပီၤထံ, နဲၣ်ရွဲၣ် သရၣ်ဆၣ်အိၣ်ဖျါ,
နဲၣ်ရွဲၣ်သဃဲၤ သရၣ်စတါသံၣ်, ပှၤပၢၤစ့ သရၣ်မုၣ်နိရၤထံမူ, ပှၤသမံသမိးစ့, သရၣ်မုၣ်နံၤဆၢဒီး သရၣ်မုၣ်နံထၣ်,ပှၤကွဲးနီၣ်တၢ် သရၣ်မုၣ်ခုခုၣ်ထူဒီး သရၣ်မုၢ်သဘျ့ဖီထူ, တၢ်သးခုကစီၣ်ပှၤနဲၣ်တၢ် သရၣ်အၤဘြၣ်ဟၣ်စ့,ကျိၣ်စ့ကမံးတံာ် ဖံသရၣ်မုၣ်နံထၣ်, ခ.တပှၤနဲၣ်တၢ် သရၣ်မူခ့ပၢ်ဒွဲ, ကဝီၤပှၤဟးဝ့ၤဝီၤ သရၣ်မုၣ်ဘဲဘ့ဝါ, ကဝီၤ ပှၤဟ့ၣ်ကူၣ်တၢ် သရၣ်မုၣ်မၤသၣ်, ဒီးကျဲးစၢးကရၢပှၤနဲၣ်တၢ် သရၣ်တၢ်ကပီၤ သ့ၣ်တဖၣ်န့ၣ်လီၤ.