လံာ်လဲၢ်ဒီးတၢ်ဆဲးတၢ်လၤဝဲၤကျိၤ
တၢ်ကတိၤလၢညါ
မ့ၢ်ကစၢ်ယွၤ အဘျုးအဖှိၣ်လၢအပာ်မူပာ်ဂဲၤပှၤဒီးဟ့ၣ်ပှၤတၢ်ခွဲးတၢ်ယာ်ဖးဒိၣ်လၢပကမၤသကိးဘၣ်အတၢ်မၤဒ် ဝဲၤကျိၤတကျိၤအသိးလၢ(KBCUSA)အတၢ်သုးတၢ်ကျဲၤအဖီလာ်န့ၣ်လီၤ.ပဝဲပှၤကညီဖိတကလုာ်အံၤ ယွၤ ဆှၢပာ် လီၤ ပှၤဖဲကီၢ်အမဲရကၤအံၤ, ယွၤအိၣ်ဒီးအတၢ်တိာ်လီၤဖးဒိၣ်လၢပဂီၢ်လၢပကဘၣ်ဖီၣ်ထီၣ်အတၢ်တိာ်တဖၣ်, ပာ်ဖှိၣ်ထီၣ်သးမၤ သကိးတၢ်ဒီးဒုးဖျါထီၣ်အီၤန့ၣ်လီၤ.မ့ၢ်ဒၣ်ယွၤ အတၢ်မၤလၢပဘၣ်မၤအီၤန့ၣ်လီၤ.အဂ့ၢ် ဒ်အံၤယွၤ မၤကယဲၢ်တၢ်ခဲလၢာ် အိၣ်ဒီးအဃံအလၤလၢအကတီၢ်ဒၣ်ဝဲဒီးပာ်တၢ်အထူအယိာ်လၢအသးကံၢ်ပူၤဘၣ်ဆၣ်ဒီးတၢ်လၢယွၤ မၤဝဲလၢအခီၣ်ထံး ပၢၢ်လၢအကတၢၢ်န့ၣ်ပှၤကညီအနၢ်တပၢၢ်ဘၣ်နီတဂၤဘၣ်.(စံၣ်တဲၤတဲလီၤတၢ် ၃း၁၁)
တၢ်ပညိၣ်
တၢ်ကွဲးဝဲၤကျိၤအတၢ်စံၣ်စိၤတဲစိၤအံၤအိၣ်ဒီးတၢ်မုၢ်လၢ်ကွၢ်စိ, တၢ်ပညိၣ်တဖၣ်လီၤ.အဂ့ၢ်ဒ်အံၤ, ပပှၤကညီတက လုာ်အံၤ, ပအိၣ်တ့ၢ်လံဒီးပကျိာ်, လံာ်လဲၢ်တၢ်ဆဲးတၢ်လၤ, လုၢ်လၢ်ထူသနူ, ဒီကလုာ်အနီၣ်တယၢ်, ဒီကလုာ်အတၢ်သးဝံၣ်, ကညီအနံၣ်ထီၣ်သီတဖၣ်အံၤ, မ့ၢ်ယွၤ အတၢ်ဟ့ၣ်န့ၢ်သါပှၤအဃိဖဲပလဲၤတပူၤလၢ်လၢ်ပအိၣ်တပူၤလၢ်လၢ်, ပစိာ်ဃုာ် အီၤ လီၤ.လၢတၢ်ဂ့ၢ်အါမံၤအဃိပဟဲတုၤကီၢ်အံၤပကဘၣ်အိၣ်ဒီးပတၢ်ကွဲးနီၣ်ကွဲးဃါလၢပဖိပလံၤလၢခံတစိၤဘၣ်တစိၤက ဖးဘၣ်က့ၤဝဲ, ဒီးနၢ်ပၢၢ်တၢ်ဂ့ၢ်တၢ်ကျိၤဟဲကဲထီၣ်အဂ့ၢ် ကပဲာ်ထံနီၤဖးဝဲဒီးပာ်လုၢ်ပာ်ပှ့ၤဝဲလီၤ. အလီၢ်မ့ၢ်အိၣ် လၢ ဘၣ် မၤဂ့ၤ, မၤအါထီၣ်, မၤဒိၣ်ထီၣ်က့ၤအီၤလၢခါဆူ ညါအဂီၢ်န့ၣ်တၢ်စံၣ်စိၤတဲစိၤ အံၤကမ့ၢ် တၢ်အ ခီၣ် တ ဃာ် လၢအဝဲသ့ၣ်အဂီၢ်လီၤ.
တၢ်စးထီၣ်ဒုးအိၣ်ထီၣ်ဝဲၤကျိၤအဂ့ၢ်
ခိၣ်နၢ်သရၣ်သမါတဖၣ်ထံၣ်ဝဲလၢပ (KBCUSA) အံၤပကြၢးအိၣ်ဒီးဝဲၤကျိၤလၢအသနၢၣ်ဒၣ်ဝဲစုာ်စုာ် လီၤ. တဘျီဃီဒုးအိၣ်ထီၣ်ဝဲၤကျိၤဝဲၤဒ့တဖၣ်လီၤ.လၢအကျါဒ်ပမ့ၢ်ပှၤကညီတကလုာ်အသိးပကြၢးအိၣ်ဒီးလံာ်လဲၢ်ဒီးတၢ်ဆဲး တၢ်လၤဝဲၤကျိၤဒ်ပှၤကညီဘျၢထံခဝ့ၡၢၣ်ရဲၣ်ကျဲၤဝဲအသိးန့ၣ်လီၤ.အဂ့ၢ်ဒ်အံၤပဘၣ်အိၣ်ကျဲၣ်ကျီဒီးကလုာ်အါကလုာ်လၢ အအိၣ်ဒီးအကျိာ်ဒၣ်ဝဲ, အလံာ်အလဲၢ်, တၢ်ဆဲးတၢ်လၤဒၣ်ဝဲ, အထူသနူဒၣ်ဝဲန့ၣ်လီၤ. ပတၢ်ဘၣ်ယိၣ်အဒိၣ်အါမံၤအကျါ ပဘၣ်ယိၣ်လၢပဖိပလံၤလၢအဟဲတုၤဖဲအံၤတဖၣ်ဒီးလၢအဟဲအိၣ်ဖျဲၣ်ထီၣ်ဖဲအံၤတဖၣ်ပှၤကလုာ်ဂၤအကျိာ်, အတၢ်ဆဲး တၢ်လၤကဒိၣ်ဘၢအီၤဒီး လၢတၢ်ဆၢကတီၢ်ဖုၣ်ကိာ်အပူၤကလီၤမၢ် သဒၣ်ကွံာ်န့ၢ်ပှၤန့ၣ်လီၤ. မုၢ်မဆါတနံၤအံၤ, ပထံၣ်ဘၣ်လၢပဖိဆံးဖိတဖၣ်တသးအိၣ်ကတိၤက့ၤကညီကျိာ်လၢၤဘၣ်.မ့ၢ်လၢတနီၤမိၢ်ပၢ်တဖၣ်လၢဟံၣ်လၢဃီတက တိၤယုာ်အဖိလၢကညီကျိာ်အဃိမ့ၢ်တမံၤ, ဖိဆံးတ ဖၣ်ဘၣ်မၤလိတၢ်လၢကၠိလၢ ကီၣ်အိၣ်ထဲ ဘၣ် စူးကါ ဒၣ် ထဲ ကိၤလၤဝါကျိာ်အဃိမ့ၢ်တမံၤ, လၢတၢ်ဘၣ်ဒွံးဘၣ်ဒွါလၢခိၣ်ဃၢၤ အတၢ်အိၣ်သး အဃိစ့ၢ်ကီး, ပကညီ ကျိာ် အံၤ လီၤတသုးဆူကျိာ်လီၤဘၣ်ယိၣ်အပတီၢ်လံအဃိန့ၣ် လီၤ. တၢ်အံၤမ့ၢ်ပဝဲခိၣ်နၢ်, သရၣ်သမါတဖၣ်ပမူပဒါလီၤ.
တၢ်စးထီၣ်ဒုးအိၣ်ထီၣ်ဝဲၤကျိၤအမုၢ်နံၤမုၢ်သီ
ဖဲ(၂ဝ၁၈)-လါမၢ်ၡး(၂၂)သီအနံၤသရၣ်ဒိၣ်ီမ.လၢၢ်ထူဘိးဘၣ်သ့ၣ်ညါလီၤဝဲဆူပၢဆှၢတၢ်ကမံးတံာ် တၢ်အိၣ် ဖှိၣ်လၢပကဒုးအိၣ်ထီၣ်လံာ်လဲၢ်ဒီး တၢ်ဆဲးတၢ်လၤဝဲၤကျိၤအဃိဖဲ၂ဝ၁၈-လါမၢ်ၡး(၂၃) သီအနံၤပပာ်ဖှိၣ် ထီၣ်သးဒီး ဃုထၢထီၣ်လံာ်လဲၢ်ဒီးတၢ်ဆဲးတၢ်လၤဝဲၤကျိၤကမံးတံာ်တဖုလီၤ.
လံာ်လဲၢ်ဒီးတၢ်ဆဲးတၢ်လၤဝဲၤကျိၤကမံးတံာ်အဆိကတၢၢ်တဖု, ပှၤဟ့ၣ်ကူၣ်တၢ်တဖၣ်, ကီၢ်အပှၤဘၣ်မူဘၣ်ဒါတနီၤ.
- သရၣ်ဒိၣ်ဆၣ်မူၡံမိၣ်
- သရၣ်ဒိၣ်လၢၢ်ထူ
- သရၣ်ဒိၣ်လၢၢ်မူမၣ်တ့ၣ်
- ပှၤပၢၤလီၢ်ဆ့ၣ်နီၤ သရၣ်ဒိၣ်ဧိၤသန့လး
- ပှၤနဲၣ်တၢ် သရၣ်မုၣ်ဘျဲၣ်ထူ
- ပှၤကွဲးလံာ် သရၣ်အ့ဘ့ၤန့စၢ်ကူၣ်
- ပှၤပၢၤစ့ သရၣ်ဒိၣ်ကၠီၣ်စိ
- ကမံးတံာ်မၤတၢ်တဖၣ် ကဝီၤခိၣ်(၇)ဂၤ
- ၁. သရၣ်ဒိၣ်ကွဲၢ်ကဘီလ့
- ၂. သရၣ်ဒိၣ်ဆၣ်ထွဲ
- ၃. သရၣ်ဒိၣ်ထံဂ့ၤ
- ၄. သရၣ်ဒိၣ်ကၠဲဒၢၣ်ခြီ
- ၅. သရၣ်ဒိၣ်ဟိၤသန့လး
- ၆. သရၣ်ဒိၣ်ဖျိးစိသီ
- ၇. သရၣ်န့ၢ်ဘျုးတဖၣ်န့ၣ်လီၤ.
ဝဲၤကျိၤအတၢ်တိာ်ထူ
“ဟံးဃာ်တၢ်အိၣ်ဒီးနၤ” လီၣ်ဖျါ ၃း၁၁
တၢ်တိာ်ထူအံၤမ့ၢ်ပဖုသရၣ်ဒိၣ်ကၠဲဒၢၣ်ခြီဃုထၢပာ်လီၤန့ၢ်ပှၤဒီးစံးကတိၤဝဲလၢအဂ့ၢ်လီၤတံၢ်လီၤဆဲးန့ၣ်လီၤ. ပှၤ ဟဲထီၣ်တၢ်အိၣ်ဖှိၣ်ဖိကိးဂၤဒဲးဘၣ်သူၣ်ဘၣ်သးဝဲအဃိတၢ်တိာ်ထူအံၤဘၣ်တၢ်ပာ်ဂၢၢ်ပာ်ကျၢၤအီၤလီၤ. ပစံးဘျုး က့ၤပဖုလၢအလဲၤပူၤကွံာ်ပှၤဘၣ်ဆၣ်ပာ်တ့ၢ်န့ၢ်ပဝဲလၢတၢ်န့ၢ်သါအဃံအလၤအံၤအဃိပသးပ့ၤနီၣ်အီၤတသ့ဘၣ်. ပမၤဟးဂီၤတသ့ဘၣ်ဒီးပကစိာ်မူအီၤထီဘိန့ၣ်လီၤ.
ဝဲၤကျိၤအတၢ်ပညိၣ်(၃)ထံၣ်
- ၁. သ့ကတိၤ, သ့ဖး, သ့ကွဲးကညီကျိာ်
- ၂. သ့ကတီၤဟံးဃာ်က့ၤကညီတၢ်ဆဲးတၢ်လၤ
- ၃. မၤလိဃုသ့ၣ်ညါက့ၤကညီအတၢ်စံၣ်စိၤတဲစိၤ
တၢ်ဟူးတၢ်ဂဲၤလၢပမၤအီၤတဖၣ်
၁. (၂ဝ၁၈)နံၣ်အပူၤပအိၣ်ဒီးတၢ်ထံၣ်လိာ်အိၣ်သကိးလၢကဝီၤ(၇)ကဝီၤလိာ်, တၢ်အိၣ်ဖှိၣ်တဖၣ် ဒီးပဃုသ့ၣ် ညါက့ၤပှၤကိးဂၤဒဲးအတၢ်မုၢ်လၢ်ကွၢ်စိ, အတၢ်ထံၣ်တဖၣ်, အတၢ်ဟ့ၣ်ကူၣ်ဟ့ၣ်ဖးတဖၣ်လၢ, ဒ်ဝဲၤကျိၤတ ကျိၤအသိးပကဘၣ်ဟူးဂဲၤအီၤအက့ၢ်အဂီၤဒ်လဲၣ်တဖၣ်အဂ့ၢ်ဒီးဒ်ပတၢ်ပညိၣ် ကွၢ်စိလၢထးတဖၣ်ကလၢ ပှဲၤတုၤထီၣ်ဘးအဂီၢ် ပစးထီၣ်ထုးဖျါထီၣ်အမိၢ်လံၤမိၢ်ပှၢ်န့ၣ်လီၤ.
၂. ဖဲ(Sep 28-29, 2018)နံၤသီအံၤပဒုးအိၣ်ထီၣ်ဘၣ်တၢ်အိးထီၣ်မဲာ်(၂)သီတၢ်မၤလိဘၣ်ဃး “ကျိာ်” ဖဲခၢၣ် သးကလံၤစိးကဝီၤ, (Denver) ကညီဘျၢထံခရံာ်ဖိတၢ်အိၣ်ဖှိၣ်အပူၤန့ၣ်လီၤ.မ့ၢ် လၢပမ့ၢ်ဝဲၤကျိၤသီသီဖိ တကျိၤဒီးပဂံၢ်ပဘါတအိၣ်ဒံးဘၣ်အဃိပဃ့တၢ်မၤစၢၤလၢကညီခရံာ်ဖိ တၢ်ကူၣ်ဘၣ်ကူၣ်သ့ဝဲၤကျိၤအ အိၣ်လီၤ.အဝဲသ့ၣ်အဲၣ်ဘၣ်ပှၤ, မၤစၢၤပှၤအဃိပမၤဘၣ်တၢ်မၤလိအံၤန့ၣ်လီၤ. တၢ်လၢာ်ဘူၣ်လၢာ်စ့ၤတခီ ကီၢ်တူၢ်လၢာ်န့ၢ်ပှၤလီၤ.တၢ်မၤလိတဘျီအံၤပဘၣ်နီၤဖးလီၤဒၢးခံဖျၢၣ်, လၢအမ့ၢ် ခရံာ်ဖိတၢ်ကူၣ်ဘၣ်ကူၣ် သ့ဝဲၤကျိၤအဂီၢ်တဒၢး, ဒီးလံာ်လဲၢ်ဒီးတၢ်ဆဲးတၢ်လၤဝဲၤကျိၤအဂီၢ်တဒၢးန့ၣ်လီၤ. လၢတၢ်ဟ့ၣ်တၢ်သိၣ်လိ အဂီၢ်, ကီၢ်တူၢ်တၢ်လၢာ်ဘူၣ်လၢာ်စ့ၤဒီးကွဲမုာ်န့ၢ်ပှၤသရၣ်မုၣ်နံထၣ် (ကီၢ်ပံၤယီၤ, ပှၤကညီဘျၢထံခဝ့ၡၢၣ်, လံာ်လဲၢ်ဒီးတၢ်ဆဲးတၢ်လၤဝဲၤကျိၤ, ပှၤနဲၣ်တၢ်)န့ၣ်လီၤ. သရၣ်မုၣ်အံၤမ့ၢ်ပှၤအဆိကတၢၢ်လၢပလံာ်လဲၢ်ဒီးတၢ်ဆဲးတၢ်လၤ ဝဲၤကျိၤအဂီၢ်လၢအဟ့ၣ်ကူၣ်ဟ့ၣ်ဖး, မၤ ယုၤပှၤလၢတၢ်မၤလိတဘျီအံၤအဂီၢ်လီၤ.ပှၤဟဲထီၣ်တၢ်မၤလိတဘျီအံၤမ့ၢ်ကီၢ်ဒီးကဝီၤ(၇)ကဝီၤလိာ်အခၢၣ် စးတဖၣ်လီၤ.ပှၤမၤလိတၢ်ဖိခဲလၢာ်အိၣ်(၂၁)ဂၤလီၤ.လၢအကျါတဂၤန့ၣ်အတၢ်ထံၣ်တလီၤပလိာ်သးဒီးပှၤ ဘၣ်စံးဝဲလၢကျိာ်ကညီ(က,ခ,ဂ)လၢပကွဲးအီၤအံၤတမ့ၢ်ပကျိာ်ဘၣ်.ပကျိာ်မ့ၢ်လံာ်ဆီဝဲးလီၤ.ပဂုာ် ကျဲး စၢး တဲနၢ်ပၢၢ်အီၤ(က,ခ,ဂ)ဟဲကဲထီၣ်အဂ့ၢ်ဒီးမ့ၢ်လၢပပှၤကညီဒီတကလုာ်အပာ်ဂၢၢ်ပာ်ကျၢၤအီၤ, ပာ်ပနီၣ်တ့ၢ် လံ အီၤအဃိပစူးကါပကျိာ်အံၤ တုၤဆူကျိာ်အပတီၢ်လွံၢ်လၢအမ့ၢ်လံာ်စီဆှံအပတီၢ်လံန့ၣ်လီၤ. ပှၤမၤ လိတၢ်ဖိအိၣ်တ့ၢ်(၂ဝ)ဂၤဒီးပဟ့ၣ်လီၤလံာ်အုၣ်သးဆူပှၤမၤလိတၢ်ဖိကိးဂၤဒဲးအအိၣ်လီၤ. ဖုသရၣ် ဒိၣ်သးဂ့ၤ ဟ့ၣ်ဂံၢ်ဟ့ၣ်ဘါပှၤ, ထီၣ်တၢ်မၤလိ, အိၣ်ဃုာ်ဒီးပှၤတုၤလၢ ပတၢ်မၤလိဝံၤဝဲတစုန့ၣ် လီၤ.
တၢ်ဟူးတၢ်ဂဲၤတၢ်ဂီၤတဖၣ်
၃. ဖဲ(Oct ၅-၆, ၂ဝ၁၈) အနံၤ, သရၣ်မုၣ်နံထၣ်ဒီးယၤ, သရၣ်မုၣ်ဘျဲၣ်ထူ(ပှၤနဲၣ်တၢ်)ပလဲၤဒုးအိၣ် ထီၣ်ဘၣ်တၢ်အိးထီၣ်မဲာ်(၂)သီအတၢ်မၤလိ ဘၣ်ဃးကျိာ်ဖဲမုၢ်နုာ်ကဝီၤ (Oregon, Portland) က ညီဘျၢထံခရံာ်ဖိတၢ်အိၣ်ဖှိၣ်အပူၤလီၤ. ပှၤဟဲထီၣ်တၢ်မၤလိ(၄၅)ဂၤ လၢမုၢ်နုာ်ကဝီၤ တၢ်အိၣ်ဖှိၣ် အခၢၣ်စးတဖၣ်ဒီးပဟ့ၣ်လီၤဘၣ်လံာ်အုၣ်သးဆူပှၤဟဲထီၣ်တၢ်မၤလိဖိကိးဂၤဒဲးအအိၣ်န့ၣ်လီၤ. မုၢ် နုာ်ကဝီၤတူၢ်တၢ်လၢာ်ဘူၣ်လၢာ်စ့ၤခဲလၢာ်လီၤ.
တၢ်အုၣ်ကီၤလၢတၢ်ဂီၤတဖၣ်
၄. (က) (၂ဝ၁၉)နံၣ်ပရၤလီၤဘိးဘၣ်သ့ၣ်ညါလၢကဝီၤ(၇)ကဝီၤလိာ်အပူၤကဒုးအိၣ်ထီၣ် “ကဝီၤလံာ် လဲၢ်ဒီးတၢ်ဆဲးတၢ်လၤဝဲၤကျိၤကမံးတံာ်” လၢအဝဲၤကျိၤဒၣ်ဝဲစုာ်စုာ်လီၤ. တုၤမုၢ်မဆါတနံၤအံၤကဝီၤလၢ အအိၣ်ဒီးအကဝီၤဝဲၤကျိၤကမံးတံာ်ဒၣ်ဝဲအိၣ်ဒံးဒၣ်ထဲ
- ၁. မုၢ်နုာ်ကဝီၤ
- ၂. မုၢ်နုာ်ခၢၣ်သးကလံၤစိးကဝီၤ
- ၃. ခၢၣ်သးကလံၤစိးကဝီၤ
- ၄. ခၢၣ်သးကလံၤထံးကဝီၤ
- ၅. မုၢ်နုာ်ခၢၣ်သးကလံၤထံးကဝီၤတဖၣ်အိၣ်ဒီးအတၢ်ဟူးတၢ်ဂဲၤဒၣ်ဝဲလီၤ.
- ၁. မုၢ်ထီၣ်ကလံၤစိးကဝီၤ
- ၂. မုၢ်ထီၣ်ကလံၤထံးကဝီၤ, တဖၣ်အကဝီၤလံာ်လဲၢ်ဒီးတၢ်ဆဲးတၢ်လၤဝဲၤကျိၤကမံးတံာ်တအိၣ် ထီၣ်ဒံးဘၣ်န့ၣ်လီၤ.
(ခ) ပထံၣ်လိာ်အိၣ်သကိးလၢ (Zoom) တနံၣ်ခံဘျီလီၤ.
(ဂ) ပဆီတလဲက့ၤဝဲၤကျိၤကမံးတံာ်ဖိတနီၤဒီးမၤလၢပှဲၤအါထီၣ်ဘၣ်ပဝဲၤကျိၤကမံးတံာ်အက့ၢ်အ ဂီၤဒ်လာ်အံၤအသိးလီၤ.
- ကမံးတံာ်ပှၤဟ့ၣ်ကူၣ်တၢ်
- ၁. သရၣ်ဒိၣ်ဆၣ်မူၡံမိၣ်
- ၂. သရၣ်ဒိၣ်လၢၢ်ထူ
- ၃. သရၣ်ဒိၣ်လၢၢ်မူမၣ်တ့ၣ်
- ၄. သရၣ်ဒိၣ်ထံဂ့ၤ
- ၅. သးပှၢ်ဝ့နၢၣ်
- ပှၤပၢၤလီၢ်ဆ့ၣ်နီၤ သရၣ်ဒိၣ်ဧိၤသန့လး
- ပှၤပၢၤလီၢ်ဆ့ၣ်နီၤသဃဲၤ သရၣ်ဒိၣ်ဆၣ်ထွဲ
- ပှၤနဲၣ်တၢ် သရၣ်မုၣ်ဘျဲၣ်ထူ
- ပှၤနဲၣ်တၢ်သဃဲၤ သရၣ်မုၣ်ကပီၤထူ
- ပှၤကွဲးလံာ် သရၣ်ဒိၣ်ဘီဘီ
- ကမံးတံာ်မၤတၢ်ဖိတဖၣ် ကဝီၤခိၣ်(၇)ဂၤ တမ့ၢ်(By name) ဘၣ်န့ၣ်လီၤ.
(ဃ) ပှၤနဲၣ်တၢ်(သရၣ်မုၣ်ဘျဲၣ်ထူ)ဒီးဝဲၤကျိၤကမံးတံာ်တနီၤလဲၤဆူမုၢ်နုာ်ကဝီၤ, အၣ်ရံၣ်စိနါကညီ ဘျၢထံခရံာ်ဖိတၢ်အိၣ်ဖှိၣ်, ထံၣ်လိာ်အိၣ်သကိးဒီး တၢ်အိၣ်ဖှိၣ်သရၣ်, တၢ်အိၣ်ဖှိၣ်ခိၣ်နၢ်, ကဝီၤပှၤမၤသကိးတၢ်တဖၣ်တၢ်အိၣ်ဖှိၣ်ဖိအဂၤ(၄ဝ)ဂၤ, ကတိၤသကိးဘၣ်ဃးကျိာ်ဒီးလံာ် လဲၢ်အတၢ်အိၣ်စံၣ်အိၣ်ကျၢၤအဂ့ၢ်, အိၣ်ဒီးတၢ်သံကွၢ်စံးဆၢတဖၣ်လီၤ. ထံၣ်ဘၣ်စ့ၢ်ကီးလၢ သးစၢ်ဒီးဖိသၣ်တဖၣ်ကတိၤထဲကိၤလၤဝါကျိာ်, လၢတၢ်ဘါကတီၢ်ဒၣ်လဲာ်န့ၣ်လီၤ.
တၢ်အုၣ်ကီၤလၢတၢ်ဂီၤတဖၣ်
၅. (က) (၂ဝ၂ဝ)နံၣ်အပူၤ ပစးထီၣ်ထုးထီၣ်ရၤလီၤဘၣ်လံာ်ဒၢဆူကဝီၤ(၇)ကဝီၤလိာ်အပူၤ ဒီးမ့ၢ်တၢ်ဘျုးတၢ်ဖှိၣ်လၢပဝဲၤကျိၤအဂီၢ်ဒိၣ်မးတုၤမုၢ်မဆါတနံၤအံၤလီၤ.
(ခ) (၂ဝ၂ဝ)လါယူၤထီၣ်(၂ဝ)သီ ပဒုးအိၣ်ထီၣ်ဘၣ် (Karen Language Maintenance program for the Karen in U.S.A) ဒ်အမ့ၢ် (Awareness raising for Language and maintenance Program) န့ၣ်လီၤ. ခီဖျိတၢ်ရဲၣ်တၢ်ကျဲၤအံၤ, ပှၤဟဲထီၣ်တၢ်အိၣ်ဖှိၣ်အနီၣ်ဂံၢ်ခဲလၢာ်အိၣ်(၈၃)ဂၤလီၤ. တၢ်အစၢဒီးတၢ် ဆၢတဲာ်အိၣ်ဝဲလၢ(KBCUSA) ကဝီၤ(၇)ကဝီၤလိာ်အပူၤဘၣ်ဃးကျိာ်တၢ်အိၣ်သးအိၣ်လၢကျိာ်လီၤ ဘၣ်ယိၣ်အပတီၢ်အဃိပှၤကိးဂၤဒဲးဆၢမုၢ်လၢ် အိၣ်ဘၣ်လၢကျိာ်ဂၢၢ်ကျၢၤအပူၤန့ၣ်လီၤ.
(ဂ.) ဒ်သိးတၢ်ရဲၣ်တၢ်ကျဲၤအံၤကအိၣ်ထီၣ်အဂီၢ် ပှၤနဲၣ်တၢ်လဲၤဆူမုၢ်နုာ်ခၢၣ်သးကလံၤစိးကဝီၤဖဲက ဝီၤမၤနံၣ်ခီၣ်ထံးတၢ်အိၣ်ဖှိၣ်ကတီၢ်န့ၣ်လီၤ. တၢ်ထံၣ်လိာ်သးဒီးကဝီၤဖိကဝီၤလံၤတဖၣ်မ့ၢ်တၢ်ဂံၢ် တၢ်ဘါဖးဒိၣ်လၢပလံာ်လဲၢ်ဒီးတၢ်ဆဲးတၢ်လၤဝဲၤကျိၤအဂီၢ်ဒိၣ်မးန့ၣ်လီၤ.
တၢ်အုၣ်ကီၤလၢတၢ်ဂီၤတဖၣ်
(ဃ)(၂ဝ၂ဝ)နံၣ်အံၤပဒုးအိၣ်ထီၣ်ဘၣ်တၢ်ရဲၣ်တၢ်ကျဲၤလၢကလဲၤအသးတပယူာ်ဃီလၢအမ့ၢ်တၢ် ကတိၤသီလီၤဘၢအတၢ်ရဲၣ်တၢ်ကျဲၤလီၤ.
- အဆိပရၤလီၤဆိတၢ်ကတိၤသီလီၤဘၢအလံာ်ဖျၢၣ်မိၢ်ပှၢ်အခီပညီတဖၣ်လီၤ.(က-ၡ)
- သ့ၣ်ဆၢဖးကတီၢ်လၢတၢ်ဒိးစဲးအဂီၢ်လီၤ.
- တၢ်ဒိးစဲးအဂီၢ်တၢ်သံကွၢ်တမံၤဃီလၢကဝီၤ(၇)ကဝီၤ
- ကွၢ်က့ၤတၢ်စံးဆၢတဖၣ်ဒီးဟ့ၣ်ခိၣ်ဖးဆူပှၤမၤန့ၢ်ခိၣ်ဖး ၁,၂,၃ အအိၣ်န့ၣ်လီၤ.
- ပှၤဟ့ၣ်လီၤန့ၢ်ပှၤခိၣ်ဖးလၢသးပှၢ်မုၣ်ဘျဲၣ်စ့(မုၢ်နုာ်ခၢၣ်သးကလံၤစိး, ကညီဘျၢထံခရံာ်ဖိတၢ်အိၣ်ဖှိၣ်, KNBC)လၢသၢနံၣ်အဂီၢ်လီၤ.
(င) တနံၣ်အံၤပစးထီၣ်ထၢဖှိၣ်ကညီတၢ်ဆဲးတၢ်လၤပိးလီလၢကဝီၤ(၇)ကဝီၤလၢတကဝီၤအစှၤက တၢၢ်(၅)မံၤလီၤ. တၢ်ဆဲးတၢ်လၤပိးလီလၢတၢ်ဟ့ၣ်မၤဘူၣ်အီၤတဖၣ်ကဘၣ်အိၣ်ဒီးအမံၤ, တၢ် စူးကါအီၤဒ်လဲၣ်အဂ့ၢ်, ပှၤဟ့ၣ်တၢ်အမံၤအသၣ်, အတၢ်အိၣ်ဆိးလီၢ် တၢ်အိၣ်ဖှိၣ်အမံၤ, လၢ လၢပှဲၤပှဲၤလၢတၢ်ကပာ်ကီၤအီၤဒ်သိးကညီတၢ်ဆဲးတၢ်လၤသုတလီၤမၢ်သဒၣ်ကွံာ်ပှၤတဂ့ၤဒီးပဖိ ပလံၤလၢခံတစိၤဘၣ်တစိၤ, ကသ့ၣ်ညါပာ်လုၢ်ပာ်ပှ့ၤဝဲအဂီၢ်လီၤ.
(စ) တနံၣ်အံၤ ပဒုးအိၣ်ထီၣ်ဘၣ်လံာ်ညိၣ်သိၣ်ဒိၣ်ကမံးတံာ်ဆၣ်တဖုလၢကသုးကျဲၤထုးထီၣ်လံာ် ညိၣ်သိၣ်ဒိၣ်အပတီၢ်(၁)ဒီးဆူအပတီၢ်ဆူညါကွ့ၢ်ကွ့ၢ် လၢဖိသၣ်တဖၣ်ကမၤလိဘၣ်က့ၤကညီ ကျိာ်အဂီၢ်န့ၣ်လီၤ. ပတိာ်လီၤလၢတၢ်မၤလိအပတီၢ်ကထီၣ်ဘးဆူ(၁၂)န့ၣ်လီၤ.
လံာ်ညိၣ်သိၣ်ဒိၣ်ကမံးတံာ်ဆၣ်ဘၣ်မူဘၣ်ဒါတဖၣ်. ပှၤဟ့ၣ်ကူၣ်တၢ်တဖၣ်.
- ၁. သရၣ်ဒိၣ် Dr.လၢၢ်ထူ,
- ၂. သရၣ်ဒိၣ်ဆၣ်မူ
- ၃. သရၣ်ဒိၣ်ထံဂ့ၤ,
- ၄. သရၣ်ဒိၣ်လၢၢ်မူမၣ်တ့ၣ်
- ၅. သးပှၢ်ဝ့နၢၣ်,
- ၆. သရၣ်မုၣ် Dr.ဆၣ်ၡံ(ကီၢ်လါ)
- ၇. သရၣ်မုၣ်နံထၣ်(ကီၢ်လါ),
- ၈. သရၣ်အဲၣ်ကလုာ်ထူ(ကီၢ်လါ)
- ၉. သရၣ်မုၣ်သွဲလၣ်ထူ(ကီၢ်လါ)
- ပှၤပၢၤလီၢ်ဆ့ၣ်နီၤ. သရၣ်ဒိၣ်လၢၢ်မူမၣ်တ့ၣ်
- ပှၤကွဲးလံာ် (၁) သရၣ်အဲၣ်ဒိၣ်ဝါ(ကညီကျိာ်)
- ပှၤကွဲးလံာ် (၂) သရၣ်မုၣ်ထူထူ (ကိၤလၤဝါကျိာ်)
ကမံးတံာ်ဆၣ်ပှၤမၤတၢ်ဖိတဖၣ်
- (၁) ခီၣ်ဖၠူထၢၣ်မူဒါခိၣ် သရၣ်အဲၣ်ဒိၣ်ထူ
- (၂) ပှၤကွဲးထါမူဒါခိၣ် သရၣ်မုၣ်ဆၢခုၣ်
- (၃) တၢ်သးဝံၣ်မူဒါခိၣ် သရၣ်အဲၣ်လၢာ်သး
- (၄) Teachers’Training ကၠိခိၣ် Dr.အဲၣ်လ့တီ
- (၅) Bloom မူဒါခိၣ် သရၣ်ထြူမဲ
- (၆) ထုးထီၣ်ရၤလီၤလံာ်ညိၣ်သိၣ်ဒိၣ်ဒီးတၢ်သိၣ်လိပိးလီ သရၣ်ဒိၣ်န့ၣ်လ့ထိ
- (၇) အဲးဒ့းထၢၣ်မူဒါခိၣ် သရၣ်မုၣ်နီဒိၣ်
- (၈) ကျိၣ်စ့မူဒါခိၣ် သရၣ်ဒိၣ်နိနိၣ်
မူဒါခိၣ်(၈)ဂၤအံၤအိၣ်ဒီးပှၤမၤသကိးတၢ်ဖိ(၅)ဂၤစုာ်စုာ်လီၤ. လံာ်ညိၣ်သိၣ်ဒိၣ်ပှၤမၤသကိးတၢ်ခဲလၢာ်(၄၆)ဂၤ ကမံးတံာ်ဆၣ်တဖုအံၤထံၣ်လိာ်အိၣ်သကိးလၢ(Zoom)တနံၣ်အစှၤကတၢၢ်(၅)ဘျီ ဒ်အလီၢ်အိၣ်ဝဲအသိးလီၤ. (ဆ) တနံၣ်အံၤပထုးထီၣ်စူးကါဘၣ်ပလံာ်လဲၢ်ဒီးတၢ်ဆဲးတၢ်လၤဝဲၤကျိၤအ(logo)လီၤ.ပှၤသုးကျဲၤထုးထီၣ်န့ၢ်ပှၤမ့ၢ် သရၣ်ဒိၣ်ဧိၤသန့လး(ဝဲၤကျိၤပှၤပၢၤလီၢ်ဆ့ၣ်နီၤ)န့ၣ်လီၤ. ပှၤကိးဂၤဒဲးဘၣ်သူၣ်ဘၣ်သးအဃိပပာ်ဂၢၢ်ပာ်ကျၢၤအီၤ ဒီးပစူးကါစ့ၢ်ကီးဆူညါဒ်အလီၢ်အိၣ်အသိးလီၤ. ဒ်န့ၣ်အသိးပပာ်ပနီၣ်စူး ကါစ့ၢ်ကီးပလံာ်ခိၣ်တီ(Letterhead) ဒၣ်ပဝဲလၢပကစူးကါအီၤဒ်အလီၢ်အိၣ်အသိးလီၤ.
၆. ၂ဝ၂၁နံၣ်(က) တနံၣ်အံၤတၢ်ကတိၤသီလီၤဘၢပဃုထၢလံာ်ဖျၢၣ်မိၢ်ပှၢ်လၢတၢ်ဒိးစဲးအဂီၢ်(က-ၡ)တၢ်ကတိၤသီ လီၤဘၢအတၢ်ဒိးစဲးပှၤန့ၢ်ခိၣ်ဖးတဖၣ်
- ၁. စီၤကပီၤမူ, မုၢ်နုာ်ခၢၣ်သးကလံၤစိးကဝီၤ, ဝၣ်သ့ၣ်တၢၣ်ကညီဘျၢထံခရံာ်တၢ်အိၣ်ဖှိၣ်
- ၂.နီၢ်ဟဲန့ၢ်မူ, ခၢၣ်သးကလံၤစိးကဝီၤ, Denver ကညီဘျၢထံခရံာ်တၢ်အိၣ်ဖှိၣ်
- ၃.နီၢ်သဒါဖီ, မုၢ်နုာ်ခၢၣ်သးကလံၤစိးကဝီၤ, အ့ဘ့ၤန့စၢ်ကညီဘျၢထံခရံာ်ဖိတၢ်အိၣ်ဖှိၣ်
(ခ) ပဒုးအိၣ်ထီၣ်ဘၣ်လံာ်ညိၣ်သိၣ်ဒိၣ်အပတီၢ်(၁)လၢဖိသၣ်အဂီၢ်, ခီဖျိလၢလံာ်ညိၣ်သိၣ်ဒိၣ်ကမံးတံာ်ဆၣ်တဖု, ဝဲၤ ကျိၤဘၣ်မူဘၣ်ဒါတနီၤအတၢ်ပာ်ဖှိၣ်မၤသကိးတၢ်ဃုာ်ဒီးကျိာ်ဂ့ၢ်ပီညါ(Technician – သရၣ်မုၣ် ဆၣ်ၡံ, သရၣ်အဲၣ် က လုာ်ထူ, သရၣ်မုၣ်သွဲလၣ်ထူ)လၢကီၢ်လါဒီးပှၤကညီဘျၢထံခဝ့ၡၢၣ်, သရၣ်မုၣ်နံထၣ်တဖၣ်န့ၣ်လီၤ.
(ဂ) တၢ်သိၣ်လိလံာ်ညိၣ်သိၣ်ဒိၣ်အပတီၢ်(၁)အဂီၢ် ပဒုးအိၣ်ထီၣ်(TOT)တၢ်သ့ကဲကၠိသရၣ်သိၣ်လိ ကညီ ကျိာ် အတၢ်မၤလိလၢ(Zoom) လီၤ. ပှၤဟ့ၣ်တၢ်မၤလိမ့ၢ်သရၣ်မုၣ် Dr.ဆၣ်ၡံ စးထီၣ် ဖဲ(၅/၁ဝ/၂ဝ၂၁- ၆/၂၅/၂ဝ၂၁)ခံလါတၢ်မၤလိအိၣ်ဃုာ်ဒီး Practice, demonstrative, သ့ၣ်တဖၣ်လီၤ. ပှၤထီၣ်တၢ်မၤလိအံၤ (TOT) အဆိကတၢၢ်တဖု.
- ၁. သရၣ်ဒိၣ်လၢၢ်မူမၣ်တ့ၣ်,
- ၂. သရၣ်ဒိၣ်ဘီဘီ,
- ၃. သရၣ်ဒ့ၣ်ဖိစ့
- ၄. သရၣ်အဲၣ်သ့,
- ၅. သရၣ်မုၣ်ကပီၤထူ,
- ၆. သရၣ်မုၣ်ကြံနၣ်
- ၇. သရၣ်မုၣ်ဘျဲၣ်ထူ,
- ၈. သရၣ်မုၣ်နီဒိၣ်,
- ၉. သရၣ်ဒိၣ် Dr. လၢၢ်ထူ
- ၁ဝ.သရၣ်ဒိၣ်ဆၣ်ထွဲ,
- ၁၁.သရၣ်မုၣ်အဲၣ်ဘံနၣ်ထူ တဖၣ်န့ၣ်လီၤ.
မူဒါလၢတၢ်ဟံးန့ၢ်တၢ်သိၣ်လိအကျိၤအကျဲ
- ၁. သရၣ်ဒိၣ်လၢၢ်မူမၣ်တ့ၣ် (The characteristic of a good teacher, သရၣ်လၢအဂ့ၤတဂၤအတၢ်သကဲာ်ပဝး)
- ၂. သရၣ်ဒိၣ်ဘီဘီ (Literacy wheel, Good bridge/Bad bridge, Sequence pictures) လံာ်လဲၢ်အလ့ၣ်ပၣ်, လံာ်လဲၢ်အတိၤဂ့ၤ/ဟးဂီၤ, တၢ်တဲရဲၣ်လီၤ.
- ၃. သရၣ်ဒ့ၣ်ဖိစ့ (Experience Story တၢ်လဲၤခီဖျိတၢ်တဲ)
- ၄. သရၣ်အဲၣ်သ့ (Brick house, hut) ဟံၣ်တၢး, ဒဲဖိ, လံာ်ညိၣ်သိၣ်ဒိၣ်အပတီၢ် ၁, အက့ၢ်အဂီၤဒီးတၢ် သိၣ်လိပိးလီတဖၣ်.
- ၅. သရၣ်မုၣ်ကပီၤထူ (Busy Picture တၢ်ဂီၤဖှိၣ်ဘ့ၣ်ဒိၣ်)
- ၆. သရၣ်မုၣ်ကြံနၣ် (Listening story တၢ်ဒိကနၣ်တၢ်တဲ)
- ၇.သရၣ်မုၣ်ဘျဲၣ်ထူ (Daily lesson plan, Pre-test/Post-test) တၢ်သိၣ်လိရဲၣ်ကျဲၤ, တၢ်ဒိးစဲးဆိ/တၢ်ဒိးစဲးလၢခံ တၢ်သမံသမိးဒီတနံၣ်တၢ်မၤလိကညီကျိာ်အပတီၢ် ၁, ဖိသၣ်
- ၈.သရၣ်မုၣ်နီဒိၣ် (Total Physical Responds (TPR))
- ၉.သရၣ်မုၣ်အဲၣ်ဘံနၣ်ထူ (Class management တၢ်ပၢဆှၢတီၤဒၢး)
- ၁ဝ.သရၣ်ဒိၣ်ဆၣ်ထွဲ (Music တၢ်သးဝံၣ်)
- ၁၁.သရၣ်ဒိၣ် Dr.လၢၢ်ထူဟဲထီၣ်တၢ်မၤလိလၢပသကိးဟံးစုနဲၣ်ကျဲပှၤတုၤတၢ်သိၣ်လိဝံၤတစုလီၤ.
တၢ်ထီၣ် (TOT) တဘျီအံၤအဂီၢ်, တၢ်ဟ့ၣ်လီၤလံာ်အုၣ်သးဆူ (TOT) သရၣ်ကိးဂၤဒဲးလီၤ. လံာ်အုၣ်သးပှၤဆဲးစုမံၤ, ကီၢ်ဘၣ်မူဘၣ်ဒါ ၁. သရၣ်ဒိၣ် Dr.လၢၢ်ထူ, ၂. သရၣ်ဒိၣ်ဆၣ်မူၡံမိၣ်, ၃. သရၣ်မုၣ် Dr.ဆၣ်ၡံ
တၢ်အုၣ်ကီၤတၢ်ဂီၤ
ဃ. ပဟ့ၣ်လီၤတၢ်သ့ကဲကၠိသရၣ်သိၣ်လိကညီကျိာ်လၢအပတီၢ် ၁, တၢ်မၤလိဖဲ (အီးကထိဘၢၣ် ၁၂-၁၃သီ, ၂ဝ၂၁နံၣ်)အနံၤန့ၣ်လီၤ. တၢ်လီၢ်မ့ၢ်ဝဲ(အ့ဘ့ၤန့စၢ်ကညီဘျၢထံခရံာ်ဖိတၢ်အိၣ်ဖှိၣ်, စ့းပီ, မဲၣ်နံၣ်စိထၣ်, မုၢ်နုာ်ခၢၣ်သးကလံၤစိးကဝီၤ)လီၤ. တၢ်သိၣ်လိအံၤ, သရၣ်မုၣ်ဆၣ်ၡံ, သရၣ်မုၣ်နံထၣ်(ကီၢ်လါ)တဖၣ် ဟ့ၣ်လီၤ(Zoom)တၢ်သိၣ်လိလီၤ. မ့မ့ၢ်ပဝဲ, ပဝဲၤကျိၤ(TOT)သရၣ်တနီၤပလဲၤဟ့ၣ်လီၤလၢပနီၢ်ကစၢ် လီၤ. မ့ၢ်စ့ၢ်ကီး(KBCUSA)ကဝီၤ(၇)ကဝီၤလိာ်, တၢ်အိၣ်ဖှိၣ်ခၢၣ်စးတဂၤ, အဂီၢ်ဘၣ်ဆၣ်, ပှၤဟဲထီၣ် အနီၣ်ဂံၢ်အိၣ်ထဲ (၄၉)ဂၤလီၤ. တၢ်မၤလိအကၠိခိၣ်မ့ၢ်ဝဲသရၣ်ဒိၣ်လၢၢ်မူမၣ်တ့ၣ်လီၤ. တၢ်လၢာ်ဘူၣ်လၢာ် စ့ၤအဂီၢ်, ကီၢ်ဘၣ်တူၢ်စၢၤတနီၤ, ဝဲၤကျိၤထုးထီၣ်တူၢ်စၢၤတနီၤ, တကးဒံးဘၣ် ပအိၣ်ဒီးသရၣ်ထီၣ်တၢ် မၤလိတဖၣ်အတၢ်ဆဲးလီၤမံၤအဃိ, ပတၢ်လၢာ်ဘူၣ်လၢာ်စ့ၤခဲလၢာ် ဘၣ်ဘျီးဘၣ်ဒါဝဲလီၤ. ပဟ့ၣ်လီၤစ့ၢ် ကီးလံာ်အုၣ်သးဆူပှၤဟဲထီၣ်တၢ်မၤလိ သရၣ်/မုၣ်တဖၣ်အဂီၢ်ကိးဂၤဒဲးလီၤ. ပှၤဟံးန့ၢ်မူဒါဒီးမၤတၢ်တ ဖၣ်မ့ၢ်မုၢ်နုာ်ခၢၣ်သးကလံၤစိး လံာ်လဲၢ်ဒီးတၢ်ဆဲးတၢ်လၤဝဲၤကျိၤမံးတံာ်ဖိတဖၣ်လီၤ.
တၢ်အုၣ်ကီၤတၢ်ဂီၤတဖၣ်
၇. ၂ဝ၂၂နံၣ် (က) တနံၣ်အံၤတၢ်ကတိၤသီလီၤဘၢအဂီၢ်ပဃုထၢလံာ်ဖျၢၣ်မိၢ်ပှၢ် (ည-ဖ)လၢတၢ်ဒိးစဲးအဂီၢ် န့ၣ်လီၤ. တၢ်ကတိၤသီလီၤဘၢပှၤန့ၢ်ခိၣ်ဖးတဖၣ်
- (၁) နီၢ်ဟဲန့ၢ်မူ, Denver ကညီဘျၢထံခရံာ်ဖိတၢ်အိၣ်ဖှိၣ်, ခၢၣ်သးကလံၤစိးကဝီၤ.
- (၂) နီၢ်အ့စတၤကၠံ, ဝၣ်သ့ၣ်တၢၣ်ကညီဘျၢထံခရံာ်ဖိတၢ်အိၣ်ဖှိၣ်, မုၢ်နုာ်ကလံၤစိးခၢၣ်သးကဝီၤ
- (၃) နီၢ်သဒါဖီ, အ့ဘ့ၤန့စၢ်ကညီဘျၢထံခရံာ်ဖိတၢ်အိၣ်ဖှိၣ်, မုၢ်နုာ်ကလံၤစိးခၢၣ်သးကဝီၤ
(ခ) ခီဖျိ ၂ဝ၂၁နံၣ် လါအီကူာ်, တၢ်သ့ကဲကၠိသရၣ်တၢ်မၤလိတဘျီန့ၣ်ပထံၣ်လၢကဝီၤကိး ဘ့ၣ်ဒဲးအဂီၢ်တၢ်မၤလိတတုၤအိၣ်အဝဲသ့ၣ်ဒီးတကးဒံးဘၣ်တၢ်မၤလိအံၤတတုၤအိၣ်တၢ် အိၣ်ဖှိၣ်ကိးဖုဒဲးအဃိ, ပဒုးအိၣ်ထီၣ်က့ၤကဒီးတၢ်သ့ကဲကၠိသရၣ်သိၣ်လိကညီကျိာ်အပ တီၢ် ၁, အံၤလၢကဝီၤကိးဘ့ၣ်ဒဲးအဂီၢ်ခီဖျိ (Zoom) အတၢ်သိၣ်လိလီၤ. တကဝီၤအ သီ(၁ဝ) တၢ်မၤလိလီၤ.
(ဂ) ပဝဲၤကျိၤအိၣ်ဒီးအတၢ်တိာ်လီၤလၢပှၤကညီစှီၤဖိသၣ်လၢကီၢ်အမဲ၇ကၤပူၤခဲလၢာ်, (ပှိၢ်, စှီၤ) ဒီးတၢ်ဒူၣ်တၢ်ဆၢလၢတၢ်ဘူၣ်တၢ်ဘါတခီတအိၣ်ဘၣ်အသိး ပဒုးအိၣ်ထီၣ်ဘၣ်တၢ်သ့ကဲ ကၠိသရၣ်သိၣ်လိကညီ ကျိာ်, လံာ်ညိၣ်သိၣ်ဒိၣ်အပတီၢ် ၁, လၢပှၤတဝၢ, တၢ်အိၣ်ဖှိၣ်ဒီး ဝ့ၢ်စ့ၣ်ဖီလ် ပဒိၣ်ကၠိသရၣ်တဖၣ်အဂီၢ်တၢ် မၤလိ တၢတဘျီဖဲ ဘ့ၤသ့လးကညီဘျၢထံ တၢ်အိၣ်ဖှိၣ်, လါအီကူာ် (၁ဝ-၁၆)သီ အပူၤန့ၣ်လီၤ. ပှၤလၢအသုးကျဲၤတၢ်လၢပှၤတ ဝၢဒီးပဒိၣ်သရၣ်တဖၣ်အဂီၢ်မ့ၢ် သရၣ် Sun Shine , သရၣ် Taw Moo, ဒီးပဝဲၤကျိၤဘၣ်မူ ဘၣ်ဒါတဖၣ်န့ၣ်လီၤ. ပအိၣ်ဒီးတၢ်အိးထီၣ်တၢ်ရဲၣ်တၢ်ကျဲၤအမူးဒီး တၢ်ဟ့ၣ်လီၤလံာ်အုၣ် သး, တၢ်ပျၢ်တၢ်မၤလိအတၢ်ရဲၣ်တၢ်ကျဲၤတဖၣ်လီၤ. ပှၤထီၣ်တၢ်မၤလိသရၣ်/မုၣ်ခဲလၢာ် (၁၇)ဂၤ ဒီးပှၤသိၣ်လိတၢ်တဖၣ်, သရၣ်မုၣ်ဆၣ်ၡံ, သရၣ်မုၣ်နံထၣ်ခီဖျိ(Zoom) ဒီးပှၤ ဂုၤဂၤဒ်အမ့ၢ်တၢ်သိၣ်လိကၠိခိၣ်သရၣ် Dr. Eh Lay Taw, သရၣ်မုၣ်ဘျဲၣ်ထူ, သရၣ်မုၣ်ကပီၤ ထူ, သရၣ်မုၣ်ကြံနၣ်, သရၣ်မုၣ်အဲလ်ဘံနၣ်ထူ, တဖၣ်လီၤ. လၢတၢ်မၤလိတဘျီအံၤပ န့ၢ်ဘၣ်တၢ်ကတိၤဟ့ၣ်ဂံၢ်ဟ့ၣ်ဘါဒီးတၢ်ကတိၤဆီၣ်ထွဲ လၢတၢ်ကတိၤဆၢဂ့ၤဆၢဝါခီဖျိ KBCUSA ပှၤပၢၤလီၢ်ဆ့ၣ်နီၤ, သရၣ်ဒိၣ်ဆၣ်မူစ့ၢ်ကီးလီၤ.
တၢ်ဂီၤလၢတၢ်အုၣ်ကီၤတဖၣ်အဂီၢ်
လံာ်လဲၢ်တၢ်ဆဲးတၢ်လၤတၢ်ဘူၣ်တၢ်ဘါတၢ်ရဲၣ်တၢ်ကျဲၤ
- ပှၤပၢၤလီၢ်ဆ့ၣ်နီၤ သရၣ်ဒိၣ်ဧိၤသန့လး
- အိးထီၣ်လၢတၢ်ထုကဖၣ် သရၣ်ဒိၣ်ဆၣ်မူၡံမိၣ်
- တၢ်ကတိၤဆၢဂ့ၤ သရၣ် Hsa June Dyan
- သရၣ်မုၣ်လါကပြုၢ်ဖီ (Karen Parents Advising Council),Special Guest- Dr. Schilt Megan
- တၢ်ဟ့ၣ်လီၤလံာ်အုၣ်သး
- တၢ်ထုကဖၣ်အလၢအပှဲၤ Dr. Eh Lay Taw
- တၢ်ကတိၤဟ့ၣ်ဂံၢ်ဟ့ၣ်ဘါ သရၣ်ဒိၣ်ဆၣ်မူၡံမိၣ်
- တၢ်ထုကဖၣ်လၢခံ သရၣ်မုၣ်ကပီၤထူ
- တၢ်ကတိၤစံးဘျုး သရၣ်မုၣ်ဘျဲၣ်ထူ, သရၣ် Sun Shine
- တၢ်သးဝံၣ်ပျၢ်
- တၢ်ဆိၣ်ဂ့ၤပျၢ် သရၣ်ဒိၣ်ဟိၤသန့လး
(ဃ) နံၣ်ကတၢၢ်တၢ်အိၣ်ဖှိၣ်ကတီၢ်ပအိၣ်ဒီးဃံာ်ဃိး, ဝဲၤကျိၤမီထိၣ်တၢ်သးဝံၣ်ပြၢ
- ပှၤမၤန့ၢ်ခိၣ်ဖး ၁. ခၢၣ်သးကလံၤထံးကဝီၤ
- ခိၣ်ဖး ၂. ခၢၣ်သးကလံၤစိးကဝီၤ
- ခိၣ်ဖး ၃. မုၢ်နုာ်ခၢၣ်သးကလံၤစိးကဝီၤန့ၣ်လီၤ.
ဒ်န့ၣ်အသိးစံၣ်ညီၣ်ကွီၢ်တဖၣ်ဃုထၢလီၤဆီ, စိၣ်ဖြဲနိၣ်, အဲလ်ထိၣ်, ထဲနၣ်, ဘ့းစ် ပှၤသးဝံၣ်တၢ်စဲၣ်နီၣ်စ့ၢ်ကီးလီၤ.
- တၢ်သးဝံၣ်ခိၣ်တီ “ဟံးဃာ်တၢ်အိၣ်ဒီးနၤ. လီၣ် ၃း၁၁”
- ပှၤထုးထီၣ်တၢ်သးဝံၣ် သရၣ်ဒိၣ်ယွၤသူနံလ်မူ(ကီၢ်လါ)
တၢ်ဂီၤလၢတၢ်အုၣ်ကီၤတဖၣ်အဂီၢ်
၈. ၂ဝ၂၃နံၣ် တနံၣ်အံၤပဃုထၢတၢ်ကတိၤသီလီၤဘၢတၢ်ဒိးစဲးအဂီၢ် လံာ်ဖျၢၣ်မိၢ်ပှၢ် (ဘ-ဧ)န့ၣ်လီၤ. (က) တၢ်ကတိၤသီလီၤဘၢလၢပှၤမၤန့ၢ်ခိၣ်ဖးတဖၣ် ခိၣ်ဖး ၁. နီၢ်သဘျ့ထူ, Denver ကညီဘျၢထံခရံာ်ဖိတၢ်အိၣ်ဖှိၣ်, ခၢၣ်သးကလံၤထံးကဝီၤ ခိၣ်ဖး ၂. နီၢ်တၢ်မျၢ်, ကညီဘျၢထံခရံာ်ဖိတၢ်အိၣ်ဖှိၣ် KNBC, မုၢ်နုာ်ကလံၤစိးခၢၣ်သးကဝီၤ ခိၣ်ဖး ၃. နီၢ်ဟဲန့ၢ်မူ, Denver ကညီဘျၢထံခရံာ်ဖိတၢ်အိၣ်ဖှိၣ်, ခၢၣ်သးကလံၤစိးကဝီၤ
တနံၣ်အံၤပဟ့ၣ်ဃုာ်ခိၣ်ဖးလၢပှၤဒိးစဲးအဖီးအါကတၢၢ်လၢကဝီၤဒၣ်ဝဲအပူၤဒ်အမ့ၢ်ခိၣ်ဖးမုာ်သးအဃိပှၤမၤန့ၢ်ခိၣ်ဖးမုာ် သး, ၁.နီၢ်သဒါဖီ, အ့ဘ့ၤန့စၢ်ကညီဘျၢထံခရံာ်ဖိတၢ်အိၣ်ဖှိၣ်, မုၢ်နုာ်ခၢၣ်သးကလံၤစိးကဝီၤ ၂.နီၢ်တနီၤ, စံယိၣ်ကညီဘျၢထံခရံာ်ဖိတၢ်အိၣ်ဖှိၣ်, ခၢၣ်သးကလံၤစိးကဝီၤ
(ခ) တနံၣ်အံၤပဝဲၤကျိၤပကွဲမုာ်သရၣ်ဒိၣ် Dr.သီကၠံၣ်လၢကဟံးန့ၢ်တၢ်ဆၢကတီၢ်လၢကတဲဖျါထီၣ်ဘၣ်ဃးအပှၤ ကလုာ်, အဂံၢ်ထံး, အမံၤ, အတၢ်ဟဲလီၤစၢၤလီၤသွဲၣ်အဂ့ၢ်ဒီးဒ်အဝဲအတၢ်သးအိၣ် ဟ့ၣ်ခီဟ့ၣ် နီၤပှၤအသိးအဃိဖဲ (၆-၉-၂ဝ၂၃) အနံၤလၢဟါကတီၢ် ပထီၣ်ဘၣ်တၢ်မၤလိလၢ, (Zoom) ပူၤဒီးပှၤဟဲထီၣ်ခဲလၢာ် (၄၈)ဂၤန့ၣ်လီၤ. တၢ်ဂ့ၢ်လၢသရၣ်ဒိၣ်ဒီကထၢၣ်ဃုထၢစံးက တိၤတၢ်အခိၣ်တီမ့ၢ်, “ကညီ, ဂံၢ်ထံး, ဆဲးလၤဒီးမူဒါ” (The Origin, Culture, and Responsibility of the Karen) န့ၣ်လီၤ. တၢ်အုၣ်ကီၤတဖၣ်
(ဂ) ၂ဝ၂၃ ကီၢ်နံၣ်ကတၢၢ်တၢ်အိၣ်ဖှိၣ်ကဝီၤလၢအဘၣ်တူၢ်လိာ်တၢ်အိၣ်ဖှိၣ်ကဘၣ်ဟံးန့ၢ်တၢ်ဆဲးတၢ်လၤအတၢ် ပာ်ဖျါဖဲမူးသးဖှံအကတီၢ်လီၤ.တၢ်ပာ်ဖျါဖဲမူးသးဖှံအကတီၢ်အံၤပအိၣ်ဒီးစံၣ်ညီၣ်ကွီၢ်တဖၣ်လၢအဟံးန့ၢ်မူဒါဒီးဟ့ၣ်အ ဖီးဒ်ပဝဲၤကျိၤပာ်လီၤတၢ်ဘျၢသနူအသိးလီၤ.အဖီးပာ်ဖှိၣ်ခဲလၢာ်ကပာ်ဖှိၣ်က့ၤအီၤလၢနွံနံၣ်အကတၢၢ်ဒီးကဝီၤလၢအမၤ န့ၢ်အဖီးအါကတၢၢ် ပဝဲၤကျိၤက ဟ့ၣ်တၢ်လၤကပီၤဒ်အလီၢ်အိၣ်ဝဲအသိးလီၤ. တၢ်ရဲၣ်တၢ်ကျဲၤအံၤအဖီခိၣ် ကဝီၤ ဟံးန့ၢ်မူဒါအဆိက တၢၢ်မ့ၢ်ဝဲ “မုၢ်နုာ်ခၢၣ်သးကလံၤထံးကဝီၤ” လီၤ.
တၢ်ဂီၤလၢတၢ်အုၣ်ကီၤတဖၣ်အဂီၢ်
(ဃ) လံာ်ညိၣ်သိၣ်ဒိၣ်ကမံးတံာ်ဆၣ်ဟံးက့ၤမူဒါလၢလံာ်ညိၣ်သိၣ်ဒိၣ်အစ့ခဲလၢာ်ကအိၣ်က့ၤလၢခၢၣ်သးက လံၤစိး ကဝီၤ, Denver ကညီဘျၢထံခရံာ်ဖိတၢ်အိၣ်ဖှိၣ်အပူၤအိၣ်ဒီးအစ့ခိၣ်တီ ဘၣ်ဃးဒီးဝဲၤကျိၤခီဖျိ
(၁) သရၣ်ဒိၣ်လၢၢ်မူမၣ်တ့ၣ်(KBCUSA နဲၣ်ရွဲၣ်၂, လံာ်ညိၣ်သိၣ်ဒိၣ်အကမံးတံာ်ဆၣ်ပှၤပၢၤလီၢ်ဆ့ၣ်နီၤ)
(၂) သရၣ်မုၣ်ကပီၤထူ, Denver တၢ်အိၣ်ဖှိၣ်နဲၣ်ရွဲၣ်, လံာ်လဲၢ်ဒီးတၢ်ဆဲးတၢ်လၤဝဲၤကျိၤပှၤနဲၣ် တၢ်သဃဲၤ, မ့ၢ်ဒ်သိး လံာ် ညိၣ်သိၣ်ဒိၣ် အဂီၢ်, တၢ်ထုးထီၣ်စူးကါစ့ကညီအဂီၢ်ဒ်အလီၢ်အိၣ် ဝဲအသိးန့ၣ်လီၤ. ကီၢ် EC ကမံးတံာ်ဟ့ၣ်တၢ်ပျဲလၢပတိၢ်အံၤမ့ၢ်အါထီၣ်မုၢ်အိၣ်ဝဲတနံၤပကသုးကျဲၤ က့ၤအီၤဒ် EC ကမံးတံာ်တၢ်ဆၢ တဲာ် က အိၣ် ထီၣ်ဝဲအသိးန့ၣ်လီၤ.
တၢ်စူးကါလံာ်ညိၣ်သိၣ်ဒိၣ်အစ့လၢ
- (၁) သရၣ်ဒိၣ်လၢၢ်မူမၣ်တ့ၣ်
- (၂) သရၣ်ဒိၣ်ဘီဘီ
- (၃) သရၣ်မုၣ်ကပီၤထူ
အဝဲသ့ၣ်ဘၣ်ထီၣ်တၢ်မၤလိလွံၢ်နံၣ်လၢကမၤသကိးတၢ်ဒီးလံာ်လဲၢ်ဒီးတၢ်ဆဲးတၢ်လၤဝဲၤကျိၤအပူၤဖဲတၢ်ရဲၣ်တၢ်ကျဲၤမ့ၢ် အိၣ်ထီၣ်ဝဲတမံၤဂ့ၤတမံၤဂ့ၤအဂီၢ်န့ၣ်လီၤ. မ့ၢ်လၢ လံာ်လဲၢ်ဒီးပှၤမၤသကိးတၢ်တဖၣ်ကြၢးအိၣ် ဒီးအတၢ် ကူၣ်ဘၣ် ကူၣ်သ့ဘၣ်ဃးမံၤလၤဒိၣ် လၢကညီကျိာ်တၢ်မၤလိအလံာ်အုၣ်သးလၢကီၢ်အမဲရကၤအပူၤအံၤဒ်သိးကဘၣ်တၢ်ပာ်ပ နီၣ်အီၤလၢကလုာ်ဂၤအမဲာ်ညါန့ၣ်လီၤ.
(၁)ဝဲၤကျိၤဒီးကဝီၤ(၇)ကဝီၤပာ်ဖှိၣ်သးဆှၢပှၤကၠိဖိထီၣ်(Linguistic) ဖဲကၠီၣ်တဲၣ်ခံဂၤဒ်သိးက မၤသကိးတၢ်ဒီး လံာ်ညိၣ်သိၣ်ဒိၣ်အပတီၢ်(၁-၁၂)ဒ် (Technician) သ့ၣ်တဖၣ်အသိးလီၤ. တၢ်မၤလိမ့ၢ်(၄)နံၣ်အတၢ်မၤလိလၢ ကန့ၢ်ဘၣ် (Master in Linguistic) အဂီၢ်န့ၣ်လီၤ. တၢ်အုၣ်ကီၤအ (CV Form) လၢပှၤကၠိဖိခံဂၤ
တၢ်ဂီၤလၢတၢ်အုၣ်ကီၤတဖၣ်အဂီၢ်
(င) တနံၣ်အံၤ, ဝဲၤကျိၤပှၤနဲၣ်တၢ်သရၣ်မုၣ်ဘျဲၣ်ထူဒီးလံာ်ညိၣ်သိၣ်ဒိၣ်ကမံးတံာ်ဆၣ် ပှၤပၢၤလီၢ် ဆ့ၣ်နီၤသရၣ်ဒိၣ်လၢၢ်မူမၣ်တ့ၣ်လဲၤဆူကီၢ်ကၠီၣ်တဲၣ်လၢ “ဟီၣ်ခိၣ်ဒီဖျၢၣ်ကညီဘျၢထံတၢ်ရ့လိာ် မုာ်လိာ်ကမျၢၢ်တၢ်အိၣ်ဖှိၣ်(၁၃)ဘျီတဘျီ” ဃုာ်ဒီးကီၢ်ဘၣ်မူဘၣ်ဒါတနီၤ ဖဲလါစဲးပထ့ဘၢၣ် (၂၈)သီတုၤလါနိၣ်ဝ့ဘၢၣ်(၂)သီအနံၤဒ်ကီၢ်ခၢၣ်စးတဖၣ်အသိးလီၤ. ပှၤနဲၣ်တၢ်ပာ်ဖျါထီၣ်ဘၣ်ဃး The Importance of Language and Culture maintenance ဖဲတၢ်အိၣ်ဖှိၣ်တဘျီအံၤခီဖျိ KBCUSA နဲၣ်ရွဲၣ်တၢ, သရၣ်ဒိၣ်လၢၢ်ထူအတၢ် ဟ့ၣ်တၢ်ခွဲးတၢ်ယာ်အဃိန့ၣ်လီၤ. ထံၣ်လိာ်သးဒီးလံာ်ညိၣ်သိၣ်ဒိၣ်ပှၤမၤသကိးတၢ်တနီၤလီၤ.
တၢ်ဂီၤလၢတၢ်အုၣ်ကီၤတဖၣ်အဂီၢ်
(စ) တနံၣ်အံၤပဝဲၤကျိၤပမၤသကိးဘၣ်တၢ်ဒီး (KBCC) ကီၢ်ခဲနဒၣ်သရၣ်/မုၣ်ဘၣ်မူဘၣ်ဒါလၢတၢ်သိၣ်လိ ကညီကျိာ်တဖၣ်လီၤ.ဒ်ကီၢ်ခဲနဒၣ်နဲၣ်ရွဲၣ်အတၢ်ပတံထီၣ်အသိးကီၢ် EC ကမံးတံာ်ဆၢတဲာ်န့ၢ်ပှၤလၢပက မၤသကိးဘၣ်တၢ်ဒီးအဝဲသ့ၣ်လၢတၢ်သိၣ်လိကညီကျိာ်ဒ် လံာ်ညိၣ်သိၣ်ဒိၣ်ကျိၤကျဲအိၣ်အသိးအဃိပဟ့ၣ် လီၤဘၣ်တၢ်သ့ကဲကၠိသရၣ်သိၣ်လိကညီကျိာ်အပတီၢ် ၁, တၢ်မၤလိဂ့ၤဂ့ၤဘၣ်ဘၣ်ဖဲ (၂ဝ၂၃, လါနိၣ်ဝ့ဘၢၣ် ၂၃သီ တုၤ လါအီးကထိဘၢၣ် ၃သီ)အသီ(၁ဝ) အတၢ်မၤလိခီဖျိ (Zoom) န့ၣ်လီၤ.
သရၣ်သိၣ်လိတၢ်တဖၣ်မ့ၢ်ဝဲ,
- ၁. သရၣ်ဒိၣ်လၢၢ်မူမၣ်တ့ၣ်
- ၂. သရၣ်ဒိၣ်ဆၣ်ထွဲ
- ၃. သရၣ်ဒိၣ်ဘီဘီ
- ၄. သရၣ်အဲၣ်သ့
- ၅. သရၣ်မုၣ်ဆၣ်ၡံ (ကီၢ်ကၠီၣ်တဲၣ်)
- ၆. သရၣ်မုၣ်နံထၣ် (ကီၢ်လါ)
- ၇. သရၣ်မုၣ်ဘျဲၣ်ထူ
- ၈. သရၣ်မုၣ်ကပီၤထူ
- ၉. သရၣ်မုၣ်နီဒိၣ်
- ၁ဝ. သရၣ်မုၣ်အဲလ်လံနၣ်ထူ
- ၁၁. သရၣ်မုၣ်ထူထူ
- ၁၂. သရၣ်မုၣ်ကြံနၣ် တဖၣ်လီၤ.
သရၣ်/မုၣ်ထီၣ်တၢ်မၤလိခဲလၢာ်အိၣ်(၄၁)ဂၤလၢတၢ်အိၣ်ဖှိၣ်(၁၂)ဖိှၣ်အပူၤလီၤ. ပမၤသကိး တၢ်ဒ်ပလံာ်ညိၣ် သိၣ်ဒိၣ်အတၢ်သိၣ်လိကျိၤကျဲအိၣ်အသိးတကးဒံးဘၣ်အဝဲသ့ၣ်ပှ့ၤန့ၢ်တၢ်သိၣ် လိအပိးလီလၢပလံာ်ညိၣ်သိၣ်ဒိၣ် ထုးထီၣ်ရၤလီၤဝဲတဖၣ်စ့ၢ်ကီးလီၤ. မ့ၢ်လၢပကီၢ်အမဲရကၤဒီးကီၢ်ခဲနဒၣ်ခံဘ့ၣ်အံၤတၢ်အိၣ်သးလၢဖိသၣ်သ့ၣ်တ ဖၣ်အဂီၢ်မ့ၢ်ဂ့ၤ, ထံကီၢ်အတၢ်အီၣ်တၢ်အီ, တၢ်ဂိၢ်, တၢ်ခုၣ်, မူခိၣ်မူလိၤလီၤပလိာ်တဒိးကွဲဘၣ်အဃိစ့ၢ်ကီးလီၤ.
အဂ့ၢ်ဒ်အံၤ, ဖဲ (၈.၂၈.၂ဝ၂၃) အနံၤ (7:30 p.m. Central time) အဆၢကတီၢ်ပအိၣ်ဒီးတၢ် ထံၣ်လိာ်သးခီဖျိ (Zoom) လီၤ. တၢ်အခိၣ်တီမ့ၢ်ဝဲ “KBCC Literacy and Culture’s awareness Raising meeting (Zoom)” ကီၢ်ခဲနဒၣ်ကညီဘျၢထံခရံာ်ဖိ လံာ်လဲၢ်ဒီးတၢ်ဆဲး တၢ်လၤ, တၢ်အိးထီၣ်မဲာ်, အတၢ်ထံၣ် လိာ် အိၣ်သကိးခီဖျိ (စူမ်) န့ၣ်လီၤ.
တၢ်ရဲၣ်လီၤကျဲၤလီၤတဘျီအံၤ
- ၁.ပှၤပၢၤလီၢ်ဆ့ၣ်နီၤ- သရၣ်မုၣ်ဘျဲၣ်ထူ (KBCUSA)
- ၂.တၢ်ထုကဖၣ်အိးထီၣ်- သရၣ်မုၣ်ဆၣ်ဟ့ၣ် (KBCC)
- ၃.တၢ်ကတိၤဆၢဂ့ၤဆၢဝါတူၢ်လိာ်-သရၣ်ဒိၣ်လၢၢ်မူမၣ်တ့ၣ်(KBCUSA, နဲၣ်ရွဲၣ်-၂)
တၢ်မၤမိၢ်ပှၢ်မ့ၢ်, ၁.တၢ်ဃုထံတၢ်မၤ, ၂.တၢ်ထုးထီၣ်လံာ်လဲၢ်တၢ်မၤ, ၃.တၢ်ဆီလီၤတၢ်ရဲၣ်တၢ်ကျဲၤတဖၣ်လီၤ. သရၣ်မုၣ်ဆၣ်ၡံတီခိၣ်ရိၣ်မဲလၢတၢ်ကတိၤသကိးဘၣ်ဃးတၢ်မၤမိၢ်ပှၢ်(၃)မံၤ
- (၁)တၢ်မုၢ်လၢ်ကွၢ်စိမ့ၢ်တၢ်မနုၤလဲၣ်
- (၂)တၢ်သံကွၢ်တၢ်စံးဆၢလၢပှၤဟဲထီၣ်တဖၣ်
- (၃)တၢ်ခံကွၢ်စီၤကွၢ် (KBCC) ကျိာ်အတၢ်အိၣ်သး
(KBCC) သရၣ်/မုၣ်ဟဲထီၣ်တၢ်မၤလိအါတက့ၢ်ဘၣ်သးအိၣ်လၢအပတီၢ် ၁, လီၤ.ဒီးတနီၤအပတီၢ် ၂, လီၤ.
(ဆ) တနံၣ်အံၤမုၢ်နုာ်ခၢၣ်သးကလံၤစိးကဝီၤ, လံာ်လဲၢ်ဒီးတၢ်ဆဲးတၢ်လၤဝဲၤကျိၤပတံထီၣ် လၢကအိး ထီၣ်တၢ်သ့ကဲကၠိသရၣ်အတၢ်မၤလိ, လံာ်ညိၣ်သိၣ်ဒိၣ်အပတီၢ် ၁, လၢမဲာ်သကိးမဲာ် ဖဲဝ့ၢ်စ့ၣ်ဖီလ်(၁ဝ-၂၇, ၂၈-၂ဝ၂၃)အနံၤ, ခံသီတၢ်မၤလိ, အ့ဘ့ၤန့စၢ်ကညီဘျၢထံခရံာ်ဖိတၢ် အိၣ်ဖှိၣ်န့ၣ်လီၤ. ဖဲတၢ်ထီၣ်တၢ်မၤလိတဘျီအံၤ, ပဃုထၢအါထီၣ်ဘၣ် (TOT) သရၣ်(၈) ဂၤ လၢကမၤသကိးတၢ်ဒီးပှၤလၢကီၢ်လံာ်လဲၢ်ဒီးတၢ်ဆဲးတၢ်လၤဝဲၤကျိၤလၢကဟံးထီၣ်ဖီၣ်ထီၣ်တၢ် မၤတပယူာ်ဃီလၢတၢ်ဟ့ၣ်တၢ်သိၣ်လိဘၣ်ဃးတၢ်သ့ကဲကၠိသရၣ်သိၣ်လိကညီကျိာ်စးထီၣ်အပ တီၢ် ၁, ဒီးဆူညါကွ့ၢ်ကွ့ၢ်အဂီၢ်လီၤ. ပှၤဟဲထီၣ်တၢ်မၤလိခဲလၢာ်အိၣ်(၅၄) ဂၤဒီးပဟ့ၣ်လီၤ ဘၣ်လံာ်အုၣ်သးစ့ၢ်ကီးလီၤ.
- ၁. သရၣ်မုၣ်ဆၣ်ၡံ (Zoom)
- ၂. သရၣ်မုၣ်ကပီၤထူ
- ၃. သရၣ်မုၣ်နီဒိၣ်
- ၄. သရၣ်မုၣ်ဘျဲၣ်ထူ
- ၅. သရၣ်မုၣ်နံထၣ် (Zoom) တဖၣ်လီၤ.
၉. ၂ဝ၂၄ နံၣ်ခီၣ်ထံးအံၤပထုးထီၣ်ဘၣ်ပလံာ်ညိၣ်သိၣ်ဒိၣ်အပတီၢ် ၂, ခီဖျိ (Technicians) သ့ၣ်တဖၣ်ဒီးပ ဝဲ (TOT) သရၣ်/မုၣ်တဖၣ်အတၢ်မၤသကိးတၢ်အပူၤန့ၣ်လီၤ. လၢစှၤလါအတီၢ်ပူၤပကအိးထီၣ်ဘၣ်တၢ် သ့ကဲကၠိသရၣ်သိၣ်လိကညီကျိာ်အပတီၢ် ၂, လၢပ(KBCUSA) ကဝီၤ (၇)ကဝီၤလိာ်အပူၤဒီး(KBCC) အဂီၢ်စ့ၢ်ကီးလီၤ.
ပအိၣ်ဒီးပဝဲၤကျိၤအတၢ်ဆီလီၤပာ်လီၤ, အတၢ်ရဲၣ်တၢ်ကျဲၤတဖၣ်လၢပကရၢမိၢ်ပှၢ်အတၢ်ဟံးစုနဲၣ်ကျဲအအပူၤ လၢပကလဲၤကဒီးတၢ်ဆူညါန့ၣ်လီၤ.
တၢ်ကတိၤလၢခံ
မ့ၢ်လၢကစၢ်ယွၤအဘျုးအတၢ်ဆိၣ်ဂ့ၤအဃိပကွဲးဘၣ်ပလံာ်လဲၢ်ဒီးတၢ်ဆဲးတၢ်လၤဝဲၤကျိၤအတၢ်စံၣ်စိၤ တဲစိၤအခီၣ်ထံးတပတီၢ်စးထီၣ်ဖဲဝဲၤကျိၤစးထီၣ်အဂ့ၢ်တုၤလၢဆၢကတီၢ်အံၤအပူၤန့ၣ်လီၤ.ဒ်ပပာ်ဖျါထီၣ်ပတၢ်ဟူး တၢ်ဂဲၤဖိတဖၣ်အံၤအသိးပဂုာ်ကျဲးစၢးတသ့ဖဲအသ့လၢကီၢ်အတၢ်ဟ့ၣ်တၢ်ပျဲ, တၢ်ဟံးစုနဲၣ်ကျဲပှၤအပူၤလီၤ. ပ ဆၢမုၢ်လၢ်စ့ၢ်ကီးလၢပှၤဖးတၢ်ဖိကိးဂၤဒဲးကဟ့ၣ်ဂံၢ်ဟ့ၣ်ဘါပှၤ, ကဟ့ၣ်ကူၣ်ဟ့ၣ်ဖးပှၤ, ဒီးထုကဖၣ်လၢပဝဲၤကျိၤ အတၢ်ဖံးတၢ်မၤကဂုၤထီၣ်ပသီထီၣ်လၢယွၤအလၤကပီၤဂီၢ်ထီဘိတက့ၢ်.
တၢ်ဂီၤလၢတၢ်အုၣ်ကီၤတဖၣ်အဂီၢ်
