တၢ်ဒုးအိၣ်ထီၣ်သးစၢ်ဝဲၤကျိၤ
အမဲရကၤကီၢ်စၢဖှိၣ်ကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် သးစၢ်ဝဲၤကျိၤတၢ်စံၣ်စိၤတဲစိၤန့ၣ်လီၤ.Youth Congress တၢ်မၤအီၤအဆိကတၢၢ်တဘျီ Fort Wayne, Indiana န့ၣ်လီၤ. အဆိ ,စံးဘျုးဘၣ်ယွၤလၢ အဆှၢဃီၤ ပဝဲ ကညီဖိတဖၣ်ဆူ ကီၢ်လၢပတတိာ်သူၣ်ပာ်သးဒီး, တမံမီၢ်ဒၣ်လဲာ်တဘ့ၣ်အံၤအဃိန့ၣ်လီၤ. မ့ၢ်ကီၢ် လၢအလၢ ပှဲၤဒီး တၢ်နုၢ်ထံကနဲစီ, ကီၢ်လၢအမံၤဟူသၣ်ဖျါ, ကီၢ်လၢအိၣ်ဒီး တၢ်လၢတၢ်ပှဲၤတဘ့ၣ်န့ၣ် ပစံးသ့ဝဲန့ၣ်လီၤ.
ပစံးဘျုးကစၢ်ယွၤအဒိၣ်အအါ ခီဖျိလၢဟ့ၣ်ပှၤတၢ်ခွဲးတၢ်ယာ်ဖးဒိၣ်တမံၤလၢ ပမၤသကိးဘၣ် တၢ်သးခုက စီၣ်အတၢ်မၤလၢကီၢ်တဘ့ၣ်အံၤအပူၤန့ၣ်လီၤ. ပစံးဘျုးဘၣ်ယွၤလၢ ဟ့ၣ်ပှၤခိၣ်နၢ်တဖၣ်လၢ အအိၣ်ဒီးသးလၢအအဲၣ် တၢ်သးခုကစီၣ်, တၢ်ဖံးတၢ်မၤတဖၣ်လၢ အတီခိၣ်ရိၣ်မဲ, ထုးဖှိၣ်ကၢၤဖှိၣ်က့ၤ ပဝဲကညီဘျၢထံခရံာ်ဖိတဖၣ်လၢ ကီၢ်တဘ့ၣ်အံၤအပူၤဒီး သူၣ်ထီၣ်ဆီလီၤန့ၢ်က့ၤ ကညီဘျၢထံခရံာ်ဖိတၢ်အိၣ်ဖှိၣ်လၢ ကီၢ်အမဲရကၤတဘ့ၣ် အံၤ အ ပူၤန့ၣ်လီၤ. ကီၢ်အမဲရကၤ ကညီဘျၢထံခရံာ်ဖိသးစၢ်ဝဲၤကျိၤ ဘၣ်တၢ်စးထီၣ်အီၤ ဖဲသးစၢ်ဝဲၤ ကျိၤ တၢ် မၤလိ ဆိကတၢၢ်တဘျီလၢ အ့ဒံယါနါ, ဖီးဝ့, ဖဲလါယူၤလံ(၂၃)သီ, ၂ဝဝ၉ နံၣ်န့ၣ်လီၤ. တၢ်မၤလိတဘျီအံၤ တၢ်ဃုထၢထီၣ်ဆိသးစၢ်ဝဲၤကျိၤ ပှၤနဲၣ်တၢ်လၢအမ့ၢ် သရၣ်မုၢ်ကပီၤန့ၣ်လီၤ. ဘၣ်ဆၣ်မ့ၢ်လၢအနီၢ်ကစၢ်ဒၣ်ဝဲ ပာ်ဖျါ ထီၣ်အတၢ်ကီတၢ်ခဲ တချုးတဒးအဃိ ဃ့အိၣ်ဘှံးဝဲလၢ ပှၤနဲၣ်တၢ်အတၢ်မၤန့ၣ်လီၤ. ဒီးဖဲလါယူၤလံထီၣ် (၂၂- ၂၆, ၂ဝ၁ဝ) နံၣ် သးစၢ်ဝဲၤကျိၤတၢ်မၤလိလၢ အလီၤဘၣ်ဖဲ ဝ့ၢ်စ့ၣ်ဖီလ်, ကီၢ်စဲၣ် Minnesota အဆၢကတီၢ် ဘၣ်တၢ်ဃုထၢ ထီၣ်မၤပှဲၤက့ၤ သရၣ်မုၢ်ကပီၤအလီၢ်, လၢသရၣ်ဖျိးစိသီ ဒ်ကျဲးစၢၤကရၢ ပှၤနဲၣ်တၢ်တဂၤအ သိးန့ၣ်လီၤ. စးထီၣ်၂ဝ၁၁နံၣ် ပစးထီၣ်ဆီလီၤဒုးအိၣ်ထီၣ်က့ၤ ကသးစၢ်ဝဲၤကျိၤ အက့ၢ်အဂီၤ လၢလၢပှဲၤပှဲၤန့ၣ်လီၤ.
တၢ်ဃုထၢထီၣ်သးစၢ်ဝဲကျိၤခိၣ်နၢ်တဖၣ် (၁)တဘျီမ့ၢ်ဝဲ ဖဲ(ဝ၇.၂၃.၂ဝ၁ဝ) Saint Paul, Minnesota ကရၢမိၢ်ပှၢ်နံၣ်ကတၢၢ် တၢ်အိၣ်ဖှိၣ်အဆၢကတီၢ်န့ၣ်လီၤ.
သးစၢ်ဝဲၤကျိၤခိၣ်နၢ်တဖၣ်မ့ၢ်ဝဲ
- ၁.ကရၢခိၣ် သရၣ်ဒိၣ်ဆၣ်ထွဲ
- ၂.ကရၢခိၣ်(၂) သရၣ်အဲၣ်လၢာ်ပျီ
- ၃.နဲၣ်ရွဲၣ် သရၣ်ဖျိးစိသီ
- ၄.နဲၣ်ရွဲၣ်သဃဲၤ သရၣ်အ့ၤဘ့ၣ်န့စၢ်ကူၣ်
- ၅.ပှၤပၢၤစ့ သရၣ်ဒိၣ်ဧိၤသန့လး
- ၆.ပှၤသမံသမိးစ့ (က)သရၣ်အ့ၤဘ့ၣ်န့စၢ်ဂီၤ, (ခ)သရၣ်မုၣ်ထဲရၣ်
- ၇.ပှၤဟ့ၣ်ကူၣ်ဟ့ၣ်ဖးတၢ်တဖၣ် (က)သရၣ်ဒိၣ်ဆၣ်မူၡံမိၣ်, (ခ)သရၣ်ဒိၣ်ဒီးကထၢၣ်လၢၢ်ထူ (ဂ)သးပှၢ်သူးသ့ၣ်ခီး တဖၣ်န့ၣ်လီၤ.
ပသးစၢ်ဝဲၤကျိၤတနံၣ်တဘျီပအိၣ်ဒီးသးစၢ်ဝဲၤကျိၤတၢ်မၤလိလၢ ကဝီၤတဘ့ၣ်ဘၣ်တဘ့ၣ် တၢ်အိၣ်ဖှိၣ်တဖၣ် တူၢ်လိာ်ဝဲန့ၣ်လီၤ.စးထီၣ်လၢ(၂ဝဝ၉)တုၤလၢ(၂ဝ၁၉)ပသးစၢ်ဝဲၤကျိၤတၢ်မၤလိအိၣ်လံ(၇)ဘျီလံန့ၣ်လီၤ.တၢ် မၤလိအ ဆိကတၢၢ်တဘျီ မ့ၢ်ဝဲဖဲ (ဝ၇.၂၃.၂ဝဝ၉) ဝ့ၢ်ဖီးဝ့, အ့ဒံယါနါကီၢ်စဲၣ်, ခံဘျီတဘျီ (ဝ၇.၂၂-၂၆.၂ဝ၁ဝ) ဝ့ၢ်စံၣ်ဖီလ်, မဲၤနံၤစိထၣ်ကီၢ်စဲၣ်, သၢဘျီတဘျီ(ဝ၇.၂၁-၂၄.၂ဝ၁၁)ဟီတၢၣ်ခီလ့ၣ်ကၠိ, နယူယီး ကီၢ်စဲၣ်, လွံၢ်ဘျီတဘျီ (ဝ၇.၂၆-၂၉.၂ဝ၁၂)ဝ့ၢ်ဖီၣ်ဝ့, အ့ဒံယါနါကီၢ်စဲၣ်, ယဲၢ်ဘျီတဘျီ(ဝ၇.၂၅-၂၈.၂ဝ၁၃), ဝ့ၢ်နယူဘၢ, နီးခဲရိၤလဲနါကီၢ်စဲၣ်, ဃုဘျီတဘျီ(ဝ၇.၁ဝ-၁၃.၂ဝ၁၄)ဝ့ၢ်ဒဲဘၢ, ခိၤလိၤရၤဒိၤကီၢ်စဲၣ်, နွံဘျီတဘျီ(ဝ၆.၁၈.၂ဝ၁၅)ဝ့ၢ်အမဲရ့လိၤ, ထဲၣ်ကစဲး ကီၢ်စဲၣ်န့ၣ်လီၤ. ဖဲလါယူၤလံၣ်(၂၆)သီ, ၂ဝ၁၄ နံၣ်န့ၣ်လီၤ.
တၢ်ဃုထၢထီၣ်သးစၢ်ဝဲၤကျိၤခိၣ်နၢ်ခံဘျီတဘျီဖဲကရၢမိၢ်ပှၢ်နံၣ်ကတၢၢ်တၢ်အိၣ်ဖှိၣ်လၢအလီၤဘၣ်ဖဲ ခဲလ် ဖီနံယါ, စဲဒံၤယါကိၤအဆၢကတီၢ်န့ၣ်လီၤ. ခိၣ်နၢ်လၢ (၂ဝ၁၄-၂ဝ၁၆) မ့ၢ်ဒ်လာ်အသိးန့ၣ်လီၤ.
- ၁.ကရၢခိၣ် သရၣ်အ့ၤဘ့ၣ်န့စၢ်ကူၣ်
- ၂.ကရၢခိၣ်(၂) သရၣ်အဲၣ်လၢာ်ပျီ
- ၃.နဲၣ်ရွဲၣ် သရၣ်ဖျီးစိသီ
- ၄.နဲၣ်ရွဲၣ်သဃဲၤ သရၣ်မုၣ်ဒီခၢၣ်ထီ
- ၅.ပှၤပၢၤစ့ သရၣ်ထူဘြီ
- ၆.ပှၤသမံသမိးစ့ ၁.သရၣ်ဆၣ်ကပီၤ, ၂.စီၤဖိတီး
- ၇.ပှၤဟ့ၣ်ကူၣ်တၢ်တဖၣ် ၁.သရၣ်ဒိၣ်လၢၢ်မူမၢ်တ့ၣ်, ၂.သရၣ်အဲၣ်မှံၤ, ၃.သရၣ်ဒိၣ်ထံဂ့ၤ, ၄.သးပှၢ် သူးသ့ၣ်ခီးန့ၣ်လီၤ.
သးစၢ်ဝဲၤကျိၤတၢ်ဟူးတၢ်ဂဲၤတၢ်ဂီၤတဖၣ်
“ထံကီၢ်အတၢ်ဒိၣ်ထီၣ်ထီထီၣ်, ပှၤတဝၢအတၢ်လဲၤထီၣ်လဲၤထီ, တၢ်သးခုကစီၣ်ကမူထီၣ်ဂဲၤထီၣ်အဂီၢ်,အိၣ်ဒိးသန့ၤထီၣ် အသးလၢတၢ်ကတဲာ်ကတီၤတၢ်သိၣ်လိဆူပှၤသူၣ်ဘီၣ်သးစၢ်သ့ၣ်တဖၣ်အအိၣ်န့ၣ်လီၤ.” ကတိၤ ၂၂း၆
