တၢ်ကဟုကယာ်ဒီးတၢ်ဟ့ၣ်တၢ်သ့ၣ်ညါဝဲၤကျိၤ (Care and Counseling Department)
မ်ယွၤအတၢ်ကဟုကယာ်ဒီးသးမုၢ်စီဆှံအတၢ်ကူၣ်လိာ်ကလီၤဘၣ်လၢပှၤဂီၢ်မုၢ်အလိၤထူးထူးတီၤတီၤ ဒီးမ်ယွၤ အမံၤကဘၣ်တၢ်မၤလၤကပီၤအီၤကိးမုၢ်နံၤလၢပသးသမူအတၢ်လဲၤအပူၤန့ၣ်တက့ၢ်. တၢ်ကဟုကယာ် ဒီးတၢ် ကူၣ် လိာ် တၢ်ဝဲၤကျိၤ ဘၣ်တၢ်ဒုးအိၣ်ထီၣ်အီၤလၢ သရၣ်ဒိၣ်ဆၣ်မူၡံမိၣ် ဒီး သရၣ်ဒိၣ်လၢၢ်ထူ ဖဲ 2018 နံၣ်န့ၣ်လီၤ. ပခိၣ် နၢ်လုၢ်ပှ့ၤဒိၣ်တဖၣ်အတၢ်တိာ်မ့ၢ် ဒ်သိး ကီၢ်ကဆီၣ်ထွဲဒီးဒုးဆူၣ်ထီၣ် ပတၢ်အိၣ်ဖှိၣ်တဖၣ် ခီဖျိ တၢ်ဟ့ၣ်နီၤ လီၤ တၢ် သ့တၢ်ဘၣ်, တၢ်ကူၣ်လိာ်တၢ်, ဒီး တၢ်ကဟုကယာ် ဒ်သိး ပကကဲထီၣ်တၢ်ကပီၤ ဒီး အိၣ် သူၣ် လီၤ ပ လုၢ် ပပှ့ၤလၢ တၢ်သဘျ့လၢခရံာ်အပူၤန့ၣ်လီၤ. ပစံးဘျုးယွၤလၢ အဒုးမၤပှၤလၢ အတၢ် ကဟု က ယာ် အ တၢ် မၤအဃိလီၤ. တၢ်ကဟုကယာ်ဒီးတၢ်ကူၣ်လိာ်တၢ် အတၢ်ဖံးတၢ်မၤမ့ၢ်တၢ်မၤလၢ ပက စၢ်ခရံာ် မၤတ့ၢ် ဝဲ ဒီးမၤ လိာ်ပှၤလၢ ကဘၣ်ဝံလိာ်သကိးပတၢ်ဝံတၢ်ယိာ်တဂၤဒီးတဂၤလီၤ.
အမီထိၣ်မ့ၢ် ဝံလိာ်သုတၢ်ဝံတၢ်ဃၢသကိးသကိးဒီးမၤလၢထီၣ်ပှဲၤထီၣ် ခရံာ်အတၢ်သိၣ်တၢ်သီဒ်န့ၣ်အသိးတက့ၢ်. (ကလၤတံ 6:2)
တၢ်ကဟုကယာ်ဒီးတၢ်ကူၣ်လိာ်တၢ်အမ့းၡၢၣ်မ့ၢ်ဝဲဒ်သိး ကဆီၣ်ထွဲမၤစၢၤတၢ်အိၣ်ဖှိၣ်တဖၣ်, ကဝီၤတဖၣ်, ဒီး KBCUSA တၢ်မၤဘျါတၢ် အတၢ်သးခုကစီၣ်တၢ်ဖံးတၢ်မၤ ခီဖျိ တၢ်တိစၢၤမၤစၢၤ, တၢ်မၤလိသ့ၣ်တဖၣ်, ဒီး တၢ်ကူၣ်လိာ်အတၢ်ဖံးတၢ်မၤတဖၣ်, လၢ ကမၤစၢၤဒုးဆူၣ်ထီၣ် ကီၢ်ဖိကီၢ်လံၤတဖၣ် အသးအတၢ်ဆိကမိၣ်, အ သး အတၢ်ဟူးတၢ်ဂဲၤ, အတၢ်ရ့လိာ်ဘၣ်ထွဲလိာ်သး, ဒီး အသူၣ်ဂ့ၢ်သးကျိၤအတၢ်အိၣ်ဆူၣ်အိၣ်ချ့သ့ၣ်တဖၣ်, ဒီး ဒ်သိး ပကမၤဘၣ်ယွၤအတၢ်ဖံးတၢ်မၤ လၢတၢ်အဲၣ်, တၢ်ဘျုးတၢ်ဖှိၣ်, ဒီး တၢ်သူၣ်အိၣ်သးအိၣ်နီၢ်နီၢ် လၢ အ ဟဲ လၢပကစၢ်ယ့ၣ်ၡူးအအိၣ်န့ၣ်လီၤ.
ဆၢကတီၢ်ခဲအံၤခိၣ်နၢ်ဘၣ်မူဘၣ်ဒါတဖၣ်မ့ၢ်ဒ်လာ်အသိးန့ၣ်လီၤ.
- ပှၤနဲၣ်တၢ် သရၣ်မုၣ်နီၢ်ထဲစံၣ်ကဒိ
- ပှၤပၢၤလီၢ်ဆ့ၣ်နီၤ သရၣ်မုၣ်ဒိၣ်ကွံသ့ၣ်လၣ်စ့
- ပှၤပၢၤလီၢ်ဆ့ၣ်နီၤ(2) သရၣ်မုၣ်ဒါဖီ
- ပှၤဟ့ၣ်ကူၣ်တၢ် သရၣ်ဒိၣ်အ့ၤဘ့ၣ်န့စၢ်ကူၣ်, သရၣ်စီၤလါၡ့ၣ်
- ပှၤဆဲးကျၢဆဲးကျိးတၢ် သရၣ်စးဘးတီ, သရၣ်မုၣ်ဒံၣ်စဲဘၢၣ်သီ, သရၣ်အဲၣ်ထူဝါဆိ, သရၣ်ကၠီၤဖိသၣ်(JP)
- ပှၤဆဲးကျၢဆဲးကျိးလၢကွဲၤထံၣ်ဟူ သရၣ်အဲၣ်သလ့ၤဝါဆိ
ကဝီၤတကဝီၤဘၣ်တကဝီၤအိၣ်ဒီးတၢ်ကဟုကယာ်ဒီးတၢ်ကူၣ်လိာ်တၢ်ဝဲၤကျိၤကဝီၤခၢၣ်စးဒီး ကဝီၤကမံးတံာ် ဒၣ်ဝဲစုာ်စုာ်စ့ၢ်ကီးလီၤ.
တၢ်ရဲၣ်တၢ်ကျဲၤတၢ်ဟူးတၢ်ဂဲးတဖၣ်မ့ၢ်ဒ်လာ်အသိးလီၤ.
1.ပထုးထီၣ်ရၤလီၤဘၣ်နီၢ်သးလံာ်ဟ့ၣ်ဂံၢ်ဟ့ၣ်ဘါလၢတၢ်ရ့လိာ်သးလၢယွၤအဂီၢ်လၢအမ့ၢ် “ကညီဖိအတၢ် လဲၤခီ ဖျိလၢယွၤလၤကပီၤအဂီၢ် (Karen Stories for God’s Glory)” ဒီး “ကညီဖိတၢ်မုၢ်လၢ်အတၢ်လဲၤကျဲ (Karen Journey of Hope)” တဖၣ်လီၤ. လံာ်ဟ့ၣ်ဂံၢ်ဟ့ၣ်ဘါ တဖၣ် မ့ၢ်ဝဲ ကညီဖိအတၢ်လဲၤခီဖျိအတၢ်အုၣ်သးတဖၣ်, အတၢ်စူၢ်တၢ်နာ်, ဒီး အတၢ်မုၢ်လၢ် လၢတိဖျိသီၣ်ထီၣ် ယွၤအတၢ်အဲၣ်ပှၤဒီးအတၢ်တီဒီးပှၤ လၢယွၤအလၤကပီၤအဂီၢ် န့ၣ်လီၤ. လၢနကဖးဘၣ်လံာ်ဟ့ၣ်ဂံၢ်ဟ့ၣ်တဖၣ်အံၤအဂီၢ်, ဝံသးစူၤလဲၤကွၢ်ဖဲလာ်အံၤသ့န့ၣ်လီၤ.
2.တၢ်ဟ့ၣ်ထီၣ်တၢ်မၤလိမိၢ်ပှၢ်, ဃုာ်ဒီးတၢ်မၤလိအတၢ်ပီးတၢ်လီ ဘၣ်ထွဲဒီးတၢ်ဂ့ၢ်ကီတဖၣ်လၢ တၢ်အိၣ်ဖှိၣ် တ ဖၣ်ဘၣ်ကွၢ်ဆၢၣ်မဲာ်ဝဲလၢမုၢ်မဆါတနံၤအံၤန့ၣ်လီၤ. တၢ်မၤလိအခိၣ်တီတဖၣ်မ့ၢ်ဝဲ တၢ်သးအုးဘၣ်မိၣ်ဘၣ်မး, လုၢ် လၢ် စဲထီ, သးအတၢ်ပူၤလီၢ်ဒီးတၢ်ကွၢ်ဆၢၣ်မဲာ်, သးဒီးခိၣ်နူာ် တၢ်အိၣ်ဆူၣ်အိၣ်ချ့, သးအတၢ်ဟးဂူၤဟးဂီၤ, သး တၢ်ကိၢ်တၢ်ဂီၤ, တၢ်မ့ၢ်တၢ်ဒီးသးအတၢ်အိၣ်ဆူၣ် အိၣ်ချ့, တၢ်မၤဆါလီၤက့ၤသး, တၢ်မၤသံလီၤသး, ဟံၣ်ဖိ ဃီဖိ တၢ် ဘၣ်ထဲွလိာ်သး, စိၣ်ၡဲၣ်မံၢ်ဒယၤ ဒီးသးအတၢ်အိၣ်ဆူၣ်အိၣ်ချ့, ခရံာ်ဖိတၢ်ပာ်တၢ်အဲၣ်တီ, တၢ်အိၣ် ကတီၤ ဆိပာ်သးလၢခရံာ်ဖိ တၢ်ဆီဟံၣ်ဆီဃီအဂီၢ်, ခရံာ်ဖိတၢ်ကဟုကယာ်သးအတၢ်အိၣ်ဆူၣ်အိၣ်ချ့ န့ၣ်လီၤ.
3.တၢ်ဟ့ၣ်ဂံၢ်ဟ့ၣ်ဘါ ခိၣ်နၢ်/တၢ်အိၣ်ဖှိၣ်သရၣ်သမါတဖၣ် ခီဖျိ တၢ်ဟ့ၣ်ထီၣ်တၢ်မၤလိဘၣ်ထွဲဒီးခရံာ်အ တၢ်ကူစါယါဘျါအတၢ်ဖံးတၢ်မၤန့ၣ်လီၤ.
4.တၢ်မၤဃုာ်သကိးတၢ်ဒီးတၢ်အိၣ်ဖှိၣ်တဖၣ်, ကဝီၤတဖၣ်, ဝဲၤကျိၤတဖၣ်လၢတၢ်မၤလိ, တၢ်ကတိၤခီလဲသကိး, တၢ်မၤသီက့ၤသး, ဒီးတၢ်ဆှၢခီဆူညါဆူတၢ်မၤစၢၤအလီၢ် တဖၣ်န့ၣ်လီၤ.
ပစံးဘျုးယွၤလၢအသူဘၣ်ပှၤတဆီဘၣ်တဆီလၢခရံာ်အတၢ်ကဟုကယာ်အတၢ်မၤအပူၤအဃိလီၤ. ခါဆူညါ ပ မုၢ် လၢ်လၢ ပကမၤသကိးဘၣ်တၢ်အါထီၣ် ဒီး ပတၢ်မၤတဖၣ်ကဂ့ၤထီၣ်ဆူၣ်ထီၣ် လၢယွၤ အလၤ ကပီၤအဂီၢ် န့ၣ်လီၤ.ပတၢ်ထုကဖၣ်မ့ၢ်ဒ်သိးပကမူမၤထွဲသးစီဆှံအတၢ်နဲၣ်ပှၤဒ်သိးပကမၤဘၣ်ယွၤဒီးခ့ပှၤအတၢ်မၤလၢလၢတၢ်အဲၣ် ဒီးတၢ်ဘျုးတၢ်ဖှိၣ် လၢအဟဲယွၤလီၤလၢ ပခိၣ်သးဘိ ပှၤကဟုကယာ်မၤဘျါတၢ်အဂ့ၤကတၢၢ် ပက စၢ် ယ့ၣ်ၡူး ခရံာ်န့ၣ်လီၤ.
တၢ်ဟူးတၢ်ဂဲၤတၢ်ဂီၤတဖၣ်
