တၢ်ဒုးအိၣ်ထီၣ်တၢ်သးခုကစီၣ်ဝဲၤကျိၤ
အမဲရကၤကီၢ်စၢဖှိၣ်ကညီဘျၢထံခရံာ် ဖိတၢ်အိၣ်ဖှိၣ်သ ကိးတၢ်အိၣ် ဖှိၣ်တၢ်သးခု ကစီၣ် ဝဲၤကျိၤ, တၢ် သး ခုကစီၣ်မ့ၢ်တၢ်မၤဖးဒိၣ် လၢကစၢ်ခရံာ်အနီၢ်ကစၢ်ဒၣ်ဝဲမၤလိာ်တ့ၢ် ပှၤလၢပကဘၣ်မၤအီၤန့ၣ်လီၤ. ပဝဲက ညီဖိ တဖၣ် ပမ့ၢ် ပှၤတကလုာ်လၢ အဲၣ်မၤတၢ်သးခုကစီၣ်အတၢ်မၤ စးထီၣ်လၢဖုသၣ်ဖၠူၣ် ဒိးန့ၢ် တၢ်သး ခုက စီၣ် ဝံၤအလီၢ်ခံ တၢ်သး ခု ကစီၣ်ရၤလီၤအသးလၢ ကညီဖိတဖၣ် အသိးအကျါ စးထီၣ်လၢ ခူဝ့ၢ်, ဒူသဝီ ဒီးဆူ က စၢၢ်ခိၣ်ကလိကျါ, လၢန့ၣ်အမဲာ်ညါဘၣ်လဲၤသကုးဆးဒး လၢကလုာ်ဂၤအကျါဒီး တုၤ လၢထံဂၤကီၢ်ဂၤန့ၣ်လီၤ. ပဝဲဒၣ်လၢအဟဲတုၤ ဖဲကီၢ်အမဲရကၤအပူၤတဖၣ် ပစံးဘျုးယွၤ လၢဒုးမၤပှၤလၢ တၢ်သးခု ကစီၣ် အတၢ် ဖံးတၢ် မၤအဃိန့ၣ်လီၤ. တၢ်အိၣ်ဖှိၣ်လၢအမူ, ကဝီၤလၢအမူ, ကီၢ်လၢအမူ, ပှၤတကလုာ်လၢအမူန့ၣ် မ့ၢ်လၢအ မၤတၢ်သးခုကစီၣ်အဃိန့ၣ်လီၤ.
ပဝဲဒၣ်အမဲရကၤကီၢ်စၢဖှိၣ်ကညီဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် ပအိၣ်စ့ၢ်ကီးဒီးတၢ်သးခုကစီၣ် ဝဲၤကျိၤလၢ တၢ်မၤသကိးတၢ်သးခုကစီၣ်ဆူ ကီၢ်ပူၤကီၢ်ချၢဒီးပၢၢ်တုၤလၢဟီၣ်ခိၣ်ဒီဖျၢၣ်န့ၣ်လီၤ. ပအိၣ်ဒီးကဝီၤ (7) ကဝီၤတၢ်သးခုကစီၣ်ဝဲၤကျိၤပှၤနဲၣ်တၢ်တဖၣ်မ့ၢ်ဝဲ…
- 1. သရၣ်ဒိၣ်မၠိကီၠၣ် မုၢ်ထီၣ်ကလံၤစိးကဝီၤ East Coat North Region
- 2. သရၣ်အၤဘြၤဟၣ် မုၢ်ထီၣ်ကလံၤထံးကဝီၤ East Coat South Region
- 3. သရၣ်နီမဲ ကလံၤစိးလီၢ်ကဝီၤခၢၣ်သး Central North Region
- 4. သရၣ်ဒိၣ်ဆၣ်ထွဲ ကလံၤထံးလီၢ်ကဝီၤခၢၣ်သး Central South Region
- 5. သရၣ်ဒိၣ်ဂ့ၤန့ၢ်ဆၢ မုၢ်နုာ်ကလံၤစိးခၢၣ်သးလီၢ်ကဝီၤ Midwest North Region
- 6. သရၣ်မူသီ မုၢ်နုာ်ကလံၤထံးခၢၣ်သးလီၢ်ကဝီၤ Midwest South Region
- 7. သရၣ်ဟဲခုၣ် မုၢ်နုာ်ကဝီၤ West Coast Region
တၢ်သးခုကစီၣ်ကမံးတံာ်ပှၤဘၣ်မူဘၣ်ဒါတဖၣ်မ့ၢ်ဝဲ
- 1. သရၣ်ဒိၣ်ကွဲၤထူ ပှၤပၢၤလီၢ်ဆ့ၣ်နီၤ
- 2. သရၣ်ဒိၣ်ဆၣ်ထွဲ ပှၤပၢၤလီၢ်ဆ့ၣ်နီၤ (2)
- 3. သရၣ်ဒိၣ်လ့ခၢၣ် ပှၤနဲၣ်တၢ်
- 4. သရၣ်မုၣ်အ့အ့သီၣ် ပှၤနဲၣ်တၢ် (2)
- 5. သရၣ်ဒိၣ်ဂ့ၤန့ၢ်ဆၢ ပှၤပၢၤစ့
တၢ်တိာ်ကျဲၤတဖၣ်လၢအမ့ၢ်ဝဲ
- 1. တၢ်ဟးအိၣ်သကိးတၢ်အိၣ်ဖှိၣ်တဖၣ်လၢကရၢမိၢ်ပှၢ်အပူၤန့ၣ်လီၤ.
- 2. ဒုးအိၣ်ထီၣ်တၢ်သးခုကစီၣ်ဝဲၤကျိၤခိၣ်နၢ်တၢ်မၤလိန့ၣ်လီၤ.
- 3. တၢ်မၤသကိးတၢ်သးခုကစီၣ်အတၢ်မၤဆူဟီၣ်ခိၣ်ဒီဖျၢၣ်န့ၣ်လီၤ.
တၢ်သးခုကစီၣ်အတၢ်ဟူးတၢ်ဂဲၤတဖၣ်
ဖဲလါနိၣ်ဝ့ဘၢၣ်(2015)နံၣ်အပူၤအံၤ ပကရၢမိၢ်ပှၢ်ခိၣ်နၢ်သၢဂၤလၢအမ့ၢ်ဝဲ သရၣ်ဒိၣ်ဒီးကထၢၢ်လၢၢ်ထူ, သ ရၣ်ဒိၣ်ကၠီၣ်ဒူဒီးသရၣ်ဒိၣ်ဟိၤသန့လးတဖၣ် က့ၤဆူကီၢ်ပံၤယီၤလၢ ပှၤကညီဘျၢထံခဝ့ၡၢၣ်သရၣ်သမါဝဲၤကျိၤ အတၢ် အိၣ်ဖှိၣ်ဖးဒိၣ်န့ၢ်လီၤ. လၢအဝဲသ့ၣ်အတၢ်က့ၤတဘျီအံၤ အိၣ်ဒီးတၢ်အၢၣ်လီၤလၢ ကမၤသကိးတၢ်သးခုကစီၣ်ဒီးခဝ့ ၡၢၣ်ခီဖျိပကဆီၣ်ထွဲမၤစၢၤ ပှၤတၢ်မၢဖိ (12) ဂၤလၢတနံၣ်ဘၣ်တနံၣ်အဂီၢ်န့ၣ်လီၤ.
ပကရၢခိၣ်သရၣ်ဒိၣ်ဆၣ်မူၡံမိၣ်က့ၤလီၤဟးအိၣ်သကိးဘၣ်တၢ်အိၣ်ဖှိၣ်လၢထံလီၢ်ကီၢ်ပူၤအါတီၤဒီးပဆီၣ်ထွဲမၤ စၢၤဘၣ် သးစၢ်ခိၣ်နၢ်တၢ်မၤလိဖဲဆၣ်မုာ်ပၢၤကဝီၤ, ကီၢ်ဆီထံးလၢ စ့(500)ဒီလၢ်န့ၣ်လီၤ. တၢ်မၤလိမ့ၢ်တၢ်အဆိက တၢၢ်ဒီး ပှၤဟဲမၤလိတၢ်အိၣ်ဝဲ (259) ဂၤန့ၣ်လီၤ.
ယနီၢ်ကစၢ်ဒၣ်ယဲဖဲဆၢကတီၢ်ဒီးတၢ်ခွဲးတၢ်ယာ် အိၣ်ဝဲအသိး,ဟးအိၣ်သကိးဘၣ် တၢ်အိၣ်ဖှိၣ်ဒီးကဝီၤတ ဖၣ်တသ့ဖဲအသ့ကစီဒီးန့ၣ်လီၤ.လၢတၢ်ဟးအိၣ်သကိးတၢ်အိၣ်ဖှိၣ်တဖၣ်အပူၤ ,ထံၣ်ဘၣ်လၢတၢ်အိၣ်ဖှိၣ်တနီၤ ဘၣ် ကွၢ်ဆၢၣ်မဲာ်ဒီးတၢ်ဂ့ၢ်ကီခီဖျိကရူၢ်ကရၢအဂၤတဖၣ်နုာ်လီၤကွဲန့ၢ်လွဲန့ၢ်ပဖိပလံၤဒီးတၢ်လီၤမုၢ်လီၤဖးအိၣ်ထီၣ် လၢဟံၣ် ဖိဃီဖိဒီးတၢ်အိၣ်ဖှိၣ်အပူၤ အိၣ်ဝဲအဃိလိၣ်ဘၣ်အါထီၣ် တၢ်လဲၤအိၣ်သကိးဒီးတၢ်ဟ့ၣ်ဂံၢ်ဟ့ၣ်ဘါန့ၣ်လီၤ.
တၢ်သကွံာ်ကညးဒီးတၢ်ဟ့ၣ်ပလီၢ်ဒ်ပကရၢမိၢ်ပှၢ်အိၣ်ဒီးတၢ်သးခုကစီၣ်ဝဲၤကျိၤဒီးအတၢ်ဖံးတၢ်မၤတဖၣ်အသိး ပထံၣ်ဘၣ်လၢကရူၢ်ကရၢအဂၤတဖၣ် ဟဲဂဲၤလိာ်စ့ၢ်ကီးဝဲလၢအကရၢအဂီၢ်ဒီးဟဲနုာ်လီၤမၤတံာ်တာ် တၢ်အါမး လၢ ပတၢ်အိၣ် ဖှိၣ်တဖၣ်အပူၤန့ၣ်လီၤ. ထံၣ်ဘၣ်ပှၤလၢအကိးလီၤအသး လၢတၢ်မူထီၣ်ဂဲၤထီၣ်ကရၢတဖၣ် ဟဲ နုာ် လီၤ ဟ့ၣ်တၢ်သိၣ်လိ, စံၣ်တဲာ်တဲလီၤတၢ်လၢ ကရၢမိၢ်ပှၢ်တၢ်အိၣ်ဖှိၣ်တဖၣ်အပူၤအဃိ ,သးအိၣ် ဃ့က ညး ဘၣ် တၢ်အိၣ်ဖှိၣ်ခိၣ်နၢ်သရၣ်သမါတဖၣ် ကပလီၢ်ပဒီအသးအဂီၢ်န့ၣ်လီၤ. အနီၢ်နီၢ်တခီပဝဲကညီဘျၢထံခရံာ်ဖိလံၤတဖၣ် မၤတ့ၢ်တၢ်သးခုကစီၣ်လၢ မိၢ်ပၢ်ဖံဖုအစိၤလံၤလံၤဒီး တၢ်မူထီၣ်ဂဲၤထီၣ်မၤတ့ၢ်အသးအဃိ ခရံာ်ဘီမုၢ်အံၤဒိၣ်ထီၣ် လဲၢ်ထီၣ်ဝဲကွ့ၢ်ကွ့ၢ်လီၤ.
တၢ်မူထီၣ်ဂဲၤထီၣ်စံးတၢ်န့ၣ်တမ့ၢ်ထဲလၢတၢ်ဘူၣ်ထီၣ်ဘါထီၣ်လၢအအိၣ်ဖျါထဲလၢခိဧိၤဘၣ်,မ့မ့ၢ်တခီတၢ်ဆှၢ က့ၤသးသ မူတဖၣ် ဆူခရံာ်အအိၣ်ဒ်သိးကန့ၢ်သါဘၣ်က့ၤ တၢ်အုၣ်က့ၤခီၣ်က့ၤဒီးတၢ်မူအထူအယိာ်အဂီၢ်မ့ၢ်တၢ်အ ကါဒိၣ်မးလီၤ.သ့ၣ်နီၣ်ထီၣ်က့ၤ“ကလၤတံအတၢ်အိၣ်ဖှိၣ်” မ့ၢ်လၢတူၢ်လိာ်ပှၤဒ်သိးအံၤအဃိ အမံၤဘၣ်တၢ်ကိးအီၤလၢ ပှၤဟးဂီၤ ပှၤကလၤတံဖိန့ၣ်လီၤ. သရၣ်ဖးဒိၣ်စီၤပီလူးဒုးသ့ၣ်နီၣ်ထီၣ်က့ၤပှၤလၢတဘၣ်ဟ့ၣ်မုၢ်ကီၤလံၢ်အလီၢ်တဂ့ၤ န့ၣ်လီၤ.
ဖုသရၣ်ဒိၣ်လၢၢ်မူတဲဝဲ,ပှၤတဖၣ်အံၤလီၤဂာ်ဒ်ဆီတဘ့ၣ်လၢ အထံၣ်နီၣ်ဘု, ဟုထၢၣ်အသိးန့ၣ်လီၤ.နမ့ၢ် တူၢ် လိာ်အီၤထဲနစုမုၢ်ဖိတဘိန့ၣ် လၢခံနနီၢ်ခဲလၢာ်ကကဲထီၣ်အတၢ်န့ၣ်လီၤ. အဝဲသ့ၣ်ကဟဲကွဲန့ၢ်လွဲန့ၢ်ပှၤလၢ တၢ်အါမံၤ တုၤ လၢတၢ်ဆီၣ်ထွဲမၤစၢၤ ကျိၣ်ဖိစ့ဖိဒီး တၢ်လီၢ်တၢ်လၤတဖၣ်ဒၣ်လဲာ်န့ၣ်လီၤ. သးအိၣ်ဃ့ကညး ဘၣ် ပှၤစူၢ် က့ၤ နာ် က့ၤတၢ်တဖၣ်,ကရၢမိၢ်ပှၢ်ဖိလံၤပျဲၢ်ဘီၣ်ကိးဂၤလၢ မ်သုကပျီၢ်သုသးဒီး တဘၣ် ကွၢ်မဲာ် ကျိၣ် စ့ တၢ် ထူးတၢ်တီၤ, တၢ်လီၢ်တၢ်လၤဒီး တူၢ်လိာ်အဝဲသ့ၣ်တဂ့ၤန့ၣ်လီၤ. (အ့းဖ့းစူး 4:27, ကတိၤဒိ 10:15, 1ပ့း 5:8) မ်သုကအိၣ်ဂၢၢ်ကျၢၤလၢတၢ်စူၢ်တၢ်နာ်အပူၤတက့ၢ်.
တၢ်သးခုကစီၣ်ဝဲၤကျိၤတၢ်ဟူးတၢ်ဂဲၤတၢ်ဂီၤတဖၣ်
“လုၢ်အီၣ်လုၢ်အီယသိတက့ၢ်.” ယိၤ ၂၁း၁၇
