တၢ်ဒုးအိၣ်ထီၣ်ပိာ်မုၣ်ဝဲၤကျိၤ
အဆိ,စံးဘျုးဘၣ်ပပၢ်ကစၢ်ယွၤ လၢအဆှၢခီဖျိပဝဲ ကီၢ်အမဲရကၤ ကညီဘျၢထံခရံာ်ဖိတၢ်အိၣ်ဖှိၣ်သကိး တၢ်အိၣ်ဖှိၣ်လၢ(၁၅)နံၣ်အတီၢ်ပူၤပမ့ၢ်ဘၣ်ကွၢ်ဆၢၣ် မဲာ်ဒီးတၢ်ကီတၢ်ခဲ, တၢ်ဆူးတၢ်ဆါ, ဟီၣ်ခိၣ်န့ဆၢၣ်တၢ်ကီတၢ်ခဲ အါမံၤဘၣ်ဆၣ်ယွၤတကွၢ်ကပာ်ပှၤဘၣ်.အဝဲဟ့ၣ်ပှၤတၢ်ဂံၢ်တၢ်ဘါလၢပတၢ်ကွၢ်ဆၢၣ်မဲာ်အပူၤဒ်သိးပကသ့လဲၤခီဖျိတၢ် ကီတၢ်ခဲတဖၣ်ကန့ၣ်ကသ့အဂီၢ်, သိၣ်လိပှၤလၢကျဲအါမံၤအါမၠိဒ်သိးပကသ့သုးဘူးပသးဆူယွၤအအိၣ်အါထီၣ်အဂီၢ်န့ၣ် လီၤ. ယွၤဆီလီၤပာ်လီၤန့ၢ်ပှၤ ခိၣ်နၢ် လုၢ်ဒိၣ်ပှ့ၤဒိၣ် လၢပဂီၢ် ကဲထီၣ်တၢ်ဒိဂ့ၤတဲာ်ဘၣ်ဖးဒိၣ်ဒီးသး အတၢ်ဂံၢ် တၢ် ဘါ လၢ ပဝဲပိာ်မုၣ်တဖၣ်အဂီၢ်န့ၣ်လီၤ. အဝဲသ့ၣ်မ့ၢ်ဘၣ်ကွၢ်ဆၢၣ်မဲာ်ဒီးတၢ်ကီတၢ်ခဲ လၢကျဲအါဘိ ဒီးမ့ၢ်ဘၣ် ကွၢ် ဆၢၣ်မဲာ်ဒီးတၢ်ဆူးတၢ်ဆါအကလုာ်ကလုာ်, မ့ၢ်လီၤဘှံးလီၤတီၤလၢတၢ်လဲၤတၢ်က့ၤတၢ်ဖံးတၢ်မၤအပူၤဘၣ်ဆၣ်, တတ့ၢ် စၢ်လီၤအဂံၢ်အဘါဘၣ်. မ့မ့ၢ်တခီဟံးစုနဲၣ်ကျဲအဖိအလံၤသ့ၣ်တဖၣ်လၢ ကပာ်ဒိၣ်ယွၤဒီးဃ့ထုကဖၣ်ရ့လိာ်သးဒီးယွၤ ကိးဘျီဒဲးန့ၣ်လီၤ. ယွၤအဘျုးအဖှိၣ်အတၢ်ဆိၣ်ဂ့ၤဆိၣ်ဝါအဃိပချုးန့ၢ်ကဒီး KBCUSA (၁၅)ဝီတဝီန့ၣ်လီၤ.
လၢတၢ်ဆိၣ်ဂ့ၤအါမံၤအကျါပဝဲပိာ်မုၣ်ဝဲၤကျိၤစ့ၢ်ကီးပဒိးန့ၢ်ဘၣ်တၢ်ဆိၣ်ဂ့ၤလၢပဟံးလိာ်သကိးပစု ဒီးကရၢ မိၢ်ပှၢ်ဒ်ဝဲၤကျိၤတကျိၤအသိးန့ၣ်လီၤ.,သးအိၣ်စံးဘျုးလီၤဆီဒၣ်တၢ်မိၢ်ပၢ်သရၣ်သမါလၢအဒုးအိၣ်ဖျဲၣ်ထီၣ်ပိာ် မုၣ်ဝဲၤ ကျိၤလၢကီၢ်အမဲရကၤအပူၤန့ၣ်လီၤ.
မိၢ်အဆိကတၢၢ်လၢတၢ်ဒုးအိၣ်ထီၣ်ပိာ်မုၣ်ကရၢလၢကီၢ်အမဲရကၤ
ပှၤလၢအဆီလီၤကညီပိာ်မုၣ်ကရၢလၢကီၢ်အမဲရကၤအဆိကတၢၢ်မ့ၢ်ဒၣ်ပဖံဖံသရၣ်မုၣ်ထူမ့ၣ်န့ၣ်လီၤ. သရၣ် မုၣ်ထူမ့ၣ်မ့ၢ်မိၢ်လုၢ်ဒိၣ်ပှ့ၤဒိၣ်တဂၤလၢဒုးအိၣ်ထီၣ်ပိာ်မုၣ်ကရၢအဆိကတၢၢ်ဖဲကီၢ်အမဲရကၤအပူၤန့ၣ်လီၤ. သရၣ်မုၣ် ထူမ့ၣ်ဟဲတုၤလၢကီၢ်အမဲရကၤဖဲ၂ဝဝ၇နံၣ်န့ၣ်စးထီၣ်မၤတၢ်လၢ Jewish nursing home မၤတၢ်ထဲဃုလါဝံၤ, ဖဲ၂ဝဝ၈ နံၣ်ထံၣ်လိာ်သးဒီးမးမးခဲးသရံဘံၣ်အဲလၢာ်န့ၣ်လီၤ.ဖံဖံသရၣ်မုၣ်ထူမ့ၣ်တဲဝဲ “,သ့ၣ်ညါလိာ်သးဒီးမးမးဖဲ,အိၣ်လၢ မဲၤလးဒဲကဝီၤဒီးယဟံးန့ၣ်မူဒါဒ်ပိာ်မုၣ်ကရၢခိၣ်အဆၢကတီၢ်န့ၣ်လီၤ.” မးမးတဲဝဲ “ထူမ့ၣ်လၢဒဲကဝီၤအပူၤနမၤတ့ၢ် လံတၢ်ဒ်ပိာ်မုၣ်ခိၣ်နၢ်တဂၤအသိးခဲအံၤလၢအမဲရကၤအပူၤစ့ၢ်ကီးနကြၢးမၤကဲထီၣ်ဒီးဂၢၤက့ၤပိာ်မုၣ် တဖၣ်လၢကီၢ်စဲၣ် တဘ့ၣ်ဘၣ်တဘ့ၣ်အပူၤဒီးဒုးအိၣ်ထီၣ်ပိာ်မုၣ်ကရၢန့ၣ်လီၤ.” ဖဲ၂ဝ၁ဝနံၣ်န့ၣ် ဖံဖံသရၣ်မုၣ်ထူ မ့ၣ်စးထီၣ်က ရၢ က ရိထီၣ်ပိာ်မုၣ် တဖၣ်လၢကီၢ်အမဲရကၤန့ၣ်လီၤ. ဖဲလါအ့ဖြ့းစ် ၂ဝ၁၁နံၣ်န့ၣ် ပိာ်မုၣ် ကရၢ အံၤ ဘၣ် တၢ် ဆီ လီၤအီၤဒ်ကရၢအက့ၢ်အဂီၢ်အသိး ဖဲဝ့ၢ် Saint Paul, Minnesota န့ၣ်လီၤ.
ပိာ်မုၣ်ကရၢကမံးတံာ်ခိၣ်နၢ် (၂ဝ၁၁-၂ဝ၁၄)နံၣ်
- ၁.ပိာ်မုၣ်ကရၢခိၣ် သရၣ်မုၣ်ထူမ့ၣ်
- ၂.ကရၢခိၣ်(၂) သရၣ်မုၣ်ထံမုာ်
- ၃.နဲၣ်ရွဲၣ် သရၣ်မုၣ်မ့ၤလရံၣ်ထူအပိၣ်လိၣ်
- ၄.နဲၣ်ရွဲၣ်သဃဲၤ သရၣ်မုၣ်ဖီဝါတိ
- ၅.ပှၤပၢၤစ့ သရၣ်မုၣ်ဒ့ၤစံၣ်ကၠိၤစါယၢၣ်
- ၆.ပှၤစဲးစ့ သရၣ်မုၣ်ဖီဂ့ၤလၣ်, သရၣ်မုၣ်အ့မၠးဖၠူၣ်န့ၣ်လီၤ.
ဖဲလါယူၤလံ၂ဝ၁၄နံၣ်န့ၣ်ဘၣ်တၢ်ဆီတလဲက့ၤအီၤဒ်ဝဲၤကျိၤအသိးဖဲ San Diego, California တၢ်အိၣ်ဖှိၣ် အဆၢ က တီၢ်န့ၣ်လီၤ.
ပိာ်မုၣ်ဝဲၤကျိၤကမံးတံာ် (၂ဝ၁၄-၂ဝ၁၇)နံၣ်
- ၁.ပှၤနဲၣ်တၢ် သရၣ်မုၣ်မ့ၤလရံၣ်ထူအပိၣ်လိၣ်
- ၂.ပှၤပၢၤလီၢ်ဆ့ၣ်နီၣ် သရၣ်မုၣ် ထဲရၤကိဘၣ်
- ၃.ပှၤပၢၤလီၢ်ဆ့ၣ်နီ(၂) သရၣ်မုၣ်အဲၣ်ဒံနၣ်ထူ
- ၄.ပှၤပၢၤစ့ သရၣ်မုၣ်ဒ့ၤစံၣ်ကၠိၤစါယၢၣ်
- ၅.ပှၤစဲးစ့ သရၣ်မုၣ်ဖီဂ့ၤလၣ်, သရၣ်မုၣ်အ့မၠးဖၠူၣ်န့ၣ်လီၤ.
ပိာ်မုၣ်ဝဲၤကျိၤကမံးတံာ် (၂ဝ၁၇-၂ဝ၁၄)နံၣ်
- ၁.ပှၤနဲၣ်တၢ် သရၣ်မုၣ်မ့ၤလရံၣ်ထူအပိၣ်လိၣ်
- ၂.ပှၤပၢၤလီၢ်ဆ့ၣ်နီၤ သရၣ်မုၣ်အဲၣ်ဒံနၣ်ထူ
- ၃.ပှၤပၢၤလီၢ်ဆ့ၣ်(၂) သရၣ်မုၣ်စ့စ့ကၠီၣ်
- ၄.ပှၤပၢၤစ့ သရၣ်မုၣ်အ့မၠးဖၠူၣ်
- ၅.ပှၤစဲးစ့ သရၣ်မုၣ်ဖီဂ့ၤလၣ်, သရၣ်မုၣ်မၤသၣ်လဲၤပူၤကွံာ်ဖဲ(၂ဝ၂ဝ) ဒီးတၢ်မၤပှဲက့ၤအီၤလၢသရၣ်မုၣ်မုာ်သီန့ၣ်လီၤ.
တၢ်ဟူးတၢ်ဂဲၤတဖၣ်
- ၁.ထုးထီၣ်တၢ်ဂ့ၢ်မိၢ်ပှၢ်
- ၂.ဆှၢလံာ်စီဆှံကၠိဖိ(၅)ဂၤလၢကီၢ်အမဲရကၤ, ကီၢ်လါ, ဒဲကဝီၤလၢယိၤကီၢ်(၁ဝ)ဂၤ
- ၃.ဆီၣ်ထွဲမၤစၢၤဒဲထီလၢမဲးလးဒဲးကဝီၤ
- ၄.ဆီၣ်ထွဲဖံသရၣ် မုၣ်စ့ဘ့ၣ်လၢကွဲးကျိၣ်ထံက့ၤလံာ်စီဆှံလၢမီကိၣ်(ဆလုံ)ကျိာ်
- ၅.ဆီၣ်ထွဲကီၢ်ဆီ ထံးတၢ်မၢဖိခံဂၤ
- ၆.တၢ်ထုကဖၣ် တလါတဘျီဖဲလါလၢာ်မုၢ်အိၣ်ဘှံးအနံၤဂီၤခီ(၇)နၣ်ရံၣ်ခၢၣ်သးအဆၢကတီၢ်.
- ၇.တနံၣ်တဘျီခိၣ်နၢ်တၢ်မၤလိဖဲလါယူၤ ခံနွံတနွံ
- ၈.ပမၤသကိးဘၣ်တၢ်ဒီး Globel Karen ပိာ်မုၣ်ပှာ်ဘျးစဲ
- ၉.ခိၣ်နၢ်တဖၣ်ဒ်ကဝီၤတၢ်ကွဲမုာ်အသိးလဲၤအိၣ်သကိးဘၣ်ကဝီၤတဖၣ်
ပပိာ်မုၣ်ကရၢသူၣ်လီၤအသးလၢတၢ်အိၣ်ဖှိၣ်အိၣ်ဝဲ (၁၁၁)ဖု, ကရၢဖိတံၢ်နီၢ်ဒီးရ့လိၣ်(၅၈၉၈)ဂၤန့ၣ်လီၤ. ယွၤအဘျုးပတၢ်ဖံးတၢ်မၤလၢဝဲၤကျိၤအပူၤ အံၤလဲၤထီၣ်လဲၤထီၣ်လဲၤထီဝဲလၢကဝီၤ (၇)ကဝီၤအပူၤ ဒီးပ မၤ ဘၣ် တၢ်သးခု ကစီၣ်တၢ်ဖံးတၢ်မၤ, မၤသကိးဘၣ်တၢ်ဒီးဒီပုၢ်ဝဲၢ်လၢကီၢ်လါ လဲၤဆူညါစဲးကျံးတၢး, ဒဲကဝီၤအပူၤ, လၢ ထံလီၢ်ကီၢ်ပူၤ ဒီးကီၢ်ချၢထံဂုၤကီၢ်ဂၤ ခဲအံၤလၢဟီၣ်ခိၣ်ဒီဖျၢၣ်စ့ၢ်ကီးန့ၣ်လီၤ.
ပိာ်မုၣ်ဝဲၤကျိၤတၢ်ဟူးတၢ်ဂဲၤတၢ်ဂီၤတဖၣ်
